¹ Mokolo na ko ena na Mose eke we mbe : ² « Ena na bana ba-Isalaele, ebesa bo :A ika m’mba moto omo wata ko beya noosi, mo komana angile wa Mokolo, mokota maondi miteengame na koleka . ³ A ika watake ikai moomoli wa mafaefi, owa weteleka kaa ko, wei watake kobeya eke bondia ko beya kande okita yoose anngeyake mo ko beya, wengame natolea sadaka ka Mokolo, bondia ko beya kande, ko omola maana wa ngombe omo, owa obuwa na kilema ango tchemo, mbe ko beya kande kameseleke. ⁴ Wo kiya na ngombesi mo bongeleo ya molango ya lumba ya ema ya kondjeleke ya maondi, boso ya Mokolo, eke wata kaboko kande kiyo na motchwe ya ngombe eke wa tchindja yo boso ya Mokolo. ⁵ Moomoli wa mafaefi owa weteke kaako wo ko bundai makiya ma ngombe eke waya namo n’nkati ya lumba ya ema ya ko endjeka maondi. ⁶ Wo ko n’nyai monyo yande n’nkati ya makiya eke wa iteya mo mala motchomoendi boso ya atale, boso ya atale, boso ya n’ntulu ya bosomboleo. ⁷ Moomoli wa mafaefi o kotu makiya kio na iseke ya mesa wa masomboli na malasi ma iyesi ya buwa, eya ika boso ya Mokolo n’nkati ya lumba ya ema ya ko endjeka maondi ; eke wa iteya makiya ma ngombe kose ya bosomboleo owa ika mo molango ya lumba ya koendjeka maondi. ⁸ Wo ko toesai maila ma ngombe eya ya ko eseleka bondia sadaka ya ko beya ka bato, maila si maa mekombe mesolo-solo ena maa mebakane na menuku. ⁹ Touma tobe ta moongo, ena maila maa mekambe menuku ya mbele, kulinga mao ma boso ena mo maa ma maili ena besu, eke wa toesa beya bika baka baka na touma ta moongo. ¹⁰ Moomoli wa mafaefi wo ko toesai menuku bowa bo ko toesanga ya ngombe, mo ba sadaka ba ko omba mameseli eke wa lekanesa kiyo na mesa wa masomboli owa bo ko omolanga mafaefi. ¹¹ Okoba ya ngombe, menuku yoose, bena motchwe yande, mao mande, mesolo yoose ena tobi toose. ¹² Ngombe yoose, okiya nayo kondja ya motanga, mo boikaneo omo osaali, abowa bo kombolanga moto yolekanesa n’nyama. ¹³ A ika m’mba tchese tcha Isalaele tchoose ii yalake ko beya naosi eke be biteebe, moko ko beya mo angile omo wa Mokolo, mo besima si bitengame na koteleka ena na bo ko timboka batu ba beya, ¹⁴ Ena ko beya kowa katanga ka monekake, n’ntuka yo ko omolai maana ya ngombe m’mba sadaka ya ko omba mameseli, ena bo kiya nande boso ya lumba ya ema eya yo ko telekanga maondi. ¹⁵ Bakolo bato ba-Isalaele bokotai maako kiyo na motchwe ya ngombe boso ya Mokolo, ena bo koiyai ngombe boso ya Mokolo. ¹⁶ Moomoli wa mafaefi baa ba telekanga maako ko motchwe wo kulai na mo kiya ya ngombe n’nkati ya lumba eya ya ko endjeka maondi ; ¹⁷ Wo ko n’ngesai monywe n’nkati ya mokiya eke wa ileya yo mala motchomoendi boso ya Mokolo, boso ya n’ntulu. ¹⁸ Wo kotai mokiya kiyo na iseke ya mesa bosomboleyo mo lumba ya ema ya ko endjeka maondi, ¹⁹ Wo ko toesai maila na ngombe eke wa lekanesa mo kiyo na mesa. ²⁰ Wo kotai na ngombe si eeyo m’mba eya ngombe ya ko lipa ko beya ikakai boobo. Mo boobo ke moomoli wa mafaefi o ko teleya bo mo ko ekelekeya ko beya, eke bo ko mesekai ko beya kabo. ²¹ Wo ko biyai ngombe gbaaya na motanga eke wa lekanesa yo m’mba ngombe ya boso. Ikai lifaefi ya ko omba limeseli ya ko beya kaa katanga okita. ²² A ika m’mba mokota ii wate ko beya, mokota ko beya na oosi, boso ya Mokolo, Mokonga Ise Wito, kota ko beya kowa kite-engame na ko teleka eke we wa timboka mobeii, ²³ eke maili wa eba ko beya katanga, kota sadaka ya moome ya mboli eya yo buwa na kilema ango tcheme. ²⁴ Wo ko itchai kaboko kande kiyo na motchwe ya mboli amoome eya o ko buka yo ikoti m’mba asada boso ya Mokolo. Ikai sadaka ya koomba limeseli ya ko beya. ²⁵ Moomoli wa mafaefi o ko biya na mon’nywe ande makiya ma n’nyama si eeyo yao mokanga ko beya eke wa isela mo iseke ya mesa masomboli eke wa isela mokiya ko mao ma mesa wa masomboli m’mba sadaka. ²⁶ O ko lekanesai maila moose kiyo na mesa wa masomboli, m’mba maila makomola m’mba sadaka wa ko toesa ko beya, eke ko beya ka ekeleka. ²⁷ A ika m’mba moto omo wa okita wei watake ko beya na osi, mo komuna omo wa angile wa Mokolo, kota besima si beya betengame na koteleka, eke we na ko moneka moto wa beya, ²⁸ eke we na eba m’mba wotei ko beya o ko omolai sadaka (lifaefi) ya mboli emo ya amokali eya yo buwa na kilema ango tchemo, bondiya ko beya kowa katanga we. ²⁹ Wo kotai kaboko kande kiyo na motchwe ya n’nyama si beyo, eke wabuka ikoti yayo mo boikaneyo owa bo ko bukanga ya makoti m’mba sadaka. ³⁰ Moