¹ Abowa yetoke Mbali aowo, waya mo botuku ya motanga ya Yudea obalu ya ibe ya Yaladene. n'nguma na kosongana ephfe baka nande, ke mokobeeya kande, ke wa fundisa bo. ² Ba Falisaliyo nakula mokosondja we, baphfiphfeya we aika m'mba eakolekei na amoome kobnga mokalande. ³ We nakosumboleya bo mbele:"Tchei Mose weandekeye bane?" ⁴ Bo na koena mbele:"Mose waakowangai koandekeya amokali kaani ka isongi kokpo boso ya kobenga we". ⁵ Ke Mbali na koena na bo:"Ikai moisina ya kokobeya kobeya ka metema ino"; Mose weese isosa si eeyo. ⁶ N'ndi ko makondjekeo ma koendjekeleka, Mokonga wa tangai amoome na amokali; ⁷ mo boobo amoome okoekai ise na nina, ke wabakama na mokalande, ⁸ ke boose bobabe bokoikai mobe omo. Mo boobo bobuwa kae babe, n'ndi baikake mobe omo. ⁹ Iteengame ande m'mbele moto waekanese eya Mokonga wesinganese". ¹⁰ Abowa yakomanga bo molumba baeki nakophfiphfeya we ephfe mo isina si. ¹¹ wa nakoena na bo mbele:"Owa o obenga mokalande ke wasonga ophfe amokali, walake ilemba nande omune. ¹² Ke aika m'mba amokali watoka ka momenande ke wasongeleka na ophfe amoome, watake ilemba". ¹³ Baluleya we na baana banuke ambele wamate bo. N'ndi baeki nakosuleya baa bile nabo. ¹⁴ Mbali, nakomona eeyo, ke waisoka we nakoena nabo mbele:"Ekai baana banuke, ke babuwa koekesa bo moyo", bondiya bokota ya Mokonga ikai mo isina ya bato si baa betuanyanye bo. ¹⁵ No koenai nino moliti, owa si oowa utopokea bokota ya Mokonga m'mba maana manuke utoko'ngeya ande mo yo ango kambu. ¹⁶ Ke wabundesa bo ko maako mande, ke waliphfeya bo, nakota maako kiyo na bo. ¹⁷ Abowa Mbali waetanga mo m'mboka, moto omo na kula obeyo, ke wamuna malu boso ande:"We na koomba wembele:Moalimo mosaali, nete tchei mo kotomba iyo ya koika ka bemo na bemo? ¹⁸ Mbali na koena nande mbele:" Bondiya tchei yo koeta owe noo mosaali? Mosaali wabuande, kosakolo Mokonga lika. ¹⁹ Weli baangile:"Buwa kota ilemba, buwa koiya; buwa koiba; buwa koena olanga; buwa kokoseya moto:"Litosa so na nn'tchoko". ²⁰ We nakosumboleya we mbele:"Moalimo, natanganake mo na maondi si mamo moose kolinga bosombe yane". ²¹ Mbali mokomona ye, ke waema we, ke waena nande:"Ekambe bondi omo kowakabe; yaa, weeolese eya ika nabe itondo, weabe yo ka touwe, ke otombai tchesima tcha oketi kowa moobowa. Ke wite weonde noo". ²² N'ndi, kopata obaba na looki si oowo, moto si oono na kiya ambe weiye na tchombo, bondiya waikangi na n'nguma ya besima bafowa. ²³ Mbali, na komona m'mbalu yoose abowa yaikanga we, ke waena na baeki bande:"Ekatalalai iboka mo baa bika maphfoka mo ko n'ngeya n'nkati ya bokota ya Mokonga. ²⁴ Baeki nakosangala mo eya yaenanga Mbali, ke waena ephfe, we mbele:"Bana bane, etalalei ko baa bokoaba metondo yabo mo iphfoka mo ko n'ngeya mo bokota ya Mokonga! ²⁵ Ye phfolephfolei iboka mo m'mponda mo koeta mo molondo yasindani koliko iphfoka kon'ngeya mo bokota ya Mokonga". ²⁶ Baeki,nakosangala ephfe iboka, ke baenesana bamo na ko baabaphfe:"Ke nani iki weengame na koonda?" ²⁷ Mbali nakomona bo, ke waena:"Eyo itookokoleka ande ko bato, n'ndi buande ka Mokonga:"Bondiya yoose yeengame na kokokoleka ka Mokonga". ²⁸ Petele, nakoena nande:"Mona, taekake yoose, ke taondake owe". ²⁹ Mbali na kosumbola:"Naenaki nino liti, yobuande na moto si oowa, maili ya koeka mosina yane na mesao n'nsaali, lumba yande, ao banduku bande baome, ao banduku bande bamokali, ao nina, ao ise ao bana bande, ao n'nseke yande. ³⁰ Otombai mala miya omo, eneeke mo manyanga si mano, malumba, banduku baome, banduku bamokali, ba nina, baona, na n'nseke, bena obaba, ke manyanga si maa mokula, koika ka bemo na belo. ³¹ N'nguma ya baa ba boso bokoikai ba maili, ke n'nguma ya baa bamaili bokikai ba boso". ³² Baikangai mo km'mboka mokolinga mo Yelusaleme, ke Mbali na kiya boso yabo. Baeki baikangi na na ko tchukeseleka, ke baondangai we na babe baka nande, ke waandja koena nabo eya yeengame na kula. ³³ Monai toolinya mo Yelusaleme, ke Mana moto okoabeleki ko bakolo bato babatombi ba mafaefi na baandeki ba baangile, boobukai bandi ande ambele wapke ke baaba we ko baa bekange koika ba Yuda. ³⁴ Booseki we, kotufeya mata kiyo nande, boolubeyai we lofimbo baiya we, ke maili ya n'nsu isato okoimokai". ³⁵ Yakobo na Yoani, bana ba Jebedeai, na ko bakameya Mbali ke bo na koena nande mbele:"Moalimo, teemei mbele wete mo isina ito eya tokoomba ow:" ³⁶ Waena nabo:"Beemei tchei ambele netelee bane?" ³⁷ Bo nakoena nande mbel:"Akoleya base mokotchumana omo mo ilome yabe ke ophfe mo ikali, aabowa yokoika owe mo looka yabe". ³⁸ Mbali nakosulboleya bo:"Biteli abino eya yokoomba bane. Bookokolai koma kopo si oowa yekama noo ao kolufeleka na lilufi si eeya yekalufeleka noo? ³⁹ Bo nakoena nande ambele:"Teengame" Mbali na kosumboleya bo:"Boonai boobo mo kopo si oowa wekama noo, ke balufeleka lifuli si eeya yeka lufeleka noo". ⁴⁰ N'ndi moisina ya kotchumana mo ilome ao mo ikali yane eeyo yo buande bandi yane, ke yo koabelekai ikeande mo baa bekaika ke baa bendjeke mo isina si". ⁴¹ Maili ya kom'mgba boobo, ikomi si eeya ephfe nakoongeleya Yakobo na Yoani. ⁴² Mbali na koeta bo ke waena na bo: "Beli mbele baa si baa bebundeke m'mba mekota ya n'nkita bika na bokota kiyo na yo, ke bakolo bato babo bekandje bo na tchekamba tchabo". ⁴³ Yobuande boobo mo isina ino, n'ndi aika m'mba moto omo waena koika mokolo moto n'nkati ino, okoikai moto wa mokambo wino. ⁴⁴ Ke aika m'mba moto omo weeme koika wa boso n'nkati wino, okoikai mokobe wino bane boose. ⁴⁵ Mo boobo, Mana moto wilei buande mbele batelee we, n'ndi moisina mbele watelee baphfe, ke waabe koika kande m'mba iyota mo isina ya n'nguma". ⁴⁶ Bakoma mo Yeliko. aabowa Mbali weomoke ko motanga asima amo na baeki abnde na n'nguma ya ema, Balatimai mana Timai mopki wa maiso watchumanangai mokoomba omba motutu ya m'mboka. ⁴⁷ We na kom'mgba mbe ikai Mbali wa Nasaleta ke waandja koakaya "Mbali mana Daviti m'mgba noo tchombo". ⁴⁸ n'nguma na kosuleya we mokobibanesa we ke wasula iki iboka koeteya:"Mana Daviti m'mgba noo tchombo". ⁴⁹ Mbali nakoimana ke nakoena mbe:"Etai we" Baeta mopki wa maiso na koena nande ambele:"Ika na tchekamba. Imana, okoeta owe" ⁵⁰ Mokpi wa maiso na kom'mbola koti wande ke, waimana na kotinga kowa ka Mbali. ⁵¹ Mbali nakobundesa looki ke waena nande:"Weemei m'mbele netelee owe tchei?" "Moalimo yane mopki wa maiso na ko sumboleya we ambele, eka mbele nemone nemone ephfe. ⁵² Mbali nakoena mnele:"Yoa phfe, koakowa kabe kaondesake owe" Mon'nyanga si eeyo maiso mande na kokandoka ke waonda Mbali mo m'mboka.