¹ Nahabwa omulonge nka nkoni, namuguma ambwira, yumuka, ojire olugero lwa kanyamuzinda ka Nyamuzinda nakashasha, nabalala baharamya omola. ² Aliko embuga wakanyamuzinda, orha yigeraga, bulala aba pagani bahabirwe yo, nabo njo balabarha omu chihugo chi cherwe. Myezi makumi mane nebiri. ³ Nani njo narhegeka bahamiriza bani babiri, nabo njo bahana obulebi siku chihumbi namagana abiri namakumi gali ndarhu bayambere emifuko. ⁴ Abola yelala mizeyi tuni ebiri nazila nkingi ebiri ziyimanga emalanga mbere wa Nahano we kihugo. ⁵ Nomuntu akalonza oku libuza bo, omuliro gwana rhenga omu bunu bwabo, gwanalya abashombanyi babo, n'omuntu akalonza oku libuza bo, ntyo kwa shinganene oku yirhwa. ⁶ Abola bagwerhe obushobozi boku shweka empingu, li envula erhanya omu mango gobulebi bwabo. Nabo bagwerhe erhegeko enyanya wa menji, lyoku mahindamula okuba shagama, n'oku shurha echihugo kubuli buhane, aha balonzeze. ⁷ Kugera amango bamala obu hamiriza bwabo, nekyola kinyalubala kyarhenga e kimu njo cha jira ebirha haguma nabo, naye njo ahima bo nokuyirha bo. ⁸ Nemifu yabo, njo yaba omu njira yechola chihugo chikulu, chihamagalwa omu borhere bomuka, Sodomo na Misiri, kandi ahola ha Nahamwabo aba mbirwaga. ⁹ Nabantu bogo mulala nobo buko, nolo lulimi, necho chihugo, belole emifu yabo siku esharhu nenusu barhaka leka kuheba eyo mifu yabo omu shinda. ¹⁰ Nabayikere omu gulu, njo basimira omukufa kwabo omu kuchivuga. Nabo njo bahana empembo bonyine oku bonyine bulala abo balebi babiri bali baba libuzize abo bayikere omugulu. ¹¹ Enyuma wezo siku esharhu nechigabi, muka wobulamu warhenga emwa Nyamuzinda njo aja mweyo mifu, bana yimanga namagulu gabo, nobuba bunene bwana gwarha balala baliri balola. ¹² Bayunva omulenge gunene kurhenga omu mpingu gwaba bwira, muzamuke eno munda, bazamuka omu kichu abashombanyi babo yibali baba lola. ¹³ Nako kasanzi haliri omusisi gunene omu gulu, nechigabi che kumi chechihugo cha hena, bene omuntu bihumbi mushanvu bafira mogola musisi, naba sigalaga bafarhwa nobuba bunene, buharamya Nyamuzinda w'empingu. ¹⁴ Obuhanya bwakabiri bwama gera, olole obuhanya bwa kasharhu bwa yinjire. ¹⁵ Malayika wa mushanvu abanda omu mpanda, harhenga omulenge gunene omu mpingu gwa derha, obwami bomu gulu bwayusize kuba bwami bwa Nahano werhu na Kiristu wage, naye arhegeka emyaka n'emyaka. ¹⁶ Nabala bashamuka makumi abiri nabane bayikere emalanga mbere we kirhi cho bwami, bachi kuba, bafukama baharamya Nyamuzinda, ¹⁷ baderha, rhuku haramize woyo Nahano Nyamuzinda Nahamwerhu, oliho, waliri ho, bulala warholere obushobozi bwawe buli bukulu noku rhegeka. ¹⁸ Nabapagani bakaliha, noburhe bwawe bwayinja, nakasanzi kayinja koku chibirwa olubanja lwaba fire, nokuha oluhembo abakozi bawe nabalebi bagishwa, nabola bayemera ezino lyawe, abakulu oku badorho, nokulibuza bala bashandaguza echihugo. ¹⁹ Oku buzinda akanyamuzinda ka Nyamuzinda kaba empingu ka chingulwa, n'esanduku yendagano yage yabonekana omu kanyamuzinda kage, haba omu baraganyo, n'omulenge, n'enkuba, n'omusisi, n'envula yamabale ganene.