¹ Mokolo wa ena na Mose mbe : ² "A ika mbe moto wta ko beya eke wat eya iteeme Mokolo, mo ko ena olanga ka kamuna kande bondia ko iseka tchesima, ko iseka tchesima tchesima tcha ko ibeka ama tcha kolomowa tchoo, ³ ko lingowa mbe utemone tchesima tcheya tcho phaneka, m’mba ko ena olanga bondia tchesima tchemo tcheya tchengame naisa moto mo ko beya. ⁴ A ika m’mba wata ko beya si kooko, wo koika moto wa beya, wo ko simbolai tchesima tcheya tcha esanga moto wa esa owe weisekeye we tchesima tcha limenanga tcheya tcha monekake. ⁵ Olanga, ephoei wa simbole tchoose ena wa yongesa emo kiyo na itano eke wa sombola tcho kowa ka mokolo, mo bosu si oowa o ko omola owe sadaka bondia ko beya kete owe. ⁶ Wo ko moesa tchoo ka moomoli wa mafaefi m’mba sadaka wa ko beya kowa katanga owe kowa ka Mokolo bondia ko beya ko omola moome ya mokolo owa obuwa na kilema ango tchemo, owa abileke mo lopango, ikula ya n’nyama, mo bowa eengame. ⁷ Eke moomoli wa mafaefi okota bondia yande sadaka ya ko bondja bondjeke ko beya si ka ekeleka, ango aika oni boikneli". ⁸ Mokolo na ko ena na Mose mbe : A esa bana ba Aarona eke bana bande na ko ena : "Monai angile wa ko omola mafaefi sadaka wo ko siya mo n’kuka ya mesa ya masombo botu-o-tondo, ena mepndu, eke kaya ko kotobokai kiyo na mesa ya masomboli, ⁹ Alona na bana bande bokoangi eeya yoosiya mo lifaefi ; bokoangi yo buwa levile, mo asima ya phfenena, mo boikaneyo ya lumba ya ilonga. ¹⁰ Moomoli wa mafaefi wo ko batai nkandjo yande eke wo kota kai n’ntulu ya kose kiyo na mobe yande, wo ko toesa moobo a kaya kiyo ka lekanesanga sadaka kiyo na mesa wa masomboli eke wo kotai we kiyo na mesa wa masomboli. ¹¹ Eke wo ko toesai n’ntulu yende eke wa bata ophe mo kobiya mooto gbaaya na motanga, mo asima asaali. ¹² Kaya ko koakanai kiyo na mesa wa masomboli eke kito kolima bande ango kambu ; kila mpendu, moomoli wa masomboli wo koakanesai mesandu eke wata sadaka kiyo na kaya eke wa lekanesa maila ma sadaka wa ko lombesa Mokonga. ¹³ Kaya ko ko akanai nyanga yoose kiyo na mesa wa masomboli ; eke kitekalimi bande ango kambu. ¹⁴ Monai angile wa sadaka. Bana ba Aarona bekaesai yo boso ya Mokolo, boso ya mesa wa masomboli. ¹⁵ Moomoli wa mafaefi wo o ko biyai kambu ka tcha-tcha ya farine ya matinda ena makuta, ena obani woose eke yateleka mo sadaka, eke wa lekanesa yo kiyo na mesa wa masomboli m’mba n’nembe ya iyesi esaali boso ya Mokolo. ¹⁶ Aarona na bana bande beka angai meleli eya yo ko seya ase mo ba sadaka ; beka angai mokati owa ya ko kanga ko teleka moto, asima omo aphenena, mo mo okeyo ya lumba ya ema ya ko buka maondi. ¹⁷ Bite kakalangi bande yo na mote ya kouwesa mekati. Ikai eya ya esanga noo bo n’nkati ya ba mafaefi mane ba lekanesanga noo mokaya. Ikai tchesima tcha phenena iboka, m’mba sadaka owa wa ko engama ko towesa ko beya ena m’mba sadaka ya ko eba ko beya ka moto. ¹⁸ Bana baome boose ba iboti ya Aarona beka angai yo. Ikai angile wa nsu na nsu bondiya iboti yabo yoose, moisina na sadaka wa ko lekanesa mo kaya boso ya mesa wa masomboli, woose owa wo ko bunda yo o ko phenena. ¹⁹ Mokolo na ko ebesa Mose eke wa ena mbe : ²⁰ "Monai lifaefi eya Aarona na bana bande bo kotai boso wa mesa wa mafaefi, bosu si owa bo ko tombai ko lipheleka, omo ya ikomi ya matinda ma bunga ya nkeke, m’mba sadaka ya nsu na nsu, botuku omo na mpendu, botuku ophe na iyoo. ²¹ Be ka endjekai iyo yo mo n’nyongo ya ko sengeya na makuta, ena bo ko esai bilasi ba ko kalanga ; wo ko esakai yo ambe ya obake ambe ika matuku m’mba sadaka mosaali na iyesi ka Mokolo. ²² Moomoli wa mafaefi n’nkati ya bana ba Aarona wa koikai na ko lipheleka mbe wapeme we, wo ko takai sadaka si ooyo. Ikai angile wa nsu na nsu booso ya Mokolo ; yo ko lekanai yoose. ²³ Sadaka woose owa wo ko teleka na moomoli wa mafaefi wo ko lekanesekai woose ; wo tokoleleka kae ango kambu". ²⁴ Mokolo na ko ena na Mose we na ko ena mbe : ²⁵ "Ena na Aarona ena bana bande, ena mbe :Mona angile wa sadaka wa ko omba tchombo bondiya ko ebya. N’ndi n’nkati ya bo ikaneyo owa bo ko bukanga makoti ma n’nyama ya sadaka n’ndi bo ko bukai boso ya Mokolo n’nyama si eeyo, m’mba sadaka wa tchembo, ikai tchesima tcha phenena iboka". ²⁶ Moomoli wa mafaefi owa wo ko omola n’nyama ya ko bondja bondja wo ko angai yo ; yo kolelekai mo bo ikaneyo aphenena, mo mo okeyo ya limba ya ema eyo bo ko bukanga maondi. ²⁷ Moto woose owa wo ko bunda yo wo ko phenenai. A ika m’mba yo ko omoka yo ko soolekai,mo boikaneyo aphenena. ²⁸ Mo tcheseya tcha nseke tcheya bo ko tekeya tcho, tcho ko munekai, aika n’nkati ya maale. ²⁹ Bana baome boose n'kati ya bangoli bokoangi yo : Iki thesima tcha phfenena iboka. ³⁰ N'ndi bitokoanga ande eeya yeeselekake m'mba lifaefi mo kokpa mo koesa makiya mo lumba ya ilonga, yeengame na ko lekana mo kaya.