¹ Mo n'nyangasi, Mbali nakoeta moiba ya tokutu botu ya koomona. Baeki bande, baika ngi na n'njaa, baikangai mobuka metchee ya tokutu , ² bafalisayo , komona bono, na koena nande: Mona, baeki babe boota eyo itengame koteleka botu ya koomona ³ Ndi Mbali na koena nabo : bite some bino eya Tawiti watanga , n`nyanga si yaungbanga we n`njaa , we naba baikanga nande paali omo ; ⁴ mo booni yaingeyanga we molumba ya Mokonga; ke waangangai kaomoma kitaengamanga nande kowanga , etaikanga nde kae na baikanga nande o molongo , eya isamanga mo bato aba koolekanesa mokoko . ⁵ Imba , bitasomangai bangile mbele , n'nsu siya koomona , abakolekanesa mekoko , bomuna bangile ba n'nsu ya koomona mo lumba ya Mokonga ,bitokanda ane bo ? ⁶ Na bobo , naenake nino , ika na besima ya emema na kolongea lumba ya Mokonga . ⁷ Aikam'mba bane baebangai eya koeneka mbele : neme tchomb0 ,bua nde koaba , bitaebangama nino kokelesa bato bauwa nde na boondi , ⁸ moondia mbele Maana moto uki mokolo wa n,nsu ya koomona , ⁹ Mo inyanga si eyo Mbali na kiya , na koingea mo lumba ya Mokonga . ¹⁰ Na mona , wakutangai moto omo waikangai na kaako ka okamena . Baphipheangai Mbali : Eengame na koondesa moto otu wa koomona ? Moisina mbele batchongee we. ¹¹ We na koena nabo : Nani n'kati ino , owa uka na mokoko omo , ke yakea o molinga botu a koomona , uto koomola nde we o molinga ? ¹² Mo booni moto etee mokoko Engame na moto kota kofoa botu ya koomona. ¹³ Na boobo we koena na moto : Nanoa kaako ke na konanowa, na mala omo ke kaengama imba ewa ophe . ¹⁴ Bafalisayo na koomoka , ke baphanaboyaeli wa koiya we . ¹⁵ Ndi mbali , na koeba ,ke watoka mo boikameyo si . Ke na ibamba ya bato na koonda we . Ke waondesa n 'nsoo yoose , ¹⁶ ke waena nabo mbele bato bauwa koeba , ¹⁷ mo isina mbele yaengamai moondi ya Isaya waenangai , molondoi : ¹⁸ Mona moto ane a n 'nkasi ono asonake we , Isau yane ewa motema wane wemee .Notai Mosombo wane kiyo nande , ke okoenai liti o mephindi ¹⁹ Uto Koeka ande , utokoakaya'nde ke na moto uto koungba looki yande o motanga ²⁰ Utu mona ande bebebi eya kotukuna utolima nde kaya ka koakana alinga amanena kolongeya tchaa ²¹ Mephindi ekowa koleya mo lina ande . ²² Mo boobo ke na babilea we moto omo wa mephopho ya beya uto koungba na koena , ke waondesa we ,mo isina mbele moto utokoena aenake nakoungba . ²³ Ibamba yoose na kosangaa na koena : Owa auwa nde mana wa Tawiti ? ²⁴ Bafalisayo , na koungba boobo, na koena : Moto si waobenga mephopho ya beyabeya na tchekamba tcha Belezebule, mokota wa meph0pho ya beya. ²⁵ Nabowa Mbali aebanga maenyeli mabo , we na koena nabo : Bokota yoose waebanyeke kati yabo yasiake yaangowa ,na motanga imba lumba, eya ebanyeke yoo mine ito koika ande . ²⁶ Imba Setani obengai setani , ke waekana kati yande mune; booni bokota wande bokotelekae ? ²⁷ ke mba noo , noobenga meph0ph0 eya beyabeya mo tchekamba tcha Belezebule ,ndi baana bino , mo nani ndi bobengai we ? Na boobo bokoika bo mine basambesi . ²⁸ Ama, booni mótó wééngame na kon'ngeya mo lumba ya mótó wa chékamba na kobaka bésima bandé, buwa ko kanda we bósó ²⁹ M'mba wookokola kobaka mo lumba si. ³⁰ Owá wabuwa asima-amo nane noo, ówá uto osonganesa nane wo obalanganesai. ³¹ o boobo naenake nabe: kobeya koose na kosenda bésima ba Mokonga békámésélékai ko báto, ndi kota kobeya ká mosombo itékáméséléki andé ³² Owá woose wékenea Mana Moto kobéya, wékamesekai mo; ndi owá wékáenea mosombo-osaali, witékameseleki andé mo chémo si cheno ango mo chémo cha maili. ³³ Ama koena mbe katé si kano kephoe, ama koena mbe katé kébéye ambé kauma kandé kébéye; bondiya katé kó-koébékamangai mó tóuma tandé. ³⁴ Iboti ya njoka, chéi chééngame mbe weene maondi masaali, na kólóla si kóno kika nabe? Bondiya mbe máa mika kó motema moi mó kó ómókángá mó kana. ³⁵ Mótó mosaali waomola besima bésááli mó m'mbiso yandé, na mótó wa béya wo ko omolai bésima ba béya mó m'mbiso yandé. ³⁶ Naenake mabe: mo bótú ya liataki, bátó békaomolai maondi moose ma beya-beya si ma maenanga bo. ³⁷ Bondiya ko maoki mabe, wékaébésélékai, na ko maoki mabe wéka-kandékai. ³⁸ Eké bamo n'kati ya baandiki na ba Falisayo na kobunda loóki, na koena: mokota, tokukai komona mékambo yabe ya limualesi . ³⁹ We na kosumboléa bo: ono nolomba ya béléngi na malemba boombake limualési ; y'okoésélekai buande éphe limualesi koskolo éya ya motondoli Yona. ⁴⁰ Bondiya mbe Yona walamangai n'su istao botu na lóoba n'kati ya mésolo ya mfé ya emá, boóbo kaé Mana Moto w'okoika kai n'su isato na botu na loóba n'kati ya n'seke. ⁴¹ Bato ba Niniwe béka-imanai, botu ya liataki ya n'tungéo, asima-amo na bolomba si ono, bondiya mbe ba kalanganyangai mo komangola ka Yona; na mona, aabono owa wika welongeye Yona. ⁴² Mokala mokota ya Lochwela wékaimonai, mo liataki, asima-omo na bolomba si ono na kobukéa yo moólolo yandé, bondiya y'okiyai ko mako nóose ma n'seke mo kom'ngba weli ya Salomono, na mona, aabono iká na mótó wélongeye Salomono. ⁴³ Aabowá mósómbó ya béya y'óótóká ka mótó, y'okiyai mo beikaneo ba béliba, kophana kóómona, na itemone andé. ⁴⁴ We na koéna mbe, no osumbokai mo lumba yane kowa kétóke noo, éké na kosangéla lumbà buwa chésima akati, ambé yaisélékke mpémba na koayéka. ⁴⁵ Wé nakiya, na kotomba éphe mésombo mochomendi ya kolola kolongeya we: bo nakon'ngeya mo lumba, na kochumana, n'kasa ya moto si oyo yaikangai ya beya kolongeya owa wa boso, y'okoika-kai boobo m'mba mo bolomba si oono. ⁴⁶ Bowa Mbali waemanga koena ephe na ibamba ya bato, mona nina bana ba nina baikangai koanja, ambe boophana koéna nandé: ⁴⁷ Moto omo na koena nadé: Mana nchoko na bana ba nchoko bika koanja, beeme koena nabe. ⁴⁸ Ndi Mbali na kosumboléa owá wile koena nandé: nani im'ma, na ba nani bika bana ba m'ma? ⁴⁹ Eke, we na kotungekea baeki bandé kaako, na koena: mona nina wane na bana ba m'ma. ⁵⁰ Bondia, owa oota koema ka Tata uka kio, oóyoi mana m'ma, motambu na m'ma.