¹ Botu si oowo, Mbali wa omokangi mo lumba, waika ase mo okonge ya iyaba. ² Metuka ya bato ba buwa basonganangi bakama na nde, eke wa kimeya mo waato, waika ase, na metuka si eeyo yoose ya bato ba imanesana mo okonge. ³ Wa ena na bo maondi ma buwa ko membila, wa ena:"moleli omo na ko omoka mo kiya koleka touma. ⁴ A abowa alekanga we, temo tekeyai ka owa wa m'mboka eke toyoni tala koanga touma si. ⁵ Tephe tekeyei asima ya toenyele, mo bokambe ya n'nseke ya buwa, tamena ka beyo - beyo, bondiya n'seke ita ikanga ande ya buwa. ⁶ N'ndi kula ka looba, to na kolelekana, bena ko kamena mo ko kamba meli. ⁷ tephe tekeyei asima ya meke; meke na ko komba-to, eke takpatana. ⁸ Tephe tekeyei asima ya n'seke n'saali, ta bota, kauma kamo kaomola miya omo, tephe n'kama motoba, kaphe n'kama isato; ⁹ Owa wika na matu ma kom'ngba, wam'ngbe. ¹⁰ Baeki ba bakameya we, ba ena nande:"Mo tchei wa enake nabo ko membila?" ¹¹ wa sumboleya bo:"Bondiya bane beeselekei masina ma bokota ya kiyo, n'ndi bo biteeseleke ande. ¹² Bondia bo koesi owa wika na tcho, eke waika na ba buwa, n'ndi owa wa buwa na tcho, wo obakelekai tcheya tchaikanga nande. ¹³ Mo isina si no ko ena na bo ko membila, bondiya baisa-m'mba bo omona, n'ndi bito ko eba. ¹⁴ Na kowa kabo looki ya moeki Isaya yai yanake:"Bokom'ngbai na matu mino, eke bito ko eba bino ango kambu; bo omonai na maiso mino, eke bito omona bino tchesima". ¹⁵ bondiya motema ya okita si oono yatalalake iboka, balindekake matu mabo, ambe bite m'ngbangi na matu mabo, ambe bite ebangi na metema yabo, ambe bite kalangangangi, ambe n'teondesangi bo. ¹⁶ N'ndi ome maiso mino, bondiya mo omona, ome matu mino mo ko m'ngba! ¹⁷ bondiya na enake nino na liti:"batondoli na bato ba liti ba emangai ko mona ma mano mo omona bane, n'ndi bitamonanga ande na ko m'ngba! ma mano mo ko m'ngba bane bite m'ngba ande ande mo. ¹⁸ Bane kae, m'ngbai isina ya mombila ya moleki: ¹⁹ " aika m'mba moto wo ko m'ngba looki ya Bokota bena witeebe yo, mosombo ya beya yokulai, yo otoesai eya yalekelekake n'nkati ya motema yande:"Moto si oyo-i owa walekanga touma mo m'kpangba ya m'mboka. ²⁰ Owa watombanga touma asima ya na kokota, iki owa wo kom'ngba looki ke wa akowa-yo kabeyo-beyo na ome; ²¹ N'ndi wa buande na meli, kowa kande omune, wa buande na kosikama, bena a abowa okula n'nyei-nyei ango malumo mo isina ya looki, eke wa keya; ²² Owa watombake touma n'nkati ya meke, iki owa wam'ngbake looki, n'ndi maenyeli ma bemo na ko sondjéka ka beeya ko-koumekai looki-si eke yatimbola yo buwa isina. ²³ Owa wétombe touma mo n'seke n'saali, ikai owa wo ko m'ngba looki na ko m'ngba yo bosaali; yo oboti kauma, kauma kamo ko obotai miya omo, kaphe n'kama motoba, kaphe n'kama isato. ²⁴ Wa ema kae ko esa-bo ophe mombila, ke wa ena:"Bokota ya kiyo yetuanyanyei na moto walekanga touma tosaali mo iba yande. ²⁵ N'ndi mbe a abowa bato belame, adui wande na kula, waléka tokel-kele n'nkati ya iba ya m'panga eke waya tchande. ²⁶ Mo ko mena ka towani, taomola touma, eke kate ka kakele-kele ka buwanya tcheya tchandé. ²⁷ Bato ba mekambo ya buwa na (mokolo) wa lumba baya ko ena nande:"Mokolo, utalekanga touma tosaali n'nkati ya iba yabei? Yalaki booni mo ko mona kate ka kakelekele n'nkati ya iba?" ²⁸ Wa ena na bo:" Iki adui-i watake éeyo". Eke bato ba mokambo na ko ena nande: "Weemei-mbe tiye ko kutowa - koo -ii?" ²⁹ Iyani, wa ena, mo ko kutowa-ko, yo okutokai bena meli ya m'ponga eya yeleke base. ³⁰ Ekai yamene yoose asima amo bena mo n'nyanga ya ko kutowa iba, mo n'nyanga-si neka enai na ba kutowi; kutowai asa kakelekele, kanda-kandai to, tai-to motuka omo mo kolelekanesa to, n'ndi tai motuka ya m'ponga mo tchekala tchane. ³¹ We Mbali na koteleo bo ophe mombila, na ko ena:"Bokota ya kiyo yeengamesanei na kauma kamo ka Sinapa ketiye amo ome omo na waleka ko mo iba yande. ³² Kikai ka anyonyo mo toose ta touma, n'ndi, aboa kiye komena ko, kaikangai koetea ko ema ka touma na ketimbokei kate, mo boyaeli ya tooni ta obowa tauleye kutchumaneya n'nkati ya metabe yande". ³³ Mbali na ko ena bo ophe mombila:"Bokota ya kiyo yengamesani na ko imowa ka amokali omo obiye na ko itcha n'nkati ya mesondjeyo isato ya n'keeke, bena kowa eya yokese n'keeke yoose". ³⁴ Mbali wa ena na ibamba moose ma maondi ko membila, ³⁵ mbele ya engameseleke eya ya enekanga na balondoli: "Nokandoleyi kanakane ko membila, no londoleyai moose na maondi meisameke kotokeya ko makondjeko ma tchese". ³⁶ Bena Mbali na ko balanganesa ibamba, na kon'ngeya n'nkati ya lumba. Baeki na ko ololokeya we, na ba ena:"Ebesa base mombila ya kauma ka ibaa". ³⁷ We na ko timboleya:"Owa ooleka kauma ka kophowa, ikai mana Moto; ³⁸ Ibaa, ikai tchese; kauma ka kophoa, ikai bana ba Bokota; beiyoiyo, ikai bana ba ko keseleka; ³⁹ Mosei walekanga, ikai mosombo ya ko beya; koluba ka koleka, ikai mo ikoya ntungeya ya tchese; bakonyoi baleki, ikai bakitomo. ⁴⁰ Ikai, mba mokutoi wa beiyo na ko m'mbola bo mo kaya, yekaikai na boyaeli omo ko matungeyo na tchese. ⁴¹ Mana Moto oka isayi bakitomo bande, beka toesa mo bokota yande baseyo ba bato na ba batelei ba kobeya. ⁴² Na beka m'mbola bo n'nkati ya isongosongo ya Obaba, kowa ketaika beli na ko kokota man'nyo. ⁴³ Bena boobo basali bekasanai mbalo oba n'nkati ya Bokota ya Ise wabo. Ka owa uka na matu ma kon'ngba wangbe. ⁴⁴ Bokota ya kiyo ekenaika koengamesana na iyota emo eisame n'nkati ya Ibaa emo. Amo ome owa omana yo ke waiseka; na n'nkati ya kolengea kande, o ko olesai yoose ika nande, na ke waowa eyo ibaa. ⁴⁵ Bokota ya kiyo engamesani na moto omo wa ngondjo wa kophana tokenikeni ta kophoaphoa. ⁴⁶ Wa mona tokenokeni temo iyoli ya ema, na uyei ko olesa booe baikanga nande; na wa owanga to. ⁴⁷ Bokota ya kiyo yeengamesanei na Bosaka omo ya mbolekake n'nkati ya iyaba ya ema na ko sombola okitaka ya m'phee yoose. ⁴⁸ nyanga yaiyanga yo, baoti na ko kakata; na, maili ya koaka koika ase mo okonge, bo na koiyesa mo beyongo eya yaikanga ya kophoaphoa, na ba mbolesanangai na ya ko beya-beya yoose. ⁴⁹ Yekaikai okitaka si omo ko matungeyo ma tchese. Bakitomo bekalayi ko ekanesa balengi ba ko beya na basaali ba kophoa. ⁵⁰ Na beka m'mbolekai n'nkati ya isongosngo ya obaba, kowa yekaika beeli na ko kokota man'nyo. ⁵¹ Bane boose ba n'ngbake maondi moose si manoi? Boobo, bo na koaleya we. ⁵² na we na ko ena nabo:"Mondia, boose ba Skilibe bekandoke mo ko ebesa eya emonese Bokota ya Obowa weengamesaani na Mwendesi mokolo wa Lumba owa olondoleya iyota yande besima ba eneke na besima ba boso". ⁵³ abowa Mbali omanene mombila si owo, we na kotoka a owo. ⁵⁴ Na ko sumboka kande mo okita yabo, wa nagolangai n'nkati ya mosembelelo ya etanda, mo boyaeli yaba ban'ngbanga we ba emwalangai na baenesanai:"Kokoni keuleye we maenyeli si mano na matekwanelo si mano? ⁵⁵ Ebuande mana mwendjeki mekambo ya maoko? Ebuande Malia uka ninai? Yakobo, Yosefu, Simona na Yudea, bebuande bana ba ninai? ⁵⁶ Na meseka yande yebuande boose n'nkati itoi? Koni ketokeye we maondi si mano moose?" ⁵⁷ Bena yaikangai n'nkati yabo mesombi ya kokelesa we. N'ndi Mbali wa ena na boose: "omo motomeki utolitese ka ande mo okita yande na n'nkati ya Lumba yande". ⁵⁸ Na uto otande Matchwanyelo mabua asima si aowo, mo isina ya koika kabo na meyango ya kotalala n'nkati yabo.