¹ Buzinda anyereka olwinji lwa menji gobulamu, gachere nka birahuli lurhengere omu kichumbi cho bwami bwa Nyamuzinda, n'omwana we ntama. ² Omunjira nkulu yage, olu lunda nolu lunda lolu lwinji, haliri omurhi gobulamu, guburha amalehe gabuko ekumi nama biri, gaburha amalehe gage obuli mwezi, nebibabi byogo murhi byaku buka olubaga. ³ Chiro nanta muguma goshi gwechibeho nechi chumbi cho bwami bwa Nyamuzinda nechomwana wentama chaba omu kagarhi kage. Nabaja bage bamukolera. ⁴ Chiro harhakachiba nobudufu chiro noku gwarha enyorha lye tara, chiro nobumoleke bwe zuba, bula Nahano Nyamuzinda aheba mobu moleke, nabo barhegeka emyaka n'emyaka. ⁶ Kandi ambwira, eyila myazi eyemererwe ena shinganene. Na Nahano Nyamuzinda we myuka yabalebi, arhumire malayika wage kuyereka abaja bage emyazi erhali hale okuba. ⁷ Olole nayinjire juba juba, ragi lyo muntu oyemera emyazi yani neyo bulebi bwe kila kitabu. ⁸ Nyono Yohana nyina yunvaga nokubona ebila byoshi, nantyo nabere nabiyunva noku bibona, nachikuba, mpuyi mparamya embere zamagulu ga malayika olala wa nyerekaga ebyo. ⁹ Naye ambwira, olole, orhajiraga ntyo, nyono ndi muzigirwa wawe, namuguma wabalebi, nabalala bayunvirize emyazi yekila kitabu, oharamye Nyamuzinda. ¹⁰ Ambwira, orhahibaga ekimanyiso kweyi myazi yobulebi bweki kitabu, bulala aka kasanzi kayegerere. ¹¹ Owa gayaguza agenderere oku gaya guza, owa zinga agenderere okuzinga, omu shinganyanya agenderere okujira obushinganyanya, omugishwa agenderere oku cheswa. ¹² Olole nayinjire juba juba noluhembo lwani luli haguma nani kuhemba buli muntu kukulikirana na kasi kani. ¹³ Nyono ne alpha na omega, murhondero nabuzinda, woburhanzi nawobuzinda. ¹⁴ Ragi yaba mesha emishangi yabo, babe nerhegeko lyoku gendera gula musrhi gobulamu, nokuja omu kishagala oku milango yacho. ¹⁵ Eyo mbuga hali embwa, abashake, abumaguza, abanizi, nabala baharamya ebi shushanyo, nabuli muntu osima oku besha nokujira oku besha. ¹⁶ Nyono, Yesu, narhumire malayika wani kuba hamiriza eyila myazi yoshi omu manya kanyamuzinda. Nyono nyendi kisinde na luburho lwa Daudi, ela nyenyezi echana buli sezi. ¹⁷ Muka na muhya mukazi baderha, njeno, na nkasi yeshi oyunvirhe aderhe, njeno, noli nyorha ayinje, nowa lonza arhole amenji gobulamu busha. ¹⁸ Mpamirize obuli muntu oyunvirhe emyazi yobu bulebi nobwechi chitabu, obuli muntu waka yongera, Nyamuzinda amu yongezeze obuhane buyandikirwe mwechi chitabu. ¹⁹ Nomuntu yeshi waka kula omwazi gobu bulebi bwechi chitabu, Nyamuzinda amukulire echigabi chage mugula murhi gobulamu, nakila kishagala kigishwa, kilala emyazi yacho eyandikirwe mwechi chitabu. ²⁰ Yewe ohamirize ebi aderha, nechi, nayinjire juba. Amen; oyinje, Nahano Yesu. ²¹ Olukogo lwa Nahano Yesu lube haguma nenyu mweshi. Amen.