¹ Naenak liti n'nkati ya Klisto, nitokesaane, koengelea kane o koena boyaeli wane n'nkati ya Mosombo Osaali. ² Nika na obaba wa ema ke o motema nika na tchombo eyauwa na tungeya. ³ Mondi ya neeme noo mune neike na koaleka ke na koekana na Klisto mo isina ya banduku bane, baa beboto noo koopesana na mobe. ⁴ Baa bika ba Isalaele, eba bika na kokakolesana, ke na okuku, kena kaumbola. ⁵ ke na kolaka, ka ke na bekongo, ke na owa uka moibotekiya, koopesana na moose, na kolipheleka ka Mokonga bemo na bemo.Boobo! ⁶ Yauwa nde ya koereka mbele looki ya Mokonga yaika buwa isa. Mo isina mbele boose ba boota bo Isalaele bauwa nde ba Isalaele, ⁷ ke, mo kaika mo ibotekiya eya Abalayama, bauwa boose baana bande; n'ndi yaenekei mbele: "ka Isaka n'ndi okoetekai koa kabe tchbanda", ⁸ Iki m'mba mbele bauwa nde baana ba mobe n'ndi bika baana ba Mokonga, n'ndi ba bika baana ba kolaka n'ndi boomoneka m'mba tchebanda. ⁹ Mona, mondi ya emo, ke Sara okaiki na maana. ¹⁰ Ke, na boobo, yaikangi boobo kae ko owa abotonga na Isaka we mune ise wito; ¹¹ Mondi ya, ango baana biti na boteki ande ke biti nati boondi ango omo kofoa ao kobeya, mondi ya mesolo ya kosoomeka ka Mokonga aike, koopesana na mekambo, ke na koema kande we mune owa koeta, ¹² yaenekaika lebeka:"Owa mokolo moto okaika koose na owa manuke"; mondi ya engkalokei:" ¹³ Naemangi Yakobo ke nasekangi Esau. ¹⁴ Tokoenai tchei? Ika ka Mokonga na kaika bua tcha? yauwa nde boobo! ¹⁵ Mondi ya waenake na bose:"Notai ngbengbele ka owa noota ngbe,gbele, ke nokaikai na tchombo kaa nani nika na tchombo". ¹⁶ Na boobo kae, eyo yauwa nde ka owa weeme, na owa okolokolo n'ndi ka Mokonga owa ota ngbengbele. ¹⁷ Mondi ya mealalayo koena na Falao:"Naimolake owa mo koebesa owa tchekamba tchane, ke na boobo mbele lina yane yabalangane mo tchese tchoose". ¹⁸ Boobo, okoesa tchoùbo tchande ka owa weeme, ke na koesa motema ya kobeya ka owa weeme. ¹⁹ Okaeni nane: "Mondi ya tchei osoma ephe?" Mondi ya nani osika ma mo koema kande? ²⁰ Amoome, owe kaema, owei nani mo kaikamaneya Mokonga? Kabale ka ibomba okaenai tchei ka owa wenjeke ko:" Mondi ya tchei watake noo bobono? ²¹ Moenjeke wa kabole auwa nde molomba ya ibomba, mo kaenjeka na betophu si eyo emo kabole ka okuku ke na kabole ka beya? ²² Ke na koena, m'mba Mokonga, waemak komoesa lisomi yande ke na koebesa tchekama tchande, kakowake na koendjeka ka ema tobole ta lisomi taenjekeake mo isina ya koseyama, ²³ ke aemanga koesa iphoka ya okuku yande kamo tobole ta ngbengbele eya enjeke we oso mondi ya okuku? ²⁴ Na boobo welibase, buwa iki ande n'nkati ya Bayuda, n'ndi ephe n'nkati ya bapagano? ²⁵ M'mba buwa bane we baa bitaikanga bato bane, ke isau ka owa nitaikanga nande isau; ²⁶ ke na koowa okoeneka bo:"Bauwa nde bato bane! Bokoetekai baana ba Mokonga wa kaika"0. ²⁷ Isaya, mo obulu wande, angkaloa mo bondi ya Isalaele ekaiku m'mba n'sekeke ya iyaba, owa osuya omo lika okoondai. ²⁸ Mondi ya Mokolo okaiyanesa bosali mene mene ke na kabeoboe mo tchese aya etewe. ²⁹ M'mba Mokolo wa bita utesitee base tcheonde, tekaika m'mba Sodomo, tekatuanyangai boyaeli omona Gomola. ³⁰ Tokaenai tchei? Bapakano, ba bitaphananga tchaa, baikake mo tchaa, tchaa okulai mo koakoa. ³¹ Mondi ya Isalaele? Ophana angile ya tchaa, utekonyeya ande mo angile si oyo. ³² Mo tchei? Mondi ya Isalaele aphanangai yo, bua na koakakoa, n'ndi mo kaulea mo mekambo. Bekuki mo iwe ya kokukesa, ³³ Koondena na bowa engkaoloke:"Mona noota mo Siona iwe emo eya okukesa, ke na iwe ya iyeeya ke nani owa okoakolea we uto limena ande.