¹ mon'nyanga sieya , mokota Elode , waam'ngbanga mesao ya Mbali , waena na bato bande ba n'kasi : ukai Yoani mon'nyi ! ² waimokake ko bakpi , ke mobooboi ota maondi makosangalesa . ³ bondia Elode , wei wakandanga Yoani , wakandai we ke waingesawe o moololo , bondia Elodias mokaala Pilipo nduku yande , ⁴ bondia Yoani weenangai nande mbe : uteenngame abe nakoika na amoli siowa mo isongi , ⁵ waemangai koiya we, n'ndi , watinangai ibamba ya bato bondia bamonangai we Yoani mba molondoi . ⁶ ke , aabowa balengeaya chemo cha koboteka ka Elode , moseka ya Elodias na kosambowa n'kati kati ya ikeka , ke naolengesa Elode , ⁷ mo boobo waombanga we na tele mokoesawe eya yokomba we . ⁸ mo maiyeli ma nina , we nakoena : esa noo abono , mo loongo , mochwe ya Yoani moini . ⁹ mokota na kon'ngba chombo ; n'ndi , bondi tele na n'kita weesa isosa mbele baese we , ¹⁰ kewe na otoma moto omo wabuke mochwe ya Yoani o moololo . ¹¹ mochwe ande mokobileka mo longo ke na koeseka moseka , we naobiya yo ka nina . ¹² baeki ba Yoani na kula kobiya cheliyo , ke naoleka cho . kebo nakiya koebesa Mbali , ¹³ mo mesao sieyo , Mbali nakotoka aowo n'kati ya waato , nakiya kpaaya n'kati mo obandja ya ibunge ; ke ibamba ya bato, na omona we , komoka ko motanga ke bo nakonda we na mao. ¹⁴ aabowa akimeyanga we ase mo waato, we naomona ibamba ya bato , ke we na koiya na chombo , ke we nakoondesa bato ba n'so . ¹⁵ n'nyanga ya iyo baeki na o kobakameya we ke baena : isima si eno ikai ibunge ke n'nyanga yaetake sumbola ibamba ya bato , mbe baye kometanga ya angoa angoa , bondia baowe melili . ¹⁶ Mbali nakosumboleya bo : bawaande na n'kasa yakiya ; anemine esai bo meleli . ¹⁷ ke bo nakoena nande : tika abono na toomoma to tano na n'fe ibe . ¹⁸ ke we nakoena : ulei noo nayo . ¹⁹ we nakoikanesa ibamba ya bato mo maangala , kobiya toomoma to tano na n'fe ibe , ke we na oyayowa maiso kiyo , na kosumbola kelakele , ke , we na kobuka kaomoma na koesa baeki , mbele ba banye mo ibamba ya bato . ²⁰ bato boose na koowa ke nakoikota , ke na obiya meeo ikomi na ibe sieya yaiyanga na maulu si ma masiyanga . ²¹ baa banganga baikangai aiye iye baome elefu itano , bua kobanda bamokali na baana . ²² maili na awo , waena mene na baeki mo kokimeya n'kati ya waato bakale okonge yaibe , booso yande n'nyanga siowa asumbokanga ibamba ya bato . ²³ aabowa esumbolewe bo , we nakolinya kiyo na mokondi , na kosombola kaowa ; ke iyo koengama , waikangai aowo wemone . ²⁴ waato , n'kati kati ya iyaba , n'ngumba na konyengesa waato ; bondia mophopho yaalangai m'mbalu yoose . ²⁵ mo n;nyanga ya ina mo kocha ka botu , Mbali na konda bo , na koenda kiyo na iyaba . ²⁶ aabowa baeki bamonanga we koenda kiyo na iyaba , bo na kotekateka , ke baena : ikai ikiyo ! ke n'kati ya boowa, bo na koakayakaya . ²⁷ Mbali na koena nabo : ikai na kowakowa , ikai noo , bauwai kotina ! ²⁸ Petele na kosumbolea we : Mokolo aikamba ikai owe akoleya noo nile kowa ika owe kiyo na maele . ²⁹ ke waena : waa ! Petele na koomoka n'kati ya waato , ke na koenda kiyo na maale mo kiya koa ika Mbali . ³⁰ n'ndi komona kaphepheli , we nakon'ngba bowa ; ke waandja koimba , we na kowakaya : Mokolo, ondesa noo ! ³¹ mo n'yanga sieyo emo , Mbali na konanolea we kaako , na ubunda we , ke waena nande : moto ya kowakowa ka angowa , mo chei kobota mobe na maili ? ³² ke bo na kolinya n'kati ya waato ke kaphepheli na otunga . ³³ baa baikanga n'kati ya waato na kula kolubeya maangulu booso ya Mbali , ke baena : ukai liti maana Mokonga . ³⁴ maili ya kokala iyaba , bo na kiya n'kati ya motanga Genazalete . ³⁵ bato baa boikaneyo sieyo , bo na koeba Mbali , na otoma batomeki n'kati ya metanga sieya aikanga baka baka na aowo , ke bo na kuleya we na bato ba n'so . ³⁶ bo na kobondja bondja we m'mbe waakoleye bo lika kobunda iphaphu ya n'tulu yande . ke boose si baa babundanga we baondangai .