¹ Babua na koéta baeki bandé ikomi na babé, we nakoèsa bò chékamba chá kobenga nésombo ya béyá, bé na kóondesa n'so yoose na balema boose. ² Mona maina ma baeki ikomi na babé, wa boso-boso, Simona akoétéka Petèle na Andélé mana nina, Yakobo, mana webedeo, na Yoani mana nina, ³ Filipi na Balatelemi; Tomosi, na Matayo molipési wa manjanja Yakobo, mana Alféo, na Tadeo; ⁴ Simona mu Kanana, na Yuda Isikariti, owa wéolese Mbali. ⁵ Bóónoi ika baeki ikomi na babé bétómeke na Mbali, maili wa koésa bo mékomi si yeéno:" biyangi ko babaa bitinan'gbi looki, na bén'ngéyangi mo n'kita ya ba samalia; ⁶ ndi yaái ko mekókó si eya yélimene ya lumba ya Isaelili. ⁷ Yaái, nangolai, na enai: "bokota ya kiyo yaiyéyake". ⁸ Onésa baa ba n'so, imolai bagbi, phenenesi baá-bá-suli, bengai mésombo; Bétombi bule, obai bule. ⁹ Babua kobiya tongeli-ngembe, ango n'ngéla, ango beēya ko meeli inó; ¹⁰ Ango itèke ya ondo, ango n'tulu ibé, ango békoba ba mao (bilato) ango lofimbo; bondiya mobundi wa mokambo wééngami na moleli yandé. ¹¹ Ko métanga na n'kita émo si éya yéka n'ngéya banè phiphéyai mba okoiki na motó wa koengama na kótabane mo boikaneo yandé; chumanai kowa kandé bana aabowa ékaya banè. ¹² Mo kon'ngéya mo lumba, ¹³ Na aika mbèlè bumba yetondane, ééngami mbe bii wino wale moo, ndi aika mbèle itétondane, eengami bii wino wasumbokéye bane. ¹⁴ Mba bitéte bane mo boikanéo, béna omba biténgbe maoki mino, omokai mo lumba si ama ko motanga si na chichai n'seke ino ya matindi. ¹⁵ Naenake nino na liti: " mo bosu ya liataki, okita ya Sodomo na owa ya Gomolo yekatelekai kobéya kambu kakolokolo kuliko motanga si oowo. ¹⁶ Monai, natonake bane m'mba mekoko akati ya n'ngo. Ikai na mayele m'mba ma n'njoka, ¹⁷ Ikai na kachi ko bato, bondiya békaabai bane ko beikanéo ba koénèsa maondi. ¹⁸ Banè békapholotékai, bondi yane, bósó na bósó na lówa, ma komoesa lilembélisi koikabo na ko baa bitinangbi loóki ya chéondésa. ¹⁹ Ndi, aabowa eka abéléka banè, babuwa kótékatéka mo kophana mbe bokoéni chéi: maa mékaika ma koena kino mekaeselekai banè mo myanga si émo. ²⁰ Bondiya abuwandé bane i békaene, ndi Mosombo ya Ise winoi yékana okati wino. ²¹ Chénina chéka abésanay mo kokpa; na isè ka manadé; baana békatimbokéyai. ²² Békesékélékai na boose, mo isina ya linane; ndi owa wékakokomesa maényéli béna mo ntungéya wékaóndai. ²³ Eké aikamba bamoesa bane moobi ko motanga ómo, yaai obéyo mo ophe. Naena ke nino na liti na liti, bitékamanéni bino kotimba métangé ya Isaeli ambele Mana Móto witi nali. ²⁴ Moéki w'abuandé mokota, ké mokobe wité-étéyé andé mokota andé. ²⁵ Eengami ko moéki kotéléka m'mba mokota, na ka mokobe m'mba mokota andé. Aika mbe baéta mokota ya lumba ya Beelezebulli, ké y'okoika iki booni mo koéta kaé bakolo ba lumba si éyo! ²⁶ Bo buwa kotuna bo ango kambu, bondiya buandé na chésima si chéa chééngáme na koisama éké chabuwa koébékana, ango mo kaisama ke chakamba koébékana. ²⁷ Maa mo koéna noo nino iphie, enai mo obanja akati wa looba, bé na maa mééneke bane ko matu, saowai mo. ²⁸ Ba buwa kotina baa bokoiya mobe éké bito okokola koiya mosombo; tinai ndi owa wééngame koiya móbé naa mosombo mo itumbo ya kaya lifelo. ²⁹ Bito ko olésanga toyoni tóbé mo lofalanga ómoi? Na boobo, ango kamo kito okéa andé mo n'seke buwa koème ka ese wino. ³⁰ Na béna kaé m"ngbe ya méchwe ino soose yébandéke. ³¹ Bétinangi ango kambu: bélitowe oketi kolongéya toyoni ta buwa. ³² Mo bóobo, ówa ó koakowa noo bósó wa bató, nika akowakai we bósó na Tata owa wika kówa kiyo. ³³ Ndi owa w"oolingowa noo boso na bato, ne kalingowakai we bósó na Tata owa wika kówa kiyo. ³⁴ Béisangi m'mba nilei kaisa bii mo chésé; n'tile ane koésa bii, n'ndi kabusu , ³⁵ bondia mbele noko ekanésai n'nkati ya mótó na ise, n'kati ya moséka na nina, na n'nkati ya mokálá maana na mokó wa amokali. ³⁶ Na moto okoikai na kosekana ko bato ba lumba yandé. ³⁷ Owá weeme ise ama nina kólóngéyá noo wa buandé wane, éké owá weeme mósómbé yandé ama móseká yandé kolongéa noo, wa buandé wane, ³⁸ owa weeme kobiya kumbo wandé, ambé uto ko'ondá noo, wa buandé wane. ³⁹ Owá weeme kolangá mobé yandé, y'ékaséamai, éké ówá wóóséa mobé yande mo lina-ne, wé kó óndésai yo, ⁴⁰ éké ówá w'oopokéa ówe, wapokéaki noo, éké ówa w'oopokea noo, wapokeake ówa wétome noo. ⁴¹ Owá w'oopokea motondoli ko mokambo y'andé wékáabélekai iyota, éké owá w'oopkea owa uka cháa, wékáabélekai iyota ya liti. ⁴² Owa woose wékaésa ango ophata ya maalé ma mpéé ka omó wa bano banuke si bano, bondiya uki moéki wane, naenake nina na liti mene, utékalimési-andé iyota yandé ango kambu.