¹ To ko enai boni bondia Abalayama, Ise wito, wepatei tchei mo mobe? ² M'mba Abalayama wa longeangai mo mekambo, isina ya ko m'mba kande, n'ndi buande boso a Mokonga. ³ Bondia tchei tcheene eya eandikeleke? "Abalayama wa akoangai Mokonga, ke ya lombesangai we mo koika tchaa". ⁴ N'ndi ka owa oota mokambo, ko lipeka kande ko lombai, buande m'mba n'ngbengbele, n'ndi m'mba eya eengame na we ko pata. ⁵ Ke ka owa utota mokambo ata omo, n'ndi weakoe owa omeselea moto wa mkembo ya beya, kowa-kowa kande ko bandeki m'mba mopheneni. ⁶ Boa aenanga Tawiti bondia ome ka moto si owa Mokonga wa eta we mopheneni ata utete mekambo; ⁷ omee ko baa ko bea kabo ka meselekake, ke mekambo ya bo ya bea bea ya lindamake! ⁸ Omee moto si owa Mokolo uto bandea kaewe ko bea kande. ⁹ Omee si ono ikai kiande bondia baa babukekake ndjooi? Ya uwande bondia badjulekaei? Bondia to ko ena mbele koa-koa ka Abalayama ka bandekeangai we m'mba mopheneni. ¹⁰ Mo eni nyanga? aabowa abukekanga we tchoyo embele we kenaika modjolei? Aikangai abowa tabukekanga we tchoyo n'ndi kaboa aikanga we na ntomba. ¹¹ Ke na ko pata n'nembe ya tchoyo, m'mba alama wa liti si owa wa patanga we mo koa-koa n'nyanga si eya aikanga we mo ndjule, bondia mo koika Tata wa bandjule boose si baa bo koa-koa, bondia tcha wa bandekee kae bo. ¹² Ke Tata wa baa babukekake tchoyo, ba uwande lika baa babukeka tchoyo, n'ndi ephe baa koenda mo mboka ya koa-koa ka ise weti Abalayama nyanga si eya aikanga we mo ndjule. ¹³ Ita ikanga ande mo isina ya angile ndi kolakeleka ka Abalayama ke na bande ko pata tchese koika kabo, ikai bondia tcha wa koa-koa. ¹⁴ bodia, m'mba baa boosianga na botiko bikai mo angile koa-koa kika bule, ke ko lakeleka ka uwande. ¹⁵ Bondia angile o ko etangai kosoma, n'ndi asima angile wa uwa, ao wo ko beya ko uwandee. ¹⁶ Mo booni baa bosianga na botiko biki mo koa-koa, bondia yaike mo ngbengbele, bondia ko lakeleka kaike mo mephindi yoose, buande ko ba bika lika kose angile, n'ndi bena baa bika na koa-koa ka Abalayama, Ise wito ase boose, mo boa eandikeleke; ¹⁷ Na lipheake owe ise wa bese ba bua, ukai ise wito boso ka owa wa akoanga we, Mokonga, owa o koesanga koika ko ba kpi, ke we o ko etangai besima bea bauwa m'mba bika. ¹⁸ Ka engeleo ka owa na toengeleo toose, we wa akoangai, mo boobo wa ikake isa bese ba bua, boa aenekanga we:"Boobo o koika liboti yabe". ¹⁹ Ke, bua ko ena n'nkati ya koa-koa, uta esanga ango m'mba mobe yande ya enake, bondia wa ikangai aiye-iye na bemo mia omo, ke Salah uta ikanga kae na mobe ya ko bota ephe. ²⁰ Uta tanga ande meango, na moina-ina, mo isina ya ea alakanga Mokonga; n'ndi wa ikangai na tchekamba mo koa-koa, koisa okuku ka Mokonga. ²¹ wa akoangai na motema yoose mbe eya ya lakake we weengame kae na ko iyanesa yo. ²² Mo boobo eeyoi akomesanga we m'mba mopheneni. ²³ n'ndi ita ikanga ande bondia omune eandikeleke mbe eeyo ya bandekeangai we. ²⁴ Aikangai iphe mo isina ito, obandekea kai base base si baa tea koeka owa wa imokanga n'nkati ya ba kpi Mbali Mokolo wito, ²⁵ owa wa abelekanga mo isina ya ko bea kito, ke na ko imoka n'nkati ya ba kpi.