¹ Enyuma zaho nabona owundi malayika, ayandagala kurhenga empingu, ogwerhe obushobozi bunene, nekihugo kya kolezezwa oku bulangashane bwage. ² Alaka oku mulenge gunene, aderha, warhogere, warhogere ali Babilone mukulu, okola mukeni chabazimu, nakikalo cha nkasi muka gubi, buko bwa nkasi nyunyi ebihire yoku gayisa. ³ Bulala embaga zoshi zanywere ebinyobwa byo bubi byobumaguza bwage, nabami begulu bayumagwize naye, naba gulisa omu gulu bayungukire kugerera obuchibone bwage. ⁴ Ahabuzinda nabona ogundi mulenge kurhengera empingu, gwa derha, murhenge emunda ali, mwewe bantu bani, mumenye mwaka shangira echaya chage, yinjo murha kubirhwa haguma naye. ⁵ Bulala ebyaha byage byahikire empingu, na Nyamuzinda abwene amabi gage. ⁶ Mumu juhe nkoku naye ajuhaga abandi, mumu juhe milengo ebiri kukulikirana nebijiro byage. Mulilala gopo asangizize, mumu shangize cho kabiri. ⁷ Kulala azamwirwe nokujira amabi, mumuhe amalumwa n'obugayise kuguma nkoku abikolere. Bulala aderha omu murhima gwage, nayikere nkolandi makamba, ntakili mushumba kazi, ntachigwarha akahinda haba nakatyu. ⁸ Bulala oku kubirhwa kwage njo kwayinja lusiku luguma, olufu, akahinda, enzara, naye njo ayoswa bwenene oku muliro bulala Nyamuzinda wamu chirire olubanja ajira emisi minene. ⁹ Nabola bami begulu, balyamire haguma naye nokujira amabi haguma naye, njo balaka bana chiganire, babona kurhe aherhe asirera n'okurhenga komusi. ¹⁰ Beyumange hale bagwerhe obuba namaluma ganene, bana derha, buhanya, buhanya oku kilira kihugo kikulu, Babilone, kihugo kigwerhe emisi; bulala oku kasanzi kageke wama chibirwa olubanja. ¹¹ Nabalala baguza omu chihugo balaka n'oku chiganira, bulala ntaye wachi bagulira ebyo kuguza. ¹² Burhimbuzi bwe oro, n'efaranga, nebintu byakachiro, amabale gakachiro, nekishema kinja, nemyenda yemisitari, nehariri, n'emyenda edukwire, nabuli murhi gwe mpumulo, na nkasi kintu kye hembi, nankasi kintu kyo murhi gwe ngulo nene, ne diama, nechuma, ne mari mari. ¹³ Ebyasi bihumula, emivumba, n'obubane, ebinyobwa namavurha gemizeyituni, neshano nyinja, engano, enka, entama, e farasi, nemitugari, nemibiri, nemyuka ya bene omuntu. ¹⁴ Namalehe gali gasimirwe nomurhima gwawe gaku rhengere. Nebintu byoshi bilembere, nebintu byakachiro byaku herere.Chiro nabantu barha chibi bona haba naliguma. ¹⁵ Abaguzi bebi bintu, bahabirwe obuchire emwage, bayumanga hale, n'obuba bwa malibuko gage, bana laka n'okujira emishibo. ¹⁶ Bana derha, buhanya, buhanya kishagala chikulu chiyambiswe omwenda gwinja, n'omushangi gwama bara mabara, n'omushangi gudukwire, n'oku kwizwa kwe oro, nebintu bisimisizwe, ne lulu. ¹⁷ Bulala omu kasanzi kageke, obugale bunene bobu buko, bwamaba ntacho. Na nkasi oheka obwarho, na nkasi yeshi oja ahantu hamalira, nabanya marho, na nkasi boshi bakola akasi komu nyanja bayimanga hale. ¹⁸ Balaka bwenene, babere babona omusi goku sirera kwage, baderha, kishagala kihe kili lwiganyo chekila kishagala kikulu? ¹⁹ Bakweba oluvu enyanya za marhwe gabo, balaka, barhenga emiziga n'okujira emishibo, baderha, buhanya, buhanya kishagala kikulu omu kagarhi kage boshi banya marho gomu nyanja bali babwene obuhirhi bwage, bulala omu kasanzi kaguma arha chiliho. ²⁰ Musime enyanya zage mwe mpingu, nenyu bagishwa, nentumwa, nabalebi, bula Nyamuzinda amu chirire olubanja, lubanja lwenyu enyanya zage. ²¹ Na malayika muguma oherhe emisi, akwebe ebale, wamenya nka bale lizibu zibu lyoku shakulira, alikweba omu nyanja, aderha, nkoku misi minene, wakwebwa Babilone, chihugo kikulu, chiro orhana chibonekana haba nakatyu. ²² Chiro nomulenge gwa baziha ebidari, nabaziha emilizi, naba banda omu firimbi, naba banda omu mpanda, birha kachiyunvikana haba nahityu. Chiro nomukozi yeshi womulimo goshi arhakachi bonekana aha kagarhi kawe haba nehityu, chiro nomulenge gwe bale guchunchumire gurhaka chiyunvikana aha kagarhi kawe. ²³ Chiro nobumoleke bwechimole burha kachi chana omu kagarhi kawe, chiro n'omulenge gwa muhya muleme n'ogo muhya mukazi gurha kachi yunvikana aha kagarhi kawe. Bulala abakozi bawe baguza bali bakulu b'ekihugo. Olo lubaga loshi lwa rhebekerwe oku mashaki gawe. ²⁴ Nomu kagarhi kawe mwabonekene eshagama zabalebi neya bachesibwa, nabala boshi bayirhirwe enyanya ze chihugo.