¹ Nekisomezo kizibu zibu chabonekana omu mpingu, omukazi wali yambisizwe ezuba, n'omwezi gwaliri eshishi wamagulu gage, n'enyanya werhwe lyage ekishema che nyenyezi ekumi nebiri. ² Naye aliri bukule, alira, naye yaherhe amalumwa goku burha. ³ Habonekana ekindi kisomezo empingu, nabona, enjoka nzibu zibu edukwire, yali gwerhe marhwe mushanvu, namahembi ekumi, nenyanya zerhwe lyayo bibandano mushanvu oku rhwe lyayo. ⁴ Noku muchira gwayo kwa rhenga chiguma cha kasharhu che nyenyezi zomu mpingu noku ziyandagaza oku budaka. Neyola njoka yayimanga emalanga mbere yola mukazi oli hofi kuburha, yihano aburha elye omwana wage. ⁵ Naye aburha omwana wobusole, olala njo warhegeka olubaga loshi oku nkoni yechuma, n'omwana wage ashamulwa kugera emwa Nyamuzinda, n'oku kichumbi choburhegesi. ⁶ Oyo mukazi alibirhira omwirungu, halala hali harheganyizwe na Nyamuzinda yibamu lisa eyo munda oku bichanji byasiku chihumbi namagana biri namakumi gali ndarhu. ⁷ Haliri entambala omu mpingu, Mikaeli naba malayika bage yibali balwa nela njoka, eyo njoka nayo yabalwisa haguma naba malayika bayo. ⁸ Nabo barha himanaga, chiro naha baliri harha bonekanaga omu mpingu. ⁹ Eyo njoka yakabulwa, eyo nkulu njoka ya mira ohamagalwa ibilisi na lyangombe, olala orhebeka egulu lyoshi, akabulwa oku gulu naba malayika bage bakabulwa haguma naye. ¹⁰ Nayunva omulenge guzibu zibu omu mpingu, gwa derha, lero hamaba obu chunguke, nemisi, n'obwami bwa Nyamuzinda werhu, n'obushobozi bwa Kiristu wage, bulala aka bwirwe ahashi olala muburanyi wabene berhu, ola oburanya bo embere za Nyamuzinda, obudufu nezuba. ¹¹ Nabo bamuhima oku shagama yomwana gwe ntama, n'oku mwazi gobu hamiriza bwabo, balala barhali basimire akalamo kabo kugera okufa. ¹² Oku ntyo muchishinge, mwewe empingu, nenyu mwemu yikala omo. Buhanya bobudaka nenyanja; bulala oyola ibilisi ayandagere emwenyu aherhe oburhe bunene,amenyere oku aherhe akasanzi kageke. ¹³ Neyola njoka, yabere yabona oku yakabwirwe oku gulu, yalibuza ola mukazi waburhaga omwana wobusole. ¹⁴ Aliko oyo mukazi ahabwa ebyubi bibiri byechi hobera chikulu, yabalala, agende omwi rungu emwage, ahola aliswa oku kasanzi nebisanzi nechigabi chakasanzi, hale neyola njoka. ¹⁵ Enjoka yakweba amenji ganene nka lwinji garhenga omu bunu bwayo enyuma zoyo mukazi mpu yagala kuhekwa nago menji, ¹⁶ Echihugo cha rhabala oyo mukazi, chafungula obunu, chamira olo lwinji lwarhengaga omu bunu bweyola njoka. ¹⁷ Enjoka yakalihira oyo mukazi, yagenda kujira entambala n'oluburho loyo mukazi lwa sigalaga baherhe ama rhegeko ga Nyamuzinda n'obu hamiriza bwa mwami Yesu, ¹⁸ naye ayumanga oku mushenyi gwe nyanja.