¹ We na koena na bo ephe mbele: "No ko ena nino liti, bamo mo baa bika ano bitoopka kae ango kambu, ambele biti namoni Bokota ya Mokonga kula na tchekamba". ² Maïli ya n'nsu motoba, Mbali na ko bundésa asima amo nande Petele, Yakobo na Yoani, ke weya nabo koowa bemine kiyo ya mokondi. ³ N'tulu yandé na koika na liangangi, ke na ko phuphoka komo si kowa mosooli wa n'ntulu ango omo ano mo tchese utaengamanga ande kophfenesa yo boobo. ⁴ Eliya na Mose na ko buanyeya bo phfutuku na ko enesana na Mbali. ⁵ Petele, na kobundésa looki, nakoena na Mbali: "Labi, yeengami nito kotchumana aabono; teimetchi ema isato, omo wabe, omo wa Mose, ke omo wa Eliya". ⁶ Utaebanga ande m'mba okoena tchei, ango baiyangi na bowa ya ema. ⁷ Obonge na kula kolindeka bo, kooko moobonge looki na koomoka:"Oono ukai Manane wa ikenya m'mgbai se!" ⁸ Mo kabeyo beyo baeki nakomona m'mbalu na m'mbalu abowa yaikanga bo, ke bamona Mbali lika asima amo nabo. ⁹ Mo koselela kabo mokondi, Mbali nakoekesa bo ambele bobuwa koebesa moto eya yemone bo, bena abowa yokaimoka Mana Moto. ¹⁰ Ke baiseka bondi si kometema yabo, na kophfephfesana n'nkati yabo koimoka mokokpka iki tchei. ¹¹ Baeki na ko phfiphfea we mbele:"Bondiya tchei baandeki bokoenangi ambele eengami ambele Elia wale kasa boso? ¹² We na kosumboleya bo mbele:"Elia wekalai boso koendjeka maondi moose. Ke bondiya tchei yeandekeleke mo isina ya Mana Moto mbele eengami nande komona obaba yaema bena kophfendeka? ¹³ N'ndi nokoeni nino mbele Elia wilei ke batangai nande bowa yaemanga bo, boengamesana na bowa eandekeleke. ¹⁴ Abowa yalanga we aiye iye ya baeki, na nakula n'nguma, na baandeki si baa baenesananga na bo. ¹⁵ Abowa ibamba yemone Mbali, bato ba yo baasowangi tona, ke baoloka moko saliya we. ¹⁶ We na kophfephfeya bo mbele: "Bokoenesananga si nabo moisina ya tchei?" ¹⁷ Ke moto omo wa ibamba na ko sumboleya we mbele:"Moalimo, naluleyaki owe na manane amoome, owa uka na mosombo ya kaluma. ¹⁸ Asima si aabowa yoobundesa we, ke ya m'mbola we ase; ke waomola m'mpuwe mokana, na kokota kokota man'nyo, bena kolonda iboka. Naombaki baeki babe ambele babenge mosombo si, n'ndi bitekokole abo. ¹⁹ We nakoena nabo mbele:"Iboti ya kokanga koakowa, bena eni n'nyanga yokoika noo nino? Bena eni n'nyanga neakowe maondi mino? Luleyai noo nande. ke baluleya we nande". ²⁰ Ke mo n'nyanga si eeya maana wemone Mbali, mosombo nakotekesa tekesa we iboka; ke wakeya mo n'nseke, ke watimboka timboka na m'mpuwe koiyesa kana. ²¹ Mbali nakophiphéya isa maana : "N'nyanga inga yatake boobo? Ise na kosumbola mbele:Kolinga iyanuke yande". ²² N'nyanga yoose mosombo yem'mboli we mokaya bena n'nkati ya maale mokoiya we. ²³ Mbali nakoena nande mbele : "Aika m'mba wa weengame! ... Yoose yeengame ka owa weakowe". ²⁴ Mo kabeyo beyo isa maana nakoakaya:"Neakowe! Waa weunee noo mo kokamba kane kaakowa na motema ya kobeya!" ²⁵ Mbali komona ibamba ya bato kosongana obeyo, nakosuleya mosombo ya beya, ke waena na yo mbele:"Mosombo