¹ Buzinda nabona ekinyalubala kya rhenga omu nyanja, kiherhe mahembi ekumi, namarhwe ekumi, nenyanya zago marhwe kwali bimiko ekumi, nenyanya ga marhwe gayo kwaliri amazino goku gayaguza. ² Necho chinyalubala nabonaga chali lwiganyo lwe ntale namagulu gayo galiri nka magulu g'omusimba, n'obunu bwayo bwaliri nka bunu bwa shosho, neyo njoka yamuha emisi yayo, n'echichumbi chayo choburhegesi, n'emisi yayo yoshi. ³ Nabona erhwe lyayo liguma lya koromeka echi koromeke cho lufu, chafuma. Egulu lyoshi lyasomererwa echo chinya lubala. ⁴ Baharamya eyo njoka bulala yahere echo chinya lubala emisi yacho. Nabo baharamya echola chinya lubala baderha, ndoshushire nechi chinya lubala, kandi nde wakajira entambala nacho? ⁵ Naye ahabwa obunu boku derha emyazi ekomere, yoku gayaguza. Ahabwa obushobozi bokujira akasi kage myezi makumi mane nebiri, abumbula obunu bwage aduke Nyamuzinda, n'oku duka ezino lyage, nechikalo chage, nabala boshi bayikala empingu. ⁷ Ahabwa okujira entambala nabagishwa, n'okuhima bo, ahabwa obushobozi enyanya za nkasi buko nankasi mulala, na nkasi lulimi, na nkasi chihugo. ⁸ Nabantu boshi bayikere eshishi zegulu bamu haramya, nkasi yeshi ezino lyage lirha yandikirwe omu kitabu chobulamu chamwana ntama, wayirhwagwa kurhenga okuhebwa he nkingi ze gulu. ⁹ Omuntu wakaba n'oku rhwiri kokuyunva ayunve. ¹⁰ Omuntu akarhola ebinyago, naye njo arhola kinyago. Omuntu akayirha oku mupanga, naye njo ayirhwa oku mupanga, aho haho kulembera n'obwemere bwaba gishwa. ¹¹ Nashubi bona ekindi kinya lubala, kya zamuka kurhenga omugulu, nacho chali chiherhe mahembi mabiri, lwiganyo lomwana we ntama, aderha kuguma nenjoka. ¹² Ali akolesa obushobozi boshi bwakila kinyalubala choburhanzi emalanga mbere zage, naye ajira abali omugulu lyoshi oku baharamye kila kinyalubala kirhanzi, kilala eki koromeke kyacho kya fumaga. ¹³ Naye ana jira ebisomezo binene, byana jira n'omuliro gurhenge omu mpingu guje omu gulu enyanya zabene omuntu. ¹⁴ Naye ana habisa balala bayikere omu gulu lyoshi, oku bisomezo ahabirwe okujira embere zakila kinyalubala, abwira abayikere omu chihugo n'oku jirira ekishushanyo cha kila kinyalubala chilala chali nechikoromeke chomupanga chinashubi lama. ¹⁵ Ahabwa okuheba omuka mukila kishushanyo chakila kinyalubala, chiro nechi shushanyo cha kila kinyalubala chaderha, n'okuyirha bala boshi barha haramyaga echishushanyo chakila kinya lubala. ¹⁶ Naye ajira boshi omukulu nomudorho, omugale nomukene, abashwekulwa nabaja, bahirwe oku maboko gabo ge kulyo, ekimenyeso, chango omu malanga gabo. ¹⁷ Kandi oko obuli muntu arha shobolaga kugula chango kuguza, akaba arha gwerhe echo chimenyeso, kokuderha ezino lyecho chinya lubala, chango oluganjo lwe zino lyacho. ¹⁸ Ahola haho bwenge. Ogwerhe obwenge, aganje olu luganjo lwe cho chinyalubala, bulala luli luganjo lwa mwene omuntu. Nolo luganjo lwage eli magana ndarhu namakumi gali ndarhu na ndarhu.