¹ Ebua kae mo ene eke kokeleseleka kamoo ba bika n'nkati ya Mbali Klisto. ² Na bobo, angile ya masombo ya ooya n'nkati ya Mbali Klisto yaondesake noo mo angile wa kobeya ke na kongba. ³ N'ndi ya tchesima tcha tchitengame mo angile, maondi ya mobe yaobesake yo, Mokonga aselelesake kota kobeya mo mobe, mo kotoma, mo isina ya kobeya, maana wande mune n'nkati ya mobe ya koondesana na owa kobeya, ⁴ Ke na bobo embe tcha ya angile yaengame koa kito, ba tokoenda, bua mo tcheema tcha mobe, n'ndi bondi ya mosombo. ⁵ Baa, na bobo, bokaika koondesana na mobe, boota maenyeli mo besima ya mobe, n'ndi baa bokaika koondesana na mosombo bota maenyeli mabo mo besdima ya mosombo. ⁶ Ke waema mobe, iki kongba, n'ndi koena ka mosombo, iki kaika ke na bii, ⁷ Maondi ya koena ka mobe iki maimanei wa Mokonga, mondi ya itolitosa mo angile wa Mokonga, ke yo itengame ango. ⁸ N'ndi baa bokaika koopesana na mobe bi tolengesa ande Mokonga. ⁹ Moo bane, bitokaika bino mondi ya maondi ma mobe, n'ndi boondi na masombo, alinga mbele Mosombo ya Moknga aika asimamo nino. Aika m'mba mbele omo auwa nde na Mosombo ya Mbali; auwa nde wade. ¹⁰ Ke aika m'mba Mbali leka asimamo nino, mebe, ikiliti ongbei mondi ya kobeya, n'ndi mosombo weikei mondi ya tcha. ¹¹ Ke m'mba Mosombo si owa weimolanga Mbali mo bangbi waika nino owa imolanga Klisto n'kati ya banggi okoesa kaekaika mo mebe yino ya kongba mo mboka ya Mosombo eyokaika koa kino. ¹² Na boobo kae banduku, tauwa kae na mbata ya mobe, mo kaika na koondesana na mobe, ¹³ M'mba bokaikai koondesana na mobe, bapkai; n'ndi mo Mosombo bokaiyai baikaneyo ya mobe, bokoondai; ¹⁴ Baa boose bokoendeseleka na Mosombo ya Mokonga biki baana ba Mokonga. ¹⁵ Ke bane bite abeke bino mosombo ya bokobe, mo isina ya ya kaika iki ande mo n'kati ya bowa; n'ndi beabeki Mosombo ya okuku, na eyo tokoakaya: "Abba! Ise!". ¹⁶ Mosombo we mune okaena boyaeli na mosombo ito mbele tikai baana ba Mokonga. ¹⁷ M'mba taika baana tuki kae baana ba besiasia; besiasia ba Mokonga, ke basongani ba botiko ya Klisto, m'mba mo n'nyanga yoose komoneka maobi aismamo nande, mo isina ya kaika asimamo nande. ¹⁸ Nasonjake mbele obaba mo maondi ma ene eke ito koondesana ande na okuku eya okula eya komoese leka kaa kito. ¹⁹ Mo eyo mokoenjeka yaendeyake na n'nkasaka ema komoeseleka ka maana wa Mokonga. ²⁰ Mondi ya tchese tchasalelangai mo eya yauwa na isina, bua mo kaema kande, n'ndi mo isina ya owa wete mbele yaselele baso wande, ²¹ na kaeli mbele wekae okakandoka o mokobe ya maondi ma koeta kaawa, mo koeseleka kambu mo kaekeleka mo okuku ya baana ba Mokonga. ²² N'ndi, teeli mbele, bena mo osu si ono, tchese tchetondo tchokaungba obaba m'mba obaba ya kobota. ²³ Ke buwa ande tchomine lika; n'ndi be nito; baa bika na tauma ta bosoboso ta Mosombo, base kae takaungba kae obaba ase mine, na koendeya koakoleka, na koondeseleka ka mebe wito. ²⁴ Maondi ya kaeli tondeseleke. N'ndi, kaeli ya komoneka yauwa kae kaeli:"Eyomoneka, engame na koteleka kaeli ephe?" ²⁵ Aika m'mba tata toeli mo eyo itomaneka, tokoendeyai na koeyesa motema. ²⁶ M'mba bowa Mosombo yokauneya base mo koeyeya kito, mondi ya titeli a bito eya yengame nito mo koomba mo masomboli mito n'ndi Mosombo we mune yosombola mo koselela si kowa kitengame; ²⁷ Na owa ophophoa n'nkati ya metama weeli eya ika maenyeli ma Mosombo, mondi ya koopesana na Mokonga n'ndi okoomba mo isina ya kofoa ka Baheneni. ²⁸ teeli, eyasaike, mbele maondi moose moteleka mo kofoa mo baa beem Mokonga, mo baa beeteke koondesana na kaimetcha kande. ²⁹ Maondi ya waebanga boo boso, waimetchangi bo booso mo kotuanyanya bayaeli ya Mana ande, mo isina mbele Mana wande waike iboti ya boso n'nkati ya banduku ba bua. ³⁰ Na baa waimetchanga bo, waetanga kaebo; ke na bowa etanga bo, na wa kokolesa bo, ke na baa wekokolese boo, na kolombesa boo kae. ³¹ Tokoeni tchei boso na maondi si mano? Aika m'mba Mokonga uka obalu wito, nani ota base tchei? ³² We, utaekesanga na Maana ande, n'ndi na kaaba we mondi ya base bose, mondi ya thei uto koesa base besima bose mande? ³³ Nani okatchongeya basoneki ba Mokonga? Iki Mokonga n'ndi ookokolesa! ³⁴ nani ookelesa bo? Klisto wengkei; wefoe, waimokei mo bangki, ukamo kaako ka ilome ka Mokonga, ke osombola mondi ya ito! ³⁵ Nani okekanesa base na moboto ka Klisto? yekaikai iyeya, ao tchombo, m'mba obaba, m'mba n'njaa, m'mba Mokonga, m'mba kongba, m'mba apanda? ³⁶ Koondesana na eya ekegaloke:"Mondi ya bei bokoetesa base mo kopka n'nsu yoose, boomoni base m'mba mekoko si eya yeimane mo kongka". ³⁷ N'ndi n'nkati ya maondi si mamo mose tikai balongei ka owa waemanga base. ³⁸ Mondi ya niki na kaakaa mbele, ango yaika kongka ango koonda, ango aika bakitomo ango kaendeseleko, ango maondi ma ene eke ango ma me kala, ³⁹ ango bekamba, ango koeya, ango kaimba, ango tchephe tchesima tchite kabanyai ande noo na moboto ya Mokonga eya yemoneke ka Mbali Klisto Mokolo wito.