ya kaluma na kokanga koenesa, naebesaki owe, omoka ka maana si oono ke buwa kosumbokeya we ephfe". ²⁶ Ke yaomoka na koakaya, bena na kololesa we iboka. Maana nakoika m'mba moto si oowa wapkake, moisina si n'nguma ya bato nakoena mbele wapkake. ²⁷ Ke Mbali nakotingeya we mokaako, na koimetcha we ke waimanesana. ²⁸ Abowa Mbali wa n'ngeyanga mo lumba, baeki bande nakophfiphfea we bemine lika:" Bondiya tchei itebenge base mosombo sui? ²⁹ We nakoena nabo:"Okitaka si oowo yokoomokangi ikeandi na lisomboli". ³⁰ Batoka aoyo, ke bakalesa Galileya. Mbali utaemanga ande m'mbel baebe . ³¹ Abowa ya fundisanga we baeki bande, we nakoena nabo mbele:"Mana moto okoabelekai n'nkati ya maako ma bato; bokoiyai we, ke maili ya n'nsu isato ya kopka kande, okoimokai". ³² N'ndi baeki bitafofoanga ande isina ya looki si, ke batinangai kophfiphfeya we. ³³ Bakoma mo Kapalanauma. Abowa yaikanga bo molumba Mbali na kophfephfeya bo:" Mosina ya tchei yokoenesananga se bane mom'mboka?" ³⁴ Ke bo nakolibana, bondiya mo m'mboka bikasenoi na koenesana n'nkati yabo moko eba nani weeteye baabaphfe. ³⁵ Mo boobo ke watchumana, waeta ikomi na babe ke waena nabo mbele:"Aika m'mba moto omo waena koika waboso, okoikai n'ntungeya ya baabaphfe boose bena moto wabo wamokambo". ³⁶ Ke wabundesa maana omo manuke, ke waitche we n'nkati n'nkati yabo, ke maili yakobundesa we ko maako mande, wenakoena nabo mbele: ³⁷ Owa oopkeya molinane omo wa baana si bano wapokeake noo mune; ke owa wetome noo". ³⁸ Yoani nakoena nande:"Moalimo, tamonaki moto omo si oowa oobenga mesombo ya beya na linabe; ke taekesanga si we bondiya". ³⁹ Buwai koekesa we, Mbali nakoena boobo, bondiya buande moto si oowa maili ya kota bondiya koasowa kana, weengame koenea noo kobeya. ⁴⁰ Owa uteseke base, ukai obalu ito. ⁴¹ Ke owa okoabeya bane kopo omo wa maale ma koma mo isina yane, nokoenai nino liti otolimesa ande iyota yande. ⁴² N'ndi aika m'mba moto omo wakukesa omo wa baana si bano baakowake, eengami nande kokandeka iwe ya ema moikoti ke baimbesa we mo iyaba ya ema. ⁴³ aika m'mba kaako kabe ka kelesa owe mokobeya, buka ko; yeengami nabe ko n'ngeya na kaako kamo n'nkati ya koika. ⁴⁴ Koliko koika na maako mabe ke wam'mbolea mo Geena, n'nkati ya kaya sikaa kitolima ande ango kambu. ⁴⁵ Aika m'mba kao kabe kakelesa owe mokobeya buka ko; eengami nabe kon'ngeya n'nkati ya koika na kao. ⁴⁶ Kamo, koliko koika na mao mabe ke wam'mboleka mo Geena, n'nkati ya itumbo ya kaya si eeya itoolima ande ango kambu. ⁴⁷ Ke aika m'mba liiso yabe yakelesa owe mokobeya toesa yo; eengami nabe kon'ngeya mo bokota ya Mokonga nakoika na liiso emo lika koliko koika na maiso mabe ke wam'mboleka no Geena. ⁴⁸ Kawa kito kwa tcha a mbo, na kwa kito lina kaya kitoolimanga ande ango kambu. ⁴⁹ Bondia moto wose oOtimbokai m'mba noo na kaya. ⁵⁰ Moo ikai tchesima tcha fowa; n'ndi aika m'mba moo yakamba tcheleelee, bokoendjekai yo na tchei tchephfe? Ikai na moo n'nkati ino, ke ikai na bii bamo ko baphfe".