¹ ibeya ii , banduku , mondia no koena na bato si baa beli ba angile , eka mbele angile yaike na chekamba ka moto mon'nyanga sieya eke naika we na koika . ² na boobo , amokali wa isongi wesanganei na mome ande mo ba angile n'nyama sieya uka na koika , aika amoome wekpa , watokake mo baangile si baa basanganesanga bo . ³ aika m'mba , mome ande weke naika, wasongelekake na ophe moto , okoeteki amokali wailemba ; aika m'mba amoome wakpa , amokali watokake mo baangile , mo ao uto koika kae amokali wailemba mo we okoma mokala ophe moto . ⁴ boyaeli omo , banduku bane , si baa bane baikanga ii , o mobe ya Klisto , yatekangi mo lieka mo eya emone baangile , mbele beiki mo ephe ,mo owa waimokangao bakpi, mondia mbele te bote touma n'ndia Mokonga ⁵ mondia , obowa taikanga o mobe , n'kasa ya kabeya ya alanga mo baangile ya telekanga o mebe ito , yo ii taa biyanga touma mondia kokpa . ⁶ n'ndi moeneeke , to tokake mo baangile , taa kpanga ii mo baangile si baa ba kandekanga ii , mbele teteleye we mekambo n'kati ya mosombo ya eneeke , na buwam'mba kaani si ka kazeekake . ⁷ teene mbele boni ? angile iki kobeya ? kpaaya nayo ! n'ndi naebangi kobeya mom'mboka ya baangile . mondia n'taebanga ane koemeema , aika m'mba angile unani : uteengame abe na koena ema . ⁸ na kobeya , ika ii na n'nyanga, kota n'kati ane mo looka woose ya boyaeli ya koemeema; mondia buwaangile kobeya wekpe . ⁹ mo noo , mo koika n'nyanga emo buwa angile, naikangi ; n'ndi n'nyanga angile ekome , kobeya na koika na koika , na noo na okpa . ¹⁰ na boobo , baangile boliya mo koika kowa kane ya koetesa noo mo kokpa . ¹¹ mondia kobeya na koika na boyaeli ya kolimesa noo mo baangile , na mo we koteleya noo kokpa . ¹² angile wephenene , na angile wephenene , liti na ofowa . ¹³ eya yefowe kowa kane yaikangi isina ya koesa kokpa ? kpaaya nayo ! n'ndi iki kobeya , mondia mbele ya moneke m'mba kobeya mo koesa noo kokpa mo eya yefowe, na , mo angile, Jekeye kiyo iboka . ¹⁴ teli , moyo , mbele iki ya mosombo ; n;ndi noo , niki na mobe , wooleke mokobeya . ¹⁵ mondia n'teli ane eya noota : n'toota ane eya neema noo , na noota eya neseke noo . ¹⁶ na boobo , aikam'mba noota eya n'teeme , nokoebi ao mbele angile yefowe . ¹⁷ ke moeneke yauwande noo ii noota , n'ndi kobeya sikowa kika n'kati ane . ¹⁸ eya yefowe , neliyo , yauwande n'kati ane , koena mbele n'kati ya mobe ane : nika na n'kasa , n'ndi nauwane na chekamba chaota kofowa . ¹⁹ mondia n'toota ane kofowa sikowa neeme na noo ota , kobeya sikowa n'teeme ane yo . ²⁰ na aikam'mbele noo ota eya n'teeme yo , auwande noo ii noota , kobeya sikowa kika n'kati ane. ²¹ namonake n'kati ane angile siowo : n'nyanga neeme ota kofowa, kobeya kebakameye noo . ²² mondia mika na ome mo angile wa Mokonga , koopesana na eya ika n'kati ane ; ²³ n'ndi noomona n'kati ane mobeane ephe angile , yo koeesa na angile mo kom'mgba kane , na yoota noo mokobe mo angile wa kobeya , eya ika n'kati ya mobe ane . ²⁴ chombo nane ! nani weengame na kotoesa noo o mobe siono ya kokpa ? ²⁵ m'ngbengbele yaeseleke ka Mokonga mo Mbali Klisto Moklo ! na boobo, noomune, niki mokom'ngba mokobe wa angile wa Mokonga, na nika ii o mobe mokobe mo angile wa kobeya .