¹ Buzinda nabona ekisomezo chikulu omu mpingu che birhangazo, ba malayika mushanvu bagwerhe buhane mushanvu bobuzinda, bulala mwebyo, obulibuze bwa Nyamuzinda bwa yenera. ² Kandi nabona ekintu kili lwiganyo lwe nyanja ye kiyo, eheberwe haguma n'omuliro, nabala bahimire barhengaga emwecho chinyalubala, neshushanyo yacho, n'oku luganjo lwe zino lyage, bali bayumangire olunda lweyo nyanja ye kiyo, baherhe ebidari bya Nyamuzinda. ³ Nabo bali bayimpa olwimpo lwa Musa, mukozi wa Nyamuzinda, olwimpo lwa mwana we ntama, baderha : bikomere, birhangazo, ebijiro byawe we Nahano Nyamuzinda oshobola byoshi, mushinganyanya wokunali, enjira zawe woyo mwami wolubaga. ⁴ Inde orha kuyemera Nahano, noku haramya ezino lyawe? Bulala woyo wenyine oba muchesibwa. Bulala olubaga loshi lwayinja nokuharamya embere zawe, bulala ebijiro byawe byobushinganyanya byayusize kuchiyerekana. ⁵ Buzinda bwebyo, nabona, nakanyamuzinda ke chilalo chobu hamiriza bwempingu chachinguka. ⁶ Nabala ba malayika mushanvu baherhe bulibuze mushanvu barhenga omu kanyamuzinda bayambere emyanda echere, eli yabaraganya bashwekere omu bifuba byabo emigozi ye oro. ⁷ Namuguma wabola balamire bane, aha bamalayika mushanvu ngumbu mushanvu ze oro, ziyunjwire obulibuze bwa Nyamuzinda oliho emyaka n'emyaka. ⁸ Akanyamuzinda kayunjula omusi gurhengere omu buchesibwa bwa Nyamuzinda n'omu bushobozi bwage. Chiro harhaliri n'omuntu wolishobwere kuja mwako kanyamuzinda mpuyibula buhane mushanvu bwaba malayika mushanvu buyenera.