¹ Mbali na kobunda looki, wena koena nabo efe mo molembila, ke waena: ² Bokota yakio etuanyanyei Mokota omo waendjekanga isongi ya manandé. ³ Wena kotoma bato bande ban'nkasi ko baeteki balemoisongi; n'ndi bitaemangande kula. ⁴ We na kotoma bafe bato bankasi, waena anbo: mble monai, na ongonya keseno tsheombe tshane; ⁵ n'ndi, buango kokebakeba mom'mbea, kebo na kia omo, na omo moiba yande na n'kasi yande; ⁶ kebafe baika bato ba mekambo, balubesanabo ke baiyabo. ⁷ Mokota nakosoma; watoma bato bande, kia kolekanesa baiyi, nakolekanesa motanga yabo. ⁸ Kewe nakoena na batobande ban'nkasi: isongi ikabakabaka; baeteki bita langaande. ⁹ Yaai mom'mboka ke etai baaboose, boomonabo. ¹⁰ Bato ban'nkasi nakia mo m'mboka, kebata bato boose asimaamo, baabemoneke, babei na bafoi, ke asima ya isongi yaiya na bato. ¹¹ Mokota nakon'ngea kiakomona baabalake, ke wamonaiki aowo Moto omo, buan'tulu ya isongi. ¹² Waenaki nande: mbele isau yane mo tshei wain'ngeake ano bua n'tulu ya isongi? moto sioyo m'manga nakoesana. ¹³ Ke Mokota na koena na bato ban'nkasi: kandakanda iwe maako na mao, ke m'mbola iwe n'kati ya ifue ya koandja, kowakika koeya na kowanga man'nyo. ¹⁴ n'ndia ika na baeteki babua ke basoneki beangowe. ¹⁵ Ke bafalisayo baaya kiakomonawe, mo m'mboka ya kokanda we, Mbali na maoki mande omune. ¹⁶ Batomea we baeki bande asimaamo na bato ba Elodia, koenande mbele Molombia, telimbele ofoei, ke okoebesa looki ya Mokonga koondesana na liti, bua kokipana Moto, mondia utoomonaabe tsshondi tsha moto. ¹⁷ Ena nito eeya eengame: eekeleke ama eyakoleke, bato koesakaisala ? ¹⁸ Mbali, na koeba bolengi yabo, we na kodjiboabo: boosondjai noo mo tshei bato baosi? ¹⁹ Moesi noo m'mfalanga, sieya yaoolipanga bato. Kebaulea we na m'mfalanga emo. ²⁰ Ke waomba mbele tshondi si tsheno iki tshanani? Ke liina sieno iki ya nani? ²¹ Liina ya Kaisala, bonakoena boobo: ke wena koena nabo mbele, aesi Kaisala eeya ika ya Kaisala, ke eya ya Mokonga eya ika ya Mokonga. ²² Bonakosangala eya ya enekangabo, baekaikiwe, ke baayaiki. ²³ Mo botu si owo omo, ba sandukai, si baa bo koenanga mbele koimoka ka bapki ko buande ango kambu, nakula bakama na Mbali ke na ko ena nande ko phipheya si kono. ²⁴ Moebesi, Mose wa enangai:"Aiki m'mba moto wagba na kokanga maana, nduku wandei o osonga tchetike, ke wa endesa mophindi ya nduku wande". ²⁵ Kumbi ya ikangai n'nkati ito banduku mo tchomoendi. Wa boso na kosonga ke wakpa; ko bowa utaikanga maana, wa siya mokande ka nduku wande. ²⁶ Yaikanga kai boobo ka wa ibe owa wa isato bena owa wa motchoendi. ²⁷ Maili wa boose, amokali na kokpakae tcheatchande. ²⁸ Mo koimoka ka bakpi, nani n'nkati wabo amokali okia mokala ande? Bondiya boose betombei we. ²⁹ Mabli na ko sumboleya bo:"Bika n'nkati ya kokamba ko eba, bondiya bito o lembela bino ango maandiko, ama tchekamba tcha Mokonga. ³⁰ Bondiya mo ko imoka ka bapki, baome bito osonga abo, ama bamokali bito osongaleka abo, n'ndi bo koika m'mba bakitomo ba Mokonga kowa kiyo. ³¹ Mo eya ika mo isina ya ko imoka ka bapki, bita bandanga eya Mokonga waenanga nino; ³² Nikai Mokonga wa Abalayama, Mokonga wa Izaka, bena Mokonga wa Yakobo? Mokonga obuande Mokonga wa bapki, n'ndi ukai wa baa bika na koika. ³³ N'nguma, si eya ya m'mgbanga, bo na koisoka na mafundisho ma Mbali. ³⁴ Ba Falisayo, mo kom'mgba mbele walibanesei ba sandukai bo na kosongona, ³⁵ Ke omo wabo mokota ya angile na koesa we ko phipheya si kono moko sondja we; ³⁶ Moebesi, oni angile weeteye ba angile boose? ³⁷ Mbali na ko sumboleya we:"Okoema Mokolo, Mokonga wabe, na motema yabe otondo, na mosombo yabe yoose, kena koengeleya kabe koose". ³⁸ Ika wa boso bena angile wa ema. ³⁹ Ke mona wa ibe, owa wetuanyanye se nande:"O ko emai munakabe m'mba owe mune". ⁴⁰ Ko ba angile si babei yeangalileye angile motondo na balondoi. ⁴¹ Bowa ba Falisayo basongananga, Mbali na ko phipheya bo, ⁴² na ko ena:"Beengeleyei boni mo isina ya Klisto? Bona ko sumboleya we wa Tawiti". ⁴³ Ke Mbali na ko ena na bo:"Oni oitaka Tawiti na ko iya na mosombo wa etanga we Mokolo, abowe yeene we. ⁴⁴ Mokolo waenaki na Mokolo wane:"Tchumana mo ilome yane, bena abowa no ota base kasekani babe bopkoteo yabe". ⁴⁵ Aika m'mba Tawiti wa etangai we Mokolo, motchei ika we manande? ⁴⁶ Ango omo uta kokolanga ande ko sumboleya we looki omo. Ke kolinga botu si owo, moto uta sondjanga kae kophiphea we.