¹ Enyuma zaho nayunva omulenge guli nka mushiganano gunene, mulenge gunene empingum, gwa derha, Alleluya, buchunguke, n'obukulu, n'emisi, bili byawe Nahano Nyamuzinda werhu. ² Okucha olubanja kwage, kuli kokuli n'obushinganyanya. Bulala wachirirwe olubanja, bulala mumaguza mukulu, woli worhingenye echihugo oku bumaguza bwage, n'okuheka eshagama zabaja bage omu maboko gage. ³ Baderha obwa kabiri, Aleluya; n'omusi gwage gwazamuka enyanya amango namango. ⁴ Nabala bashamuka makumi abiri nabane, nabala balmire bane, baharamya n'oku mukuza Nyamuzinda, oyikere omu kagarhi kakila kichumbi cho bwami, baderha, bushinganyanya, Amen, Aleluya. ⁵ Omulenge gwarhenga mukila kichumbi cho bwami gwa derha, mukuze Nyamuzinda werhu, mwebaja bage boshi, mwemu muyemere, abakulu nabadorho. ⁶ Nayunva omulenge guli nka gwa mushiganano, nka mulenge gwa menji ganene, nka mulenge gwe nkuba nene, gwa derha, Aleluya; bula Nahano Nyamuzinda werhu ali arhegeka. ⁷ Rhusime, rhushabire, rhumuhe obukulu bwage, bulala obuhya bwa mwene entama bwa yinjire, na mukage achi rheganyize. ⁸ Naye ahabirwe oku yambiswa omushangi gwinja, guli gwa baraganya, guchere, bulala ogu mwambaro gwinja bili bijiro byo bushinganyanya bwaba cheswa. ⁹ Naye ambwira, yandika: Ragi lyabo lyaba hamagerwe mobula buhya bomwana wentama. Ambwira, eyi myazi eli myazi yobushinganyanya bwa Nyamuzinda. ¹⁰ Nani nachikuba embere za magulu gage, mpuyi muharamya, ambwira, olole orhajiraga ntyo, nyono ndi muzigirwa wawe nawa bene benyu baherhe obuhamiriza bwa Yesu. Muharamye Nyamuzinda, bulala obuhamiriza bwa Yesu yemirhima yabalebi. ¹¹ Okubuzinda nabona empingu zachingulwa, nalola e farasi yomweru, nowoli yiliko enyanya ayirikirwe mushinganyanya oshinganene, naye oku bushinganyanya alya acha olubanja lwabakola entambala. ¹² Namasu gage gali nka lwenge lomuliro, nenyanya zerhwe lyage bishema binene,naye aherhe ezino liyandikirwe, ntamuntu olimenyere olekere yewe yenyine. ¹³ Naye ayambere omwenda guvuvulizwe omu shagama, nezino lyage lihamagerwe, mwazi gwa Nyamuzinda. ¹⁴ Nolubaga luli omu mpingu lwa mukulikira, bali oku farasi zomweru nokuyambikwa omwenda gomweru guchere. ¹⁵ Nomupanga gukalihire kurhenga omu bunu bwage, guyirhe olubaga loshi. Naye ana balanga oku nkoni yechuma, naye ana labarha omu mukenzi gwe binyobwa bye oro loburhe bwa Nyamuzinda oshobola byoshi. ¹⁶ Naye agwerhe ezino lyage liyandikirwe oku mwenda gwage n'omu malanga gage, Mwami wa bami, na Nahano waba nahano. ¹⁷ Buzinda nabona owundi malayika ayumangire omuzuba, alaka oku mulenge gunene, abwira enyunyi zoshi zibalala omu chanya, muyinje mubuganane oku buhya bunene bwa Nyamuzinda. ¹⁸ Muyinje mulye enyama ya mwami, neya bakulu baba rungu, nenyama zabantu bakomere, nenyama ze farasi, nenyama zabalala bziliko enyanya, nenyama zabantu boshi, abarhegesi naba rhegekwa, abarhegekwa nabakulu. ¹⁹ Oku buzinda nabona ekyola kinyalubala nabami begulu, nabarungu babo, babuganana omu kujira ebirha haguma noyola oyikere oku farasi, haguma nabarungu babo. ²⁰ Ekyo kinyalubala cha farhwa, haguma nolala mulebi wobu behi, nolala wajiraga ebisomezo, arhebekere nabantu balala bayankiriraga ekimenyeso kyechola kinyalubala nabalala baharamyaga e kishushanyo chage, abola bombi bakabulwa omu nyongorhera yomuliro yibana zene ²¹ Nabalala bayorhaga bayirhwa oku mupanga golala oyikere oku farasi, ogo mupanga gwa rhengaga omu bunu bwage. Nenyunyi zoshi zayugurha enyama zabo.