¹ Na boobo, bokota ya kiyo yeengamesane na Meseka ikomi sieya itaebanga baome bo, babiyanga ntala, kiya moko sangana na Amoome. ² Batano n'kati abo bebe be, ke batano ba boeli : ³ Bebe be, na kobiya n'tala yabo, ke bakamba kobia makuta ; ⁴ n'ndi baa babe baweli; nao biya, ntala , na makuta n'kati ya bephe beongo. ⁵ M'mba bowa Amome oilelei, boose na koena ke be na lolama. ⁶ I n'kati ya botu, baakaya : monaï Amoome, ya aï kosangana na nde! ⁷ Ke boose Meseka ya buwa koeba baome na koi moka, nakoeyeka n'tala ya bo ! ⁸ Bebe be na baa ba boweli :esaibase kambu ka makuta mino, mondia n'tala ito Yalimake. ⁹ Baa ba boweli na koena mbele : iyani, itokoe engama ande nito nino, yaoi mobaa boko olesa nga, ke beo we hi mondia ino. ¹⁰ Mo n'nyanga sieya biye ko howa, Amoome nakula, baaba engamesanga ba n'ngeya nande mo lumba ya amoome, ke molango ya kandeka. ¹¹ Mailisi, baaba phe na wa kula, nafaena mbe : Mokolo, kandowa base. ¹² N'ndi we nakosumbola looki mbele, nokoena nino litimbele, n'teliane bane. ¹³ N'ndi ikai nakolanga bondiya biteliabino otu ao n'nyanga. ¹⁴ Ikai m'mba moto siowa waemake kia ondo. Kewaeta bakobe bande waesabo besima bande. ¹⁵ Na koesa omo m'pata ibe kaophe, ke emo kaowa wa isato, baomona omo koondesana na tshekamba tchande, ke wala. ¹⁶ Naboobo awa watombanga m'pato itano na kiya chande, waaya kota nayo n'kasi, ke wena lopata mpata ephe itano. ¹⁷ na owa, weabeke m'pata ibe we wao pata ephe ibe. ¹⁸ owa wo, tombanga lopata omo we nakiya lophfua molinga mokoiseka, waiseka beeya bamokolo wande. ¹⁹ N'nyanga koeta, ke molo wa mokambo kotoka kpaaya na kula, ke waema koeba bondia beya bande. ²⁰ Owa wa tombanga m'pata itano nakula, nakoesa ephe m'pata itono. ²¹ Mokolo wande nakoena mbele : bosaali, moto wa n'kasi wa fowa ke boeli : waika ngai nakolitosa mo besima baa ngowa, na owa ophfeo wato mbanga mpataibe nakula, kobaka mea kaye we, ke waena nande mbe: N'ngeya n'nkati ya ome ya mokolo nabe. ²² Owa wato mbanga m'pataibe waakula, kobaka meya kae we, wa ya koena : mokola, waesa ngi noo m'pata ibe ; mona, wapatake ephe ibe. ²³ Mokolo ande wakoena mbele : bosali moto wa n'kasi mosali ke wafowa waikangi tchaa mobesima baango wa ngowa, nokoesiowe ya buwa : n'ngeya n'nkati yaome ya mokolo abe. ²⁴ Owa wetombe lofalanga omo wa bakamea we, ke wa ena:"Mokolo, na ebangai mbe ukai moto watalalesa mobe, owa o okonyoanga kowa kiteleke owe, okukangai kowa kitepate owe; ²⁵ Netenei, ke niyei koiseka lofalanga yabe n'nkati ya n'seke; mona, tomba eeya ika yabe. ²⁶ Mokolo wande wa sumbolea we:"Moto wa mokambo ya beya na ko phumbala, wa ebangai mbe no o konyoangai kowa kiteleke noo, ke noo kukangai kowa kitepate noo; ²⁷ Aengamangai na be kia kosiya lofalanga yane kowa ko isekanga noo beeya, ke, mo ko sumboka kane, n'natombei eeya ika yane na ephe kio na yo. ²⁸ Ba keyai we lofalanga, ke akesai ka owa uka na beeya ikomi. ²⁹ Isina mbe bo ko akesai ka owa uka na yo, ke o koikai na ya buwa, m'mbolai we mo iphuwe ya koandja, koa o koika beli na n'ngelete ya man'nyo. ³⁰ Ke moto wa mokambo ya bule, m'mbolai we mo iphuwe ya koandja, koa o koika beli na n'ngelete ya man'nyo. ³¹ A abowa Mana Moto okula n'nkati ya okuku yande, na bakitomo boose, oo tchumanai mo kakalanga ka okuku yande. ³² Bese boose bo osonganai boso nande. O ko baayai bamo na baphe, m'mba bowa motchungi wa n'nyama o obaanyanga mekoko na m'mboli; ³³ Ke okotai mekoko mo ilome yande, ke m'mboli mo ikali yande. ³⁴ Ke mokota okaenai na baa bekaika mo ilome yande:"Waai, bane baa belipheleke na Tata; bundai asima mo bokota owa eendjekeleke bane kolinga makondjekeo ma tchese. ³⁵ Bondia naikangai moeni, ke bepokeyei noo, ³⁶ naikangai mokanga, ke bebatesei noo; na oso, ke balangai ko mona noo; na ikangai mo moololo, ke bilei koa kane; ³⁷ Bato basaali bekasumboleyai we:"Mokolo, eni n'nyanga tamonanga owe na n'ndja, ke taakesangai owe moleli, ango na n'kasa ya maale, ke taakesangai owe ya koma? ³⁸ Eni n'nyanga tamonanga owe? ³⁹ Eni n'nyanga tamonanga owe na ose, ango mo moololo, ke talangai koa kabe? ⁴⁰ Ke mokota we ka sumboleyai bo:" Naenake nino liti n'nyanga yoose si eya ete bane maondi si maa mano ka omo wa banduku bane banuke iboka, ikai koa kane, batanga. ⁴¹ Maili we kaenai na baa bekaika mo ikali yande:"Ombokai kowa kane, bato beayeleke; yaai mo koya ka kauwa na n'ntungeya kaa keendjeleke bondia satana na bakitomo bande. ⁴² Isina mbe naikangai na n'ndja, ke biteakese bino noo moleli; na ikangai na n'kasa ya maale, ke bita akesanga bino noo ya koma; ⁴³ Na ikangai moeni, ke bitepokee bino noo; na ikangai mokanga, ke bita batesanga bino noo; na ikangai na oso bena mo moololo, ke bitalanga bino ko mona noo. ⁴⁴ Be ka sumbola kai:"Mokolo, eni n'nyanga tamonanga owe mbe uka na n'ndja, ango mbe uka na n'kasa ya maale, ango moeni, ango mokanga, ango na oso, ango mo moololo, ke titauneanga bito owe? ⁴⁵ We ka sumboleyai bo:"Na enake nino liti n'nyanga yoose si eya itete bane maondi si mano ka omo ko baa banuke iboka ikai kowa kane; bita tanga. ⁴⁶ Ke bane bekayai mo obaba owa yauwa na n'ntungea, n'ndi baa basaali mo koika kosaali kowa kauwa na n'ntungea.