¹ Abowa Mbali wa selelanga ko mokondi, motuka ya bato na ko'onda we. ² Na mona, moto wa osoy ya suli na ko bakaméa we na ko tulama boso nandé, na koena: mokota, aika mbe waema, wééngame na ko ondesa noo. ³ Mbali na koanjeya we kaako, na kobunda we, na koena: néakowe yo, phfenena. Aowo-aowo we na koonda. ⁴ Eke Mbali na koena nande: weenangi na móto, ndi yaa komoese mobe ko baomoli ba maphfaefi n'nembe m'mba bowa Mose waenanga. M'mba yo koika Mokota omo ya sola kowa kabo. ⁵ Abowa Mbali nakon'ngeya mo Kafarnaum, Molombiya omo ya sola na koena nande we, ⁶ Waeya eya nande, Mokolo moto wane wa mokambo welame molumba, we kpe maoo, wika na obaba yaema. ⁷ Mbali na koena nande Nokiai, na noko'ondesai we. ⁸ Mokota owo ya sola na kosumbolea we looki:"Mokota, n'teengame mbe w'engeye molumba yane waene bondi omo. ⁹ Bondiya nika kosé wa mekota ya kiyo wane, nika na bato kose wa maoki ma bokota yane, mba naena na omo waana; yaa! Okiyai, ke ophfe: waa; kewala; ke kowa ka mokobe wane; ta chéchéa! Na okotai cho. ¹⁰ Mbali ya komgba we, Mbali na kosangala, eke we na koena na baa baondanga we: naenake nino na liti, ango mo Isalaele n'namoni ane moto koika na koakowa ka ēma m'mba moto si oono. ¹¹ Eke na enake nino mbe babuwa bo kotoka mochwela na moèla na bekaikai ko mesa asima-amo na Abalayama, Isaka na Yakobo, mo bokota ya kiyo. ¹² N'ndi bana ba bokota bekambolekai mo iphfue kowanja, kooko kekaikai beli na kokola man'nyo. ¹³ Eke Mbali na koena na Mokota si awo, yaa, atelekeleke owe ko ophfesana na koakowa kabe na nyanga si eyo mokobe si oowoo na koonda. ¹⁴ Mbali nakiya molumba ya Petele, na kiya komona moko wande wa amokali ambe uka na cheeta. ¹⁵ We na kobunda we mo kaako, eke oso na kotoka ko mobé yandé; éké we na koyayka na bundea we mokambo. ¹⁶ Na iyo, baluleya Mbali bato ba buwa ba n'so ya n'nseka we na kobenga boose na mooki mande, eke we na koandesa n'so yoose, ¹⁷ mo koiyanesa owa yaenékanga na Isaya motondoli: wabiyangai obaba ito, waimaneangi n'su ito. ¹⁸ Mbali na amona, ibamba baka nade, waesa isosa ya koeta ophfe obalu. ¹⁹ Moandeki oma wa bakameya we, ke waena nande mbe Mokota nokoondi owe kowa kokiya owe koose. ²⁰ Mbali na koena na nde: n'yama ika na malumba ena tooni ta kiyo tika na malumba; ndi Mana Moto obuwa bande nna boikaneo ya koomonesa mochwe yande. ²¹ Ophfe n'kati ya Baeki waena nande:" Mokolo, akoleya aesa isosa koleka Tata". ²² Ndi Mbali na koena na nde: "onda noo ke eka bapku baleke bapku babo". ²³ Waingeya mo waoto, ke baeki bande boonda we. ²⁴ Ke mona, m'buwa ya ema na kooka ke wato ina imbeyi na n'gumba. Mbe we walamangai. ²⁵ Baeki ba bakakamea we ke baimola we, ke baena:"Mokolo, ondesa base, ta kpake!" ²⁶ Waena nabo: "mochei bika na boa, bato ba koakoa ka angowa?" na boobo wa imana, wasuleya mophfofo na ngumba, ke bihi nakoika waika. ²⁷ Bato si baika na kosangala: "nani ono, boho nakoenesana, mophfofo na ngumba yokolitosa we?" ²⁸ Aboa lokome we pohe obubu, 'kati ya chese cha mesombo ibe ya bea, yao omoka mo ba Buyako, bala boso nande baikangi na bolengi Moto ango omo uta etanga bandenakotinesa bo. ²⁹ Ke monai, bo na kosula sula: "chei chika inka wito na be Mana Mokonga? Uli abono mo kota base na iyeya boso na inyanga? ³⁰ Aikangi pkaya na bo motuka ya nsombo mbe yo koanga. ³¹ Mesombo ko bonjabonja Mbali, baena: aike mba wa benga base, toma base teingeye mo motuka ya n'sombo. ³² Mbali waena na bo: "yai omoka, ke ingeya mo n'nsombo. ke mona, n'sombo yoose ya chubeya mo iyaba, ke ya pka mo maale. ³³ Baa batchunga ba n'nsombo bo nakiya kosaowa mesao. ³⁴ Na boobo motanga otondo? Ya omoka mo kosangana na Mbali; nakomona we, eke ba bonjabonja we mbe watoke ko motanga ya bo.