¹ A ika m’mba moto omo, maila yande ko lapa m’mba temwe, okola ko beya mo ko iseka eeya ya monanga we m’mba eeya eti we, wo o ko seya na ko beya kande. ² A ika m’mba moto, bowa ko eba, wa bunda tchesima tchemo tcha beya, m’mba tcheliyo tcha n’nyama ya kogba n’nyamafu, m’mba nyama ya okonda ango ya motanga, ango tchelande, wo koikai omune ko beya, eke okoika omune moheyi. ³ A ika m’mba, ombe uteli, wa bunda tchesima tcha n’nyamafu, m’mba moto tcha munakato, eke waya ko eba maili, wo ko siya ike bande moto wa ko kandeka. ⁴ A ika m’mba moto mo ko ena ka boseke, wa lapa m’mbe o kotai ko beya ama ko phowa, eke m’mba uta ebanga bande boso, eke wa ko eba maili, osiya moto wa ko kandeka. ⁵ Moto si owa o kota maondi si maamo, wengame na kowa-kowa ko beya kande. ⁶ Eke, wo ko omolai sadaka ya ko beya kande kowa ka Mokolo, mo ko beya kowa katanga we, n’nyama ya moengame mokoko ango mboli mo ko meseleka ko beya kande. Ena moomoli wa mafaefi okutai bondiya ya moto si ooyo ko sombolea we mbe ko beya katoke. ⁷ A ika m’mba obowa na n’nyanga ama mwaye ya koosa mokoko ango mboli, wo ko omolai sadaka ya makosa mande ka Mokolo bondia ko beya kande ba yoosa babe ango bana ba n’ndjiwa ibe, emo mo ko omba ko meseleka, eko owa ophe m’mba sadaka. ⁸ Wo kiyai nayo kowa ka moomoli wa mafaefi, owa o komola yo boso m’mba lifaefi ya ko omba limeseli ya ko toesa ko beya. Moomoli wa mafaefi o ko kandowai motchwe na ondja, baka-baka na kagba, n’ndi buwa ko ekanesa yo ; ⁹ okatai obalu omo ya mesa mo kiya ya n’nyama eeya ya ko ombeya ko ekeleka ka ko beya, eke mokiya owa atiake yo ko itekai ko mao ma mesa wa masomboli yo ko ikai sadaka ya ko bondja bondja mo ko ekeleka ko beya. ¹⁰ Wo kotai na kaa kaoni kaphe sadaka, ko ondeya bowa eengame. Mo booboi moomoli wa mafaefi wo katai bondia moto ko ekeleka ko beya kaa katanga we ena ko ko ekelekai. ¹¹ A ika m’mba uteike na beeya ba ko owa tooni tobe ango bana ba n’ndjiwa babe, mbe ko beya kande ka ekeleke, wo ko omola nsu omo kiyo na ikomo ka kande matunda ma farini, m’mba sadaka wa ko bondja-bondja ko meseleka ka ko beya, n’ndi eteengame bande na ko iteya makula kiyo nayo, ango iteengame koileya ubani bondia ikai sadaka ya ko bondja-bondja ko ekeleka ka ko beya. ¹² Wo kiyai ko esa moomoli wa mafafefi, eke moomoli wa mafaefi wo ko toesai kambu ka kolo-kolo m’mba n’nembe, ena we ka lekanesai kiyo na mesa wa masomboli, m’mba ba sadaka ba ko lekanesa ka ko beya. ¹³ Mo booboi, moomoli wa mafaefi okatai bondia moto si oyo ko ekeleka ka ko beya baa katanga we mo maondi si maa manekake boso, eke ko beya kande ko ko ekelekai. ¹⁴ Mokolo na ebesa Mose eke wa ena mbe : ¹⁵ "A ika m’mba moto omo wata ilemba eke wata ko beya bowa ko eba mo besima ba lifeleka ba Mokolo, wo ko omolai sadaka wa ko beya kande kowa ka Mokolo bondia ko beya kande, moome ya mokoko owa obuwa na kilema ango tchemo, owa o ko biya we kae ya ikula ya n’nyama ko ondesana na koema kande mo oketi ya beya, ea bowa ika oketi boikaneyo ya masomboli. ¹⁶ Wo ko esai, na ko yongesa botuku omo kiya na itano, bowa eengama yo na kooleka tchesima si ena bowa etoesee we mo boikaneyo ya masomboli, ena o ko esai yo kowa ka moomoli wa mafaefi. Ena moomoli wa mafaefi wokatai bondia ko meseleka ka ko beya wa omola moome ya mokoko owa wa omokake m’mba sadaka bondia ko beya eke ko ko ekelekeya we. ¹⁷ A ika m’mba moto wata ko beya, mbe uteli, mo tchemo tcha maondi si mano ma enekake mo ba angile ba Mokolo, maondi maa miteengame na koteleka, wo koikai mobeya eke wo koikai na ko beya kande. ¹⁸ O ko omoesai moomoli wa mafaefi sadaka ya ko beya, moome ya mokoko owa obuwa na kilema ango tchemo, owa wa bilekake mo ikula, maili ya maennyeli mabe. Ena moome wa masomboli okatai bondia yande ko ekeleka ka ko beya kaa ko beya si kaa katanga we, ombe witeli, eke ko beya si ko koekelekeya kae we. ¹⁹ Ikai sadaka wa ko beya. Moto si ooyo wa tangai ko beya ka Mokolo".