¹ Mo boobo iyota ya ba Yuda ikai tchei, ke bosaali ya kebukeka tchoo? ² eya eeme mo yoose, ke ya oso-oso ikai maoki ma Mokonga maeselekake. ³ Bondi! Ango baphe bite akowe, bua koa-koa kae ko limesa ande ngbengbele ya Mokonga? ⁴ Ata kambu! Mokonga uka tcha ata bato boose baika na olanga. Mo boobo eandikele:"Mbele wemoneke thaa n'nkati ya maoki mabe, ke owe welongee nyanga sieya bo sambesa owe." ⁵ N'ndi m'mba olanga ito yaeta kio na tchaa wa Mokonga, to ko enai tchei? Mokonga ukai na olangai nyanga sieya yokola kasomeo kande? (Naenake boeneleli ya bato). ⁶ Ata kombu! Boni Mokonga weka baanya mono tchese? ⁷ Ke m'mba, mo olanga yane, liti wa Mokonga wa moneka bondia okuku yande, mo tchei noo mune ko beya kanei? ⁸ Ke mo tchei tauwa kota ko beya mbele bosaali akomee base, m'mba bamo bo ko enea base olanga; ko ebesa" mebele basei taenake na bo?" Ko kandeka ka bato si bano ke engame. ⁹ Booni! Tikai baa beetee boose? Boande boobo. Bondia bato boose, na bayala ke na baala, bika kose ya bokota ya ko beya, ¹⁰ M'mba bowa eandikeleke:"Mosaali ango omo wauwande, buango omo". ¹⁰ ..... ¹¹ Ata omo wa akili wauwande, ata omo utophana ande Mokonga; boose ba limenake, boose ba seamake. ¹² Ango omo wakota kophoa wauwande, buwa ko ata omo. ¹³ Ma koti mabo ikai kabuli phololo; beami babo bekai keande bondia kokesa; bika kose ya mettu yabo na sumu was ndjoka; ¹⁴ Tona taeteiye na koenea kobea kena kolola; ¹⁵ Mao mabo me owe-owe mokia koitea makia; ¹⁶ Kosea ke na tchombo ika mo mboka yabo; ¹⁷ bite liabo mboka ya bii; ¹⁸ Kotina ka mo ko uwande boo ya maiso mabo. ¹⁹ N'ndi, teli mbele yoose sieya eene angile, yo ko eneka mo baa bika kose ya angile, mo isina mbe toma toose ta kandeke, ke bato boose bale mo kosambeseleka baso wa Mokonga. ²⁰ Bondia asa omo utolongea ande boso ande na mekmabo ya angile, bondia mo isina ya angile ile ko eba kota ko bea. ²¹ N'ndi eneke, bua koika ka angile ikai ko moneka ka tcha wa Mokonga, eya yo ko ebeseleka o angile ke na balondoi, ²² Tcha wa Mokonga mo koa-koa Mbali Klisto mo boose si baa boko akoa. Ke ekana ekana kauwa kae. ²³ Bondia boose batake koesa ke ba kosake okuku ya Mokonga; ²⁴ Ke ba longeake bule mo isina ya n'ngbengbele, mo mboka tcheema matchobo ko fufuka kikai ka Mbali Klisto. ²⁵ Weei Mokonga wa ko ebekana mbe itinateleki, ko makia mande, mo koika, baa ko liphaephi yande omune, mo ko moesa tchaa wande, bondia limeseli ya ko beya ka boso, mo nyanga ae yanga we motema, mo, ko ena kane, ²⁶ mo ko moesa tchaa wande mo nyanga si eno, mo koika sawa mo koesa ko longea ka owa uka na koa-koa ka Mbali. ²⁷ Mo boobo m'mba isina ya ko phana kolomba? Ya uwande. Mo oni angile? Mo angile wa mekamboi? Iyani, n'ndi na angile wa koa-koa. ²⁸ bondia toko engelea mbe moto oo longea i mo koa-koa, bua mekambo ya angile. ²⁹ Mokonga ukai lika Mokonga wa ba Yuda? Wa uwande bondia baa beteakowei? Boobo, wikakai bondia baa betea kane. ³⁰ Bondia ukai omune lika Mokonga, we okoesai kolongea mo koa-koa ka baa sabuke kake e tchoyo, ke na koa-koa baa bite bukeke tchoyo. ³¹ Te limesei angile na koa-koai? buande boobo? Mo ophe osalu, toko akolea angile.