¹ Nayunva omulenge gunene gwarhenga omu kanyamuzinda, gwabwira balala ba malayika mushanvu, mugende, muje kusheshera zila ndaha mushanvu ze oro za Nyamuzinda omu gulu. ² Agenda olala wa burhanzi, asheshera e'ndaha yage omu gulu, haba e hurhe libi, libihire enyanya za balala bantu bagwerhe e kimenyeso cha kilala kinyalubala, haguma na balala baharamya e kishushanyo chacho. ³ Nolala wakabiri, naye konoko asheshera e ndaha yage omu nyanja, yava yaba shagama nka shagama yomuntu wa fire, na nkasi byoshi bigwerhe obulamu omu nyanja byafa. ⁴ Noyola wakasharhu asheshera e ndaha yage omu nyinji zi suka, ezo nyinji yaba shagama. ⁵ Nani nayunva malayika wa menji aderha, woyo oli mushinganyanya, oliho wana liri ho, muchesibwa, bulala ntya kuwa chire olubanja. ⁶ Bulala basheshere e shagama yaba chesibwa nabalebi, nawe wabahere e shagama bayinywe, nabo bashinganene. ⁷ Nayunva omulenge kurhenga oku kashasha gwa derha, Nahano Nyamuzinda ogala byoshi, kubinali, bunali bushinganyanya, okucha olubanja kwawe. ⁸ Noyola wakane asheshera e ndaha yage oku zuba, nalyo lyahabwa obushobozi boku sireza bene omuntu oku muliro. ⁹ Bene omuntu basirera bwenene, nabo baduka ezino lya Nyamuzinda haguma na malayika e nyanya ze nkoni bakubirhirwe, chiro barhana hungamaga chango baka muha o bukuze. ¹⁰ Noyola wa karhano asheshera e ndaha yage enyanya ze kichumbi cho bwami bwechola kinyalubala, obwami bwage bwahebwa momwizimya, bahekenya amenyo gabo enyanya zago malumwa babwene. ¹¹ Baduka Nyamuzinda we mpingu enyanya zagola malumwa ba bwene, nenyanya zamahurhe gaba merere ko, chiro barha kengeraga amenja babwene enyanya ze bijiro byabo. ¹² Noyola wa ndarhu asheshera e ndaha yage omu lwinji lunene luyirikwa Eufrate. Olo lwinji lwa yuma, yenjira yabami e kwizwa bebushoshokero bwe zuba. ¹³ Nabona myuka esharhu ebihire eshushire n'ebikere, birhengere omu bunu bwe lala njoka, nomubunu bwa kilala kinyalubala, nomubunu bolala mulebi wobubehi. ¹⁴ Eyola myuka, yemyuka ya lyangombe, ejira e bisomerene, eyo myuka e rhenga n'okushimba abami begulu boshi noku bagusha omu kujira e birha kimenyeso kye siku za Nyamuzinda ogala byoshi. ¹⁵ ( Lola, nayinja nka mwizi. Ragi lyowa tarama, nokubika emyenda yage, arhagenda butambara abantu bakabona obusha bwage). ¹⁶ Babagusha ahantu ha hamagalwa oku zino lyeki Hebraniya, Armagedoni. ¹⁷ Nolala wamushanvu asheshera e ndaha yage omu chanya. omulenge gwa rhenga omu kanyamuzinda, mukilala kichumbi cho bwami, gwa derha, byayusize kuba. ¹⁸ Haba omu baraganyi n'omulenge gwe nkuba, haba n'omusisi gunene omu gulu, gulala kurhenga aha bene omuntu bagerere omugulu gurha shwiraga kubaho, okuntu omusisi gunene gwali guli ntyo. ¹⁹ Ekihugo kili mwabantu banene chachika mu bisharhe bisharhu, nebihugo byembaga byasuka. Na Babylone mukulu ayibukwa emalanga mbere ga Nyamuzinda okuhabwa e mbehe yebinyobwa bye oro byoburhe bwage. ²⁰ Ebizimba bya zika, ne misozi ya hirima. ²¹ Hayinja e nvula nene yolubula, yamabale galemerere nka furanga, bya yandagalira bene omuntu kurhenga empingu. Bene omuntu badukanga Nyamuzinda, empanvu weyo nvula ya mabale yaba kubirhire, bulala e nkoni zayo zali zilumire bwenene.