¹ Ba Falisayo na baandeki bamo, kotoka mo Yelusaleme, na ko songana baka baka na Mbali. ² Ba mona baeki bande bamo koanga buwa kosoola maako, ikai mbele buwa kosooleka. ³ Mo isi mbe ba Falisayo na ba Yuda boose bito ko wanganga abo buwa kosoola mene-mene asili, boyaeli ya bakolo bato; ⁴ Ke aika m'mba basumboka mo asima ya bato boose, ba angangai alinga bapheneseleka. Bika kae na beyaeli bephe baasili, m'mba kosoola kopo, tobole na mbilika ba n'ngela. ⁵ Ke ba Falisayo na baandeki na koomba we mbele:"Bondiya tchei baeki babe bito olitosa boyyaeli ya asili sa bakolo bato, n'ndi bo ko angangai meleli yabo na maako ma motimbi i?" ⁶ Mbali na ko sumboleya bo mbele:"Bato ba n'nanga, Yisaya wa londowangi bosaali mo isina ino, bowa eandekeleke yo mbele:" Bato si bano boolombesangi noo na metutu lika, n'ndi metema yabo ika pkaaya nane. ⁷ Boolombesangi noo bule, na ko esa ba angile si baa bika ba bato. ⁸ Bootcitchana ba angile ba Mokonga, ke ba tangana na asili wa bato. ⁹ Ke waena nabo ephe mbele:"Bo koeka ba angile ba Mokonga, mo kolanga asili wino. ¹⁰ Abowa ya enanga Mose mbele: KLitosa so na n'ntchoko, ke:Owa oophenda ke watephola ise na nina oopkai. ¹¹ N'ndi bane, bo koena mbele:"Aika m'mba moto wa ena na iseo'o nina; ambele: Eya yatombake owe mo isina yane ikai mo ko ena mbele isina yayo ikai lifaefi ka Mokonga, ¹² Bito ko esa kae we m'mba ephe ambele watelee ise na nina, ¹³ Na ko tefola looki ya Mokonga, mo isina ya boyaeli ya mafundiso mino. Boobo, bootanga kai maondi mabuwa ma boyaeli si owo". ¹⁴ Ephe maili na koeta n'nguma kowakande, we na ko ena nayo mbele:"M'mbgai noo bane boose, ke fofowai. ¹⁵ Yobuande tchesima si tcheya tcho ko n'ngeyanga mo kana ka moto tchooseyanga we, n'ndi eya yo koomokangai yoi yooseyango moto. ¹⁶ Aika m'mba moto wa ika na matu ma kom'mgba, wa m'mgbe". ¹⁷ Abowa ya n'ngeyanga we mo lumba, pkaaya na n'nguma, baeki na ko phipheya we mo isina ya mombila si. ¹⁸ We na koena nabo:" Bane kae, bika kai na ko kamba ko eba i? Biteli mbele eya ya ko wandja ya n'ngeya ka moto iteengame ande na koseya we i? ¹⁹ Bondiya yo ito kon'ngeya ande ko motema yande, n'ndi n'nkati ya mesolo yande, ke ya mo asima ya kaisama, kowa koophenenesa meleli yoose. ²⁰ Waena ephe:"Eya yo koomoka ka moto, yoi yooseya mot. ²¹ Bondiya n'nkati, n'ndi mbe n'nkati ya motema ya moto koi ko koomokanga maenyeli ma beya, ilemba, ilemba ya bololo, koiya. ²² Boibi, boimi, masongo, boibi ya mayele, boyaeli ya beya, tcheema tcha bomoneleli, kalola, omuli, aukuku. ²³ Maondi mano moose ma beya, mo ko omokangi n'nkati. Ke maseya moto. ²⁴ Mbali, na kotoka aowo, na kiya mo botuku ya motanga ya Tula na Sidona. We na ko n'ngeya mo lumba emo, na ko kamba mbele moto obuwa koeba; n'ndi, i akokolekanga ande mbele wa isame. ²⁵ Bondiya amokali omo, owa moseka wa ikangai na mosombo ya beya, na ko m'mgba okuku yande, na kula na komuna maanulu boso wande. ²⁶ Amokali si oyo wa ikangai Mogiliki moto wa Silo-Ponika. We na ko bondjabondja we mo ko benga mosombo ya beya ko wandja na moseka yande. ²⁷ Mbali na ko ena nande:"Ekai kasa baana baikote bos; bondiya ya buande bosali kobunda boleli ya baana mokoese tana ta m'mgba". ²⁸ Bobo, Mokolo, we na ko sumboleya we, n'ndi ango tana ta m'mgba kose ya mesa to ko angangi ango n'nkolokolo si eeya yokenga mo mesa wa bana ba bato". ²⁹ Ke wa ena nande:"Mo isina ya looki si owo, yaa, mosombo ya beya ya tokake n'nkati ya moseka yabe". ³⁰ Ke wabumboka mo lumba yande, ke wa songela maana mbele welame mo itanda, mbele mosombo ya omokake seno. ³¹ Mbali na koeka botuku ya motanga ya Tula, ke wa sumboka kotoka Sidona obalu ya iyaba ya ema ya Galilaya, mo ko kala Dekapole. ³² Boluleya we na kaluma, owa wa ikanga na n'ntale mo ko ena, ke ba bondjabondja we mo koteleya we maako. ³³ Waya nande kao wa, kpaala na n'nguma, wata we menywe, wamata we tcheyami na mata mande omune; ³⁴ ke waimo wa maiso kiyo, waomoneya, ke waena: "Efata, isi na i mbele, kondoka". ³⁵ Mo n'nyanga si eeyo, tcheami tchande tcha kandoka ke wa ena bosaali. ³⁶ Mbali na ko ekesa bo ambele biteenangi na moto:"Abowa yeekese we bo boobo, ke okuku si ya balangana iki ko eteya". ³⁷ Ba ikangai mo ko sangala komo ka ema ke ba ena:"Oota yoose bosaali; Okoondesa bato ba looko, na ko enesa toluma".