¹ Mbá bówa Mbali waayanga, mo koómóka baikanéo ya kósómbóla, baéki bandé na kobakaméya we mo komoésa we bówa eéseke bimba ya Mókónga. ² Ekéwe na koéna nabo: bamonakè éno yoose? Naenakè nino na liti, itékasii andé aabónò iwe munakandé moosè mokoitéki asé. ³ We nakochumana asé kò mókóndi ya toté ta ba olive. Na baéki bandé nakoéléa we mbe uka omune mo kophiphéa we: ena nito, bondi si omo ékakomai mo éni nyanga, na éni n'némbé i yékaika mo koébésa bondi si béna ya ntungéyo ya chésé? ⁴ Mbali na kosumbóléya bo: tai kaeli ka kokoma mbà moto waya. Kiya kotimbola banè. ⁵ Bondiya babuwa békalai mo linane, koéna: nooi nika Mbali. Na békatimbolai bato ba buwa. ⁶ Békm'ngbai mésao ya bita koenèka na okukú ya bita: kokamai, betéka tekangi, bondiya ééngami mbe bésima si bale. ndi itékaikande kasa ntungéo ya chésé. ⁷ Okita yo koési na okita ophe, chébanda na chéphe cjébanda ékaikai mo béikanéo ba kpáayá na kpáayá, n'ndja y'okoikai na n'seke y'oote katékai. ⁸ Maamo moose mékaikai makonjékéo ma obaba. ⁹ Eké béka-abékai ko ma moesi ba bato maobi, bé na békaiyai banè, na békasékélékai mo chésé chétondo, mo isina yane. ¹⁰ Eké bé na baphe babuwá békakéyai mo kowakowa, na béka abai binakobo, békasékanai bamo ko baphe. ¹¹ Batondoli ba ólanga békalai, na béka kélésai mo kotimbola bato ba buwa. ¹² Na bondia kophénda ba angilé, móbóto si owa yaikanga yaena iboka y'oko amai mo koselela kandé. ¹³ Ndi owa okoiléla mo koakowa bena ntungéa, wéká ondai. ¹⁴ Looki si óno ósaali ya bokota y'ékanangolékai n'kati ya chésé chétondo, mo komoesa lilebelesi mo n'kita yoose. Maili si y'ékalai ntungéa. ¹⁵ Mo boóbo, aika mbe bamona bétéléli ba chititi ba koénésa, mba bowa aénanga motondoli Danieli, béimeche mo boikanéo ya phenena, owa obanda looki si, wate kaeli, ¹⁶ éké, ko baa békaika Yudea mo obéo kowá ko mékondi; ¹⁷ éké ka owa xwékaika kiyo na bumba wito-oselela kayé mo kobiya beya bika n'kati ya lumba yandé; ¹⁸ Eké owa uka mo iba. ¹⁹ Chombo ka bamokali si baa bekaika na maémé na babaa békaika mbe boonyokésa mo n'su si éyo. ²⁰ Sombola bondia mbe obeya yabe itéikangai mo nyanga ya kalo kabuwa, ama mo botu ya yenga (botu ya kóómóna ka Mókónga). ²¹ Bondia mbe ékaikai ya ema iboka éké itinaiki mono-andé kolinga makonjékéo m chésé béna énééké, na itékaiki ande éphe. ²² Na, m'mba bitaiyéyésanga n'su si, moto witaéngama andé na koonda, ndi, mo isina ya basoneki n'su si y'okoiyéyésélékai. ²³ Aika-m'mba w'aeneka mbe: Klisto uka-aabo, ama: uka kokowa, wa buwa koakowa we. ²⁴ Bondia ba Kilisito ba olanga békabuwai na ba tondoli baolanga; békatai bétéléli ba maniinii maema, mo kophana kobimésa, ango ba soneki. ²⁵ Monai, naébésaka bane yo bósó. ²⁶ Eké mba baen nabe: Mona, uka mo chébanja cha iseeseke, w'nyanga ko; uka akati wa ba kósúngá, wéakoangi bo. ²⁷ Bondia, bowa okoomokanga looba bilá mochwela na kiya koselela bila moel, boobo kai ékaika mo n'némbé ya kula ka Mana Moto. ²⁸ Mo beikanéo baphe si béya belio bokomoneka ko, tésasonganai ko ²⁹ Kambu maili ya n'su siéya ya obaba, lóóba y'ékatupha-tuphai, meeli itéka iki andé na masani mandé, n'kéni-keni yékatoka mo obowa, na békamba ba kiyo békanyengengai. ³⁰ Eké n'nembé ya Mana Moto yékabuanyai mo obowa, n'kita yoose ya n'seke yékaikai na obaba, na yékamonai Mana Motó kula kiyo na obowa na chekamba na okuku ómo ya ema. ³¹ Wékatomai bakitomo bandé na mpalu ya sanga iboka, na bekasonganésai basoneki ba méphopho ina, kolinga n'tungéo ya béna éyá éphe. ³² Wepate akili wa koengamesana na kati ya kate si kako. Moinyanga yo kaika betabe mo m'kamena, na toani koomoka, bakoebai mbele n'nyanga booba ema ya susake aiyeiye. ³³ Modele omo sa si wa booma mondi mamo mose, yebai mbele Mana Moto aalake, uka o molango. ³⁴ Naenake néno liti, olomba si ito koeta ne, alinga maondi moose maengama. ³⁵ Kiyo na kose yokoeta, ndi koena kanekitakeita ande. ³⁶ Eya ika batu na sa, moto ata omo uteli ande, ango bakitomo biteli ande, ango maana, nde Tata iweli. ³⁷ Eya yakomanga mo inganga ya naa yokaikai namuna omo na kuba ka Maana a Moto. ³⁸ Mondia, mo su eyaikanga aiyeiye na phela, bato baikanga kowanga na koma, kosonga na kosongesa bana babo, bena botu si awa naa kaingea mo wato; ³⁹ na bita tanga nde mebisi na bondi ango omo, be na abowa mbula yaokanga ye yabisa boose: y'okaika namna omo na kula ka Mana Moto. ⁴⁰ Na bobo, bato babe bakaika mo iba emo, omo babundai we ke ophe wasiya ao; ⁴¹ ba mokali babe botukai mo oongo, omo bobundai, we ke ophe wasiya ao. ⁴² Tchungai, bondi a biteli bino botu si mokolo o kula. ⁴³ Ebai basali, imba mokolo a lumba waebange se kotcha ka batu. mopheli okula, otchungai ke utekoako ande waingee mo lumba ande. ⁴⁴ Na bobo bane kae, ikai mbele baendeye, mondi a Mana moto okulai mo inyanga si eya biteli. ⁴⁵ Nani uka moto a n'kasi uka ma liti ke wetchunge, ewa mokolo ande wete we kiyo na bato si babo, mo koesa bo moleli mo inganga si waengame? ⁴⁶ Lengeai bato ba mekambo, ndi a mokolo abookula we, kokuta ane kota bobo! ⁴⁷ Naenake nane liti, otaiwe kiyo na besima bande bose. ⁴⁸ Ndi, moti a mekambo wa beya mokoena kande mune: mokolo ane ane uki naika kwaya; ⁴⁹ Imba si ajakoesa na binakande, umba oko anga ke mba oma nalu na balewi, ⁵⁰ mokolo wa bato ban'kasi akulai otu si wa utebekane na inyanga si utebekane. ⁵¹ Obaanyai bo, ke we na kobunda iyota yande ke na koes bato baolanga: enyanga si yokai ka koeya na kosaka maingo.