¹ Ke Mbali, koena n'kati ya ibamba asimaamo na baeki bande, na koena:" ² ba andiki na ba Falisayo saho bika asé n'kati ya mobe ya Mose". ³ Tainaengeleayi yoose sieya yokoena bo; ndi bauwa koondea beteleli babo. Bondia bokeenangai, ke bitoo tangande yo. ⁴ Bakanda bakumbo ba litoa-litoa, ke ba Bilesa bato ko betuli, ndi bemine baeka ango kobia na monyewe yabo. Boota maondi mabo moose mbele bato. ⁵ Boota maondi mabo moose mbele bato bamone bo. Ke bebate ntulu ya ema-ema na ya eya-eya. ⁶ Béémi koika boso ya beombe, ke tokalanga ta oso n'kati ya malumba ma Mokonga, ⁷ beeme okuku ke baeteleke na bato Rabbi, Rabbi, ke beemi bato baete bo Molombia molombia ⁸ Ndi bane, bauwa koeteleka Molombia: bondia Molombia ikai omo kebane boose bikai baduku. ⁹ Ke bauwa koeta Moto ata omo mo tchese Tata; bondia Tata ukai omo lika, owa uka koa kio. ¹⁰ Bauwa koakoa koeteleka baende si; bondia moendesi ukai omo lika Klisto. ¹¹ Mokolo Moto n'kati ino okoika mokobe n'kati ino ¹² owa olinya omune oselelai, ke owa oselela wolinyai. ¹³ Tchombo koa kino, baandeki na ba Falisayo bato ba olanga! Bondia bookandea bato bokota ya Mokonga; bane mine bito kon'ngeya bino, ke bo koekea ba beeme. koen'ngeya. ¹⁴ Tchombo koa-kino, ba andeki na ba Falisayo bato ba olanga! Bondia boosea malumba ma betike, bo kesa kesa na masomboli ma eya-eya; mo isina ya boobo, boosambesi bane bua tchombo. ¹⁵ tchombo kowa kino, ba andeki na ba Falisayo bato ba olanga! Bo busoa mephoko mo kophana moto omo kotimbola we boyaeli yabo mbe baisi owe mo kaya kabua ntungeya. ¹⁶ tchombo kowa kino, baendesi ba bapki-maiso nani waenake: aika mba moto watatelé mo lumba ya Mokonga, wauwande na bondi; ndi owa ota telé bondia iwe ya oketi ya lumba ya mokonga telé yande o kelesai we. ¹⁷ Bato bakokamba koyeba na bapki-maiso nani welongee muna kandé, mawe ma oketi, ke na lumba ya Mokonga tchei tchophenenesa mawe ma oketi? ¹⁸ Aika mbele moto waena nabe ephe tatelé mo asima ya koaba ikai bule; ndi moto wa ta telé mo iyota sieya ika kio na asima ya koaba, wa koake bondi si. ¹⁹ Baphi ba maiso! Nani weetee muna kandé, koaba, na asima ya koaba tchei tcho phenenesa koaba? ²⁰ Owa ota telé asima ya koaba watake telé asima ya koaba ke na yoose sieya ika kio nayo; ²¹ Owa ota telé mo lumba ya Mokonga watake telé mulumba ya Mokonga ke owa oko ikanga n'kati; ²² ke owa ota telé na kio watake telé mo kakalanga ka bokota ya Mokonga ka owa uka ase. ²³ Chombo nino baandiki na Bafalisayo na Bakesi bondi Bokosea emo kose wa ikomi ya ùanti, ya Aneth na ya Cumin, na bokoeka eya ika ya okete (ya fowa) nkati ya ba angile, ya ukweli, ya chombo na ya koika tcha, eyo ndi yaengamanga koondea, buwa koibe bephe besima. ²⁴ Bane baendisi ba bagke ba maiso baa bokondanga mephomomo na bokominanga ba chamo. ²⁵ Chombo kowa kino Baandiki na Bafalisayo na bato ba olanga bondia bokophenesa koanja ya kopo (ophata) na saani eke nkati eiye na bolôlô. ²⁶ Mofalisayo, mogbe wa maiso, soola kasa nkati ya kopo na saani mba koanja kaike bosaali ²⁷ Chombo nino: Bandiki, Bafalisayo bato Bannanga, bondi beengamesanei na Mabuyako Baphèna, bemone ke Kofo koonja, ndi nkati eiye na mekuwa ya bagbe na bololo. ²⁸ Bane mine, bomoneke basaali boso ya bato, ndi nkati huno bika na kokesa na kobeya. ²⁹ Chombo nino: Baandiki, Bafalisayo na bato ba n'nanga, bokoesa tobuli balondoli ba maondi si ma minali eke bofolesa to koandja-eke baena. ³⁰ Aikange mbe aka mo n'nyanga ya baisé bito, ombe tita ondeyanga bande boomo koiteya makiya ma balondali. ³¹ Ba-ekowake, bane bato si ba baiyanga Balondoli. ³² Lindekai mabeya ma baise bino. ³³ Njoka, okitaka ya mekalofongo boni eka eleya obeyo mo kolina kaya ka motonu? Bondi si. ³⁴ Monai nokotomeai bane bato ndoli, bato ba weli na baandiki bokoya, na kolubeya bo mo musaleba, bomo na bomo, eke balubeya bo tosoola mo kila motanga ya ema. ³⁵ Mbele, mekiya ya batondoli kolinga ka Abel moto mosaali, ena ya Zakaria, mana Bamachie owa beiye we nkati ya lumba ya masomboli na litale. ³⁶ Naebesake bane mo liti, maondisi moose mo-okeleai mo olomba si oono ino. ³⁷ Yelusalema, Yelusalema, lokoiya batondoli; bokoseya besima beya botumeya bane mana inga naema kota bana asima-amo mba nkoko yo kolindekanga bana bande, kose na maphapho mande eke baeka! ³⁸ Mana lumba yabe yoosuyai buwa moto. ³⁹ Naenake nabe: bitokomona kae noo enekeke ena alowa ekana mbe waliphèleke, owa okula molina mokolo.