¹ Mbali, na ko kimea n'nkati ya wato, ko kala okonge ya ibe ya iyaba, kewe na kia n'nkati ya motanga. ² Ke monai, bo na koulea we na mokpi mao mbe welame mo itanda. Mbali, na o mona koa-koa kabo, na ko ena na mokpi mao:"Ko beya ko beya, mana ane, mabea mabe mose ma meselekake". ³ Mo boobo, ba andiki bamo na ko ima-ima: Moto si ono ophenda Mokonga. ⁴ Ke Mbali, wa ebangai toengeleo tabo", na ko ena:"Motchei bika na toengeleo ta bea n'nkati ya metema ino?" ⁵ Bondia tchei, tche pholee pholee, ko ena mbele:"Ko beya kabe kameselekake", ke na ko ena:" Imana, ke enda. ⁶ Mo isina mbele, beebei mbele mana, Moto uka kio na tchese na bokota ya komeselea ko beya:"Imana, we na ko ena na mokpi mao, bia itanda yabe, ke yaa n'nkati ya lumba yabe". ⁷ Ke we na ko imana, ke na kiya n'nkati ya lumba yande. ⁸ Nyanga ibamba ya monanga boobo, bona kotina iboka ke bo na kolombesa mokonga, owa wa esenga ko bato bokota ya boono. ⁹ Kotoka aowo na kia phaya, Mbali na omona amo ome ase mo asima ya ko lipesa mandjandja, ke lina nde, aetekangai Matayo. We na ko ena nande:"Onda noo". amo om si ono na ko imana ke na ko onda we. ¹⁰ Mbe Mbali okoanga n'nkati ya lumba, monai bakongoi ba mandjandja ke na bato ba bo ikeleli ya bea na ko ulesana koanga na Mbali asima amo na baeki. ¹¹ Ba Phalisayo na ko mona boobo, ke bo na ko phiphea baeki:"Motchei mokota ino okoanga na bakongoi mandjandja ke na bato ba boikaneli ya bea?" ¹² Mo ko un'ngba ka Mbali we na ko ena:"Ba bika buwa nso ko mebe bito ko ikanga bo na nkasa ya Monganga, n'ndi bato ba nso". ¹³ Yaai, ke eundichai eya ika isina, mee nikai na nkasa ya tchomo, ke bua ma phaephi. Bondia ntileane ko eta ba pheneni, n'ndi bato ba mekambo ya bea-bea. ¹⁴ Na boobo baeki ba Yowani na ko bakamea Mbali, ke bo na ko ena:"Motchei base bito ko iyanga. ¹⁵ Mbali na ko sumbolea bo:"Bina kande amo ome wa isongi beengame na ko eya-eya mbe amo ome wa isongi uka naboi?" Mo nsu sieya yo kula aboa amo ome wa isonga otoka n'nkati yabo, ke aowa bo koiya meleli. ¹⁶ Moto uto songa ande monuku ya ntulu ya mbesi kio na iphkende ya ntulu, bondia asima si owa asolekake yo oseamai, ke ntulu yo koa soka a sokai ko etea. ¹⁷ Bito tanga ande maluma mbesi n'nkati ya nyongo sieya ailelakemono na koseama; bondia mbe beogo boseamai ke malu maiteka; n'ndi botangai malu ma eneeke mo beogo ba mbesi na malu na beogo bo tchungelekai. ¹⁸ Aboa aebesanga bo membila, monai, mokota omo na kula, na koselela kose ya mao mande, ke na ko ena:"Moseka ane a kpake iti na ileli ande, n'ndi waa, kota maako kiyo nande ke o ko ondai. ¹⁹ Mbali na kaimana ke waya asima mo na baeki bande. ²⁰ Na mana, mokali aikangai a kooka mokiya bemo ikomi na ibe, walangi maili wa moongo, we na kobunda n'tulu yande. ²¹ Waikangi mo koena kati a motema yande:" aika mba na obunda n'tulu yande, n'konda". ²² Mbali na kotimboka, na koena, ma ko moesana mande: "ika na tchekamba, mana ne a mokali, koa-koa kabe kaondesake owe". Mo inyanga si maana a mokali na koonda. ²³ Mo inyanga se a Mbali mo kokoma mo lumba a mokota, na komona balubei ba filimbi na ibamba ema ya bato, ²⁴ Na koena nabo:" omokai", mondi maana a mokali si oyo uti nakbiande, welame. Ke baaja koseka we. ²⁵ Mo sa si oyo ke ibamba ya bato na koomoka, waingeangai, we na kobunda kaako ka maana a mokali, na maana a mokali kaimana. ²⁶ Lokendi yabalanganake o metanga yose. ²⁷ We na kia kooko, baondangi Mbali na bakbi maiso mabe, bo na koakaya: ugbelea ase tchombo, Mana Tawiti! ²⁸ Na wakati si akomake we mo olumba, bagbi ba baiso kula baka-baka nande, ke Mbali na koena nabo: "bane bika na koakoa mbele noo nootai bondi si oyo?" Bobo, "mokolo, baenake". ²⁹ Na bobo we na kobunda bo omaiso, we na koena: "yatelekee ane imba koakoa kino". ³⁰ ke maiso mabo makandoka. Ke Mbali na ko komesa bo iboka. Tinai imbele moto auwa koeba. ³¹ Kisha, maili nabo koomoka, baenangi okuku wande o motanga itondo. ³² Inyanga yaikanga bo mokiya, mona, babilea Mbali moto omo na mephopho ya beyabeya si utokoena. ³³ Mephopho ya beyabeya eya babengake babenga yo, moto utokeina ango seno waenake. Kena ibamba ya sangala na koena: "Ata botu ango omo, bondi modele si utinamoneki mono ande mo Isalaele!" ³⁴ Ke na bafalisayo baena ngai: "otesa mephopho ya beyabeya ma mboka ya mokolo ya mephopho ya beyabeya". ³⁵ Mbali waikangai mo koennya o metanga ya emema na ya angoaangoa, waikanga ko kofundisa bato kati ya lumba ya Mokonga, na kolondoa looki ya bokota, ke waondesanga bato ba oso ma boobe ba tchebema. ³⁶ Mo komana ibamba ya bato, waiyangi na tchombo mondi yaobo, mondi a mbele ba balangamangai na kolimena, imba nyama si akosanga mutchungi. ³⁷ Ke na koena na baeki bande: iba yeme indi batumiki beangowe. ³⁸ Bembelesa mokolo wa iba bondi ya watome bato mo iba yande.