¹ O moto, ango waika nani, wo sioyo obuka bondi ya munakabe, owe bitokoeke nande owo; mondia mokuka maondi ma baphe bato wakeyake, mondia owe siyo obuk maondi, otakahe boobo. ² Teli, moyohi, kobika ka Mokonga maondi mo baa botaa maondi si koondesana na liti. ³ Weenyeleye bomi, o owe moto, owe si owa obuka maondi ma baa botaa boobo, ke botaa, weengame na kotaka mo lisomi ya Mokonga. ⁴ Ao otefolo iphoka ya moboto ande, kokando na koyosakande motema mokokamba koeba mbele mo boto ya Mokonga yo osokowahi owe moko omola kobeyakabe? ⁵ n'ndi mokobesa na motema yabe tatala, osonganesa iyota ya lisomi mo otu ya lisomi na komoneka ka kobuka bondi ya Mokonga. ⁶ nani okesa ka kila moto eya ande; ⁷ Weeke koika ka buwa n'tungeya mo baa si, mokoeyasahi bo taa osaali, kophoma okuku kolombeseleka na buwa kokpa; ⁸ N'ndi obaba isomi mo baaba, o mosombo ya Meseya, baa boimaneya liti molitosa ma olanga. ⁹ Obaba na chombo o mosombo ya moto siowa yoota kogeya, o ba Yuda ase boso, ke maili o ba Greki! ¹⁰ kolombeleseleka, okuku na bii mo owa ota kofowa, o ba Yuda osa boso, ko ba Greki maili!. ¹¹ Mondia boso na Mokonga yauwande na kotina moto. ¹² Baa boose bete kobeya na angile beke na someseleki na angile. ¹³ Yauwande, baa boko m'mgba ba angile hii bika ba liti boso na Mokonga, n'ndi baa si baa bo tayo mo n'kasi bekalongesaleka. ¹⁴ n'nyanga sieya bapakano, bauwa na angile, bootaa mokika kebo eya yeene angile, bikahii, boo si baa bauwa na angile, angile mobo mine. ¹⁵ Boomoesa mbele mekambo ya angile yekpaloke o metema yabo, akili abo yo omoesa eya ika, na maenyeli mabo yokoena na koeseya bo emo na emmo. ¹⁶ yohi yokomoneka mo o su si owa, kondesana na mesao yane, Mokonga o somesahi mo m'mboka ya Mbali Klisto mekambo moose na koisana ma bato. ¹⁷ Owe si owa okoena mbele uki mo Yuda, ukahii mo ba angile, o koena koeseleka okuku na Mokonga, ¹⁸ Weli koena ao n'kasa yande, o koeba koekanesa besima, mondia weli ba angile; ¹⁹ owe oyo okoena mbele uki mochungi ao Molombiya a baa bekpa maiso, liangangi mo baa bika mo iphuwe, ²⁰ Monganga ya baa bauwa na maenyeli, Molombiya wa baa biteli chesima, maondi uka n'kati ya angile eya yoose ya koeba na ya liti; ²¹ Owe si owa, osomesa baphe, uteeme abe owe mune kosoma! Owe oyo o nangola mbele uteibangi, okoiba? ²² Owe oyo okoena mbele utetangi ilemba? Owe oyo uko moochafu ya ba belendela, ota mabeya? ²³ Owe oyo otaa okuku ya angile, okambesa Mokonga okuku mo kobuka kabe ba angile? ²⁴ Mondia:" lina Mokonga yasende kake n'ndia abe o bapakano, m'mba bowa yo kpalokeleke yo". ²⁵ Kobukeka choo yo fowe, aika m'mba wa titosa ba angile; n'ndi aika m'mba owa utelitose ba angile, kobukeka kabe choo. ²⁶ Aika m'mba owa utebukeke choo walitosa maoki ma ba angile, kokamba kande kobukeka choo kito omoesa ande we m'mba owa webukeke choo? ²⁷ Owa utebukeke choo o mobe, olitosa ba angile, uto okelesa ande owe, owe si owa o muna ba angile, mbele uka na maandiko moose ma ba angile na kobukeka choo! ²⁸ Ba Yuda, yauwande owa uka nayo koanja, na kobukeka choo, yauwande eya ye moneke o mobe! ²⁹ N'ndi mo Yuda, iki uka n'kati ande; kobukeka choo, iki eya ika o motema, koondesana na Mosombo n'ndi buande o maandiko okuku ya mo Yuda si itetoka ande o bato, n'ndi ka Mokonga.