¹ Mon'nyanga kande owe we boka ndeyo ya mochoendi, yaikangi kowa kiyo bii omo m'mba mo n'nyanga emo kako lokolo. ² Ke noo naomona bakitomo mochomoendi beimane boso wa Mokonga, na tolombeta mochomoendi teseke bo. ³ Ke mokito omo na kula, kewe na koimana kiyo na asima ya kowaba, waikangi na chebaso cha malasi na mawe ma n'keti, bo na koesa we makuta ma iyese, mo isina ya koesa mo, na Masomboli ma bapheneni, kiyo na asima ya koaba na mawe ma n'keti eya ika oso ya kakalanga ka Bokota. ⁴ Moosi ya iyesi yo na olinya na Masomboli ma bapheneni, o maako ma mokitomo boso wa Mokonga. ⁵ ke mokitimo na obiya chebaso cha malasi na koiyesa na kaya ka asima ya koaba, ke wa m'mbola yo mo chese. Na yaikangi na maoki, mekoma, na tobalibali, na n'nseke ya tekateka. ⁶ Na ba kitomo mochomoendi baa baikanga na tolombeta mochomoendi bo na koendjekeleka molubeya. ⁷ Wa boso na kuphumba kalombeta. Na yaikangi na matale na kaya ya singanangi na makiya , kom'mboleka mo chese; ke na beikaneyo bisato ba cheese na olekana, na beikaneo bisata babete yo na kolekana , na towani toose ta mondo ya ilambe na olekana. ⁸ Mokitomo waibe na olubeya talumbete. Na chesima chemo m'mba mokondi omo ya ema ya uwa na nga na kaya ya umbolekangi omaale; ke biikaneo bisato baiyaba batimboka mokiya, ⁹ na beikaneo bisato ba biyumba sieya bika n'kati ya iyaba na eyaika na koika yo na kopka, na beikaneyo bisato ba maato maema yo na kosieya meka. ¹⁰ Mokitomo wa isato na koakoayesa n'palu ke okenikeni omo ya ema na kokeya kotoka kio na liangangi ya ema m'mba n'tala ya kasoko; ke yakeao ko matuku masato ma mayaba bena mesowe ya maale. ¹¹ Liina ya okekenikeni si ikai apisiti, ke metuka ya bato na kokpa ko maale si, bondia meiki na m'ngbangba. ¹² Mokitomo wa ina na koakayesa n'palu, ke m'mba isato ya looba melubekei, ke matuku masato ma meeli, na matuku masato ma n'kenikeni, mbe looba yalimese botuku omo ya matuku masato ya masani mande, ke na botu kae boobo. ¹³ Na monangai cheoni tchemo kam'mbokangai koa mobowa, kayenangai na looki ya ema chombo, chombo, chombo mo baa bika mochese, mo isina ma phe maoki matolumbeta ma bakitomo basato si maa mekaphumbeka!