¹ Noo naomona ophe mokitomo wachekamba, oselela kiyo, welinde keleke na obonge; kiyo ya mochwe ande yaikangi na monama, na mochondi chande yaikangi m'mb looba na o mao mande m'mba banguzo ba kaya. ² Mokaako kande wabundesangi buku omo waangowa. Watangi kao ka ilome o maale, na kao kande kaikali mo n'seke. ³ na we na kowakaya na looki ya ema iboka, m'mba bowa yooluma simba. n'nyanga sieya akayanga we, mekoma mochomeondi yo na kon'ngbekama maeki mayo. ⁴ Na n'nyanga sieya mekoma mochomoendi ya n'ngbekananga maoki mayo, naphana mbele ne kpalowe; ke na m'mgba kowa kiyo looki omo yo koena:"kanda eya yokoena mekoma mochomoendi, na buwa kokpalowa yo. ⁵ na makitomo, omo siowa namonanga we kiyo na iyaba na n'seke, na obuya kaoko kande ka ilome kowa kiyo, ⁶ we na olapa ka owa uko o bemo na bemo, waumbanga kiyo na besima boose siega bika, n'seke na besima boose si beya bika, na iyaba na besima boose sieya bika, itekemaikande na n'nganga, ⁷ n'ndi mo n'su ya looki ya mokitomo wa mochomoendi, mon'nyanga sieya ekalubeya we talumbeta, kaisama koose ya Mokonga yekaenga mahii, m'mba bowa aemaga we na bato bande ba n'kasi, balondoi. ⁸ na looki, siowa na n'ngbanga yo kowa kiyo, yo nakoena mane ephe, na koena:"yaa, tomba buku siowo ya angowa wekondoke o maako ma mokitomo siowa weimane kiyo na maale wa kiyo na n'seke. ⁹ Na noo nakiya kowa ka mokitomo, na koena nande waese noho ka buku kango. Na we nakoena nane: tomba yo, na mina yo; yoololahii mo beliya babe, n'ndi mokana kabe yo okoleyai m'mba booki. ¹⁰ Noo maotomba kabuku si kaoko kango mokakako ka mokitomo, na noho na omina yo; yo na kokoleya noo mokana kane, ke mo n'nyanga sieya na minanga yo, n'kati ya beliya bane iya na kolola. ¹¹ Mailisi baena nane: yokoiki bosaali welondowe ephe o bato babuwa, obeikaneyo, obeeneli na omekota.