¹ Mokitomo wa itano na kolubeya m'palu. Ke na yo omona o kenikeni omo kekeya kiyo beuna mo n'seke. Lofungula ya molinga ya moololo na koeseleka we, ² Ke we na okandowa libulu ya moololo. Ke moosi na kolinya kotoka molibulu, m'mba moosi ya kaya ka isongosngo; na looka na liangangi ma kon'ngeya iphuwe na moosi ya kotika mo libulu. ³ N'kati ya moosi na kotoka makelele, yo na kobalangana mo chese; na yo na koeseleka. ⁴ Yo nakoeneleka mbele bitetangi kobeya motowani ta n'seke, ao mobebebi ango omo n'neembe ya Mokonga obendi babo. ⁵ Yo na koese teka mbekle, bauwa koiya yo, n'ndi kobalesabalesa mo obaba maiti ya meeli itano; na kobalsabalesa si kaekanga moto aisa m'mba kobalese si kaa katanga n'koto, n'nyanga sieya yo ofunya moto. ⁶ Mo n'su sieya, bato bekaphanahii kokpa, biteke na pata ande ko; beke naemahii kokpa, ke kokpa ekaeleya bato kpaaya. ⁷ Makelele si meondesana na n'ngomb sieya ye enjekeleke omotato; yaikangi o mechwe ayo m'mba m'po m'mba ya wabo, na bendi balo m'mba bendi babto. ⁸ Baikangi na m'mgbe m'mba m'mgbe ya bamokali, na main'nayo ma simba. ⁹ Baikangi na booya m'mba boowa ya chuma, na lokendi ya maphaphu mayo maikangi m'mba lokendi ya n'ngombe ya buwa sieya yokianga o motato. ¹⁰ Baikangi ika chekamba ya kota kobeya o bato maiti ya meeli iatano. ¹¹ Baikangi kowa kabo m'mba mokota mokitomo ya moololo, yeeteke mo baelbele Abadona, na Greeka Apolina. ¹² Chombo cha makonjekeyo cho nakoeta. Mana yokulahi ephe chephe chombo bibe maili ya eyo. ¹³ Mokitomo wa motola na olubeya m'palu. Ke na ko m'mgba looki omo kotoka o maseke mana mo asima ya kolekanesa ya wolo eya ika boso wa Mokonga. ¹⁴ Na koena ka mokitomo wa motoba owa waikanga na palu:"Kandowa bakitomo bana baa bekandeke kiyo na iyaba ya ema ya efolta. ¹⁵ Na bakitomo bana baa baikanga mo n'nyanga bisato babato. ¹⁶ Oketi ya baa baayanga koesa baikangi milo na milio ibe:"Na m'mgbangi oketi". ¹⁷ Na boobo Na monangi n'ngombe n'kati ya n'njoli, na baa balinyanga yo, bika na boosa ya langi ya kaya, na Yaseta, na obaba. Mechwe ya n'ngombe yaikangi m'mba mechwe ya Simba; na motona tabo kaya ka omokangahii, na moosi, na obaba. ¹⁸ Beikaneo bisato babato bo na kokpa na n'so sieyo isato, na kaya, na moosi, na obaba, yaomokanga moto na tabo. ¹⁹ Mondia chekamba cha n'ngombe yaikangi moto na tabo na mehwe, na moyohii yatanga kobeya. ²⁰ Baphe bato si baa bita kpanga na n'so si eyo bita timbolanga abo metama yabo o mekambo yabo ya maako, mo biyaeli ya kotulameya mesombo ya beya, na ba sanamuba wolo, n'falanga, bima, mawe, tote, eya itoomona, ao kom'mgba, ao koenda; ²¹ Bitatimbolanga ande metama yabo mo koiya kabo, o maondi mabo ma meiya, ao moitembo yabo ao mo bobi yabo.