¹ Mo buto si owo, n'nguma emo ya ema ya songanangai ephe ke ita ikanga ande na tchesima tcha kowa, Mbali na ko eta baeki, ke na ko ena na bo mbe: ² Maiyake na tchombo mo ibamba si eeno; bondiya monai n'nsu isato eno mbe bika baka baka nane, ke bo buwa bo na tchesima tcha kowa. ³ Aika m'mba na toma bo kowa kabo na n'ndja, tchekamba tchookambai bo mo m'mboka bondiya bamo n'nkati yabo batokaki pkaaya. ⁴ Baeki bande na ko sumboleya we mbe:"Oni okitaka yeengame base koikotesa bo na mekati ano, mo asima si ano ekambe tchesima?" ⁵ Mbali na koomba bo:"Mekati inga ika nino? Motchomoendi, bo na kosumbola boobo. ⁶ Ke wa ikesa n'nguma ase mo n'nseke, ke wa bundesa mekati motchomoendi, ke, maili ya koaba kelekele, we na ko mungoa, ke wa esa baeki mo kabaanya, ke ba baanganyeya n'nguma. ⁷ Ba ikanga kai na ton'nfe temo taangowa, ke Mbali maili ya koaba kelekele, ke wa baanyesa kae yo. ⁸ Baanga ke baikota, ke bala na totunga motchomoendi mbe teiye na matuku si maa mesiye. ⁹ Ba ikangai bato aiye iye ya milio ina Maili si na moo ke Mbali na ko sumbola bo. ¹⁰ Kabeo beo ke wa kimeya n'nkati ya waato na baeki bande, ke baya Dalamanuta. ¹¹ Ba Farisayo na kula ke ba anya anya maoki na Mbali, ke mo ko sondja we, ke baomba we n'nembe emo ya kotoka kiyo. ¹² Mbali na koisoka iboka ko mosombo yambe wembe: "Bondiya tchei liboti si yeeno yo ko omba n'nembe emo? No ko enai nino liti, n'nembe ito ko abeleka ande liboti si yeeno". ¹³ Ke wa tchitchana bo, ke wa kimeya ephe mo waato, mo ko kaleka mo okonge si owa ophe. ¹⁴ Baeki ba ibeyangai kobiya mekati; ba ikanga ikeabo na omo lika n'nkati ya waato. ¹⁵ Mbali na kowaba looki si oono kowa kabo: "Tanganai iboka na moteya mekati ya ba Falisayo na mote ya mekati ya Erodi". ¹⁶ Baeki na ko engeleya n'nkati yabo na ko ena mbe:"Ikai bowa yo buwa base na mekati. ¹⁷ Mbali na ko eba yo, na ko ena nabo:"Bondiya tchei yo koengeleya bane mo isina sieeya yobuwa bane na mekatii ? Beke na kamba bino weli, ke biti na m'mgbi bino? ¹⁸ Bekenaika mo na metema ya ko beyai? Mbele bika na maiso, bito omona binoi? Mbele bika na mat, bito ko m'mgbanga binoi? Ke bobuwa bino na maenyelii? ¹⁹ Abowa ye mungowe noo mekati itano mo bato milio itano totunga tonga ta koiya na matuku ta biyanga banei? Bo na ko ena mbe:"Ikomi na tobe". ²⁰ Ke abowa yenunowe noo mekati motchomoendi mo isina ya milio na ina ya bato, totunga tonga ta koiya na matuku tebiye bane? Bo na ko sumboleya we ambele: Motchomoendi. ²¹ ke woena nabo mbe:"Yaikaki bani ambele bitefofoangi bena eneeke?" ²² Bo nakiya Betesaida; bala namokpi wa maiso kowa ka Mbali ke babondjabondja we ambele wa mate we. ²³ Wa bundesa mokpi wa maiso mokaako ke waomoka nande kowandja ya motanga:"Ke wata we mata ko maiso; kota maako kiyo nande ke waphfiphfeya we m'mba oomona tchesima tchemo". ²⁴ We nakomona ke waena:"Noomona bato, noomona bo m'mba toke, ke bokoenda". ²⁵ Mbali na kota ye ephfe maako ko maiso, ke mopki wa maiso abowa yemone we na kotindila, we na koonda ke wamona yoose bosaali tchesima tchemo tchemo. ²⁶ Mo boobo Mbali na koena nande ambe waye koakande we mbe:"Buwa kon'ngeya komotanga, ke buwa koebesa moto". ²⁷ Mbali nakiya na Baeki bande mo motanga si oowa ya bakameyanga bo ya kaisalia wa Filipo. waphipheya bo mo m'mboka:"Bato bokoenangi ambele noo nikai nani?" ²⁸ Bo na kosumbola:" Yoani Moluphfi mo bamo. Elia; mo baphfe, ao omo wa batondoli". ²⁹ Ke bane, bane ambe noo nikai nani. We na kophfiphfeya bo boobo: Petelo nakosumboleya we ambele:"Ukai Masiya". ³⁰ Mbali nakoekesa bo mene mene ambele bo buwa koena na moto. ³¹ Mo boobo ke waadja koebesa bo mbele:"Eengami mbele Mana moto wapate obaba ya ema, watchitchaneke na bakolo bato na mekota ya bato ba etanda, bena na ba andeki ba baangile, oopkai, ke waimoka maili ya n'nsu isato. ³² We waenangai nabo yo phfololo phfololo. Ke Petele na kobiya we kaowa mokoekesa we. ³³ N'ndi Mbali na kotimboka, komona baeki bande na kosuleya Petelo. Na koena mbe:"Maili Satana, bondiya toengeleo tabe tobuande ta Mokonga, n'ndi tikai ta bato". ³⁴ Ke waeta n'nguma asimaamo na baeki ke waena nabo:"Aika m'mba moto waema koika moeki wane, wa seke kasa omune, wa biye n'nkili yane waonde noo. ³⁵ Mo boobo owa weeme koondesa koika kande oolimesai ko n'ndi owa oolimesa yo moisina yane na mesao n'nsaali okoondesaiyo. ³⁶ Ke isina ya tchei mot watombe tchese tchetondo ke walimese mosombo yande? ³⁷ Moto ooteleyai we tchei mootomba mosombo si ephfe? ³⁸ Mo boobo owa okom'mgba n'nsoni moisina yane na maoki mane n'nkati ya iboti si yeenoya ilemba na kobeya, Mana moto okom'mgbeya kai we n'nsoni aabowa yekala we mo looka ya ise na bakitomo baphfenena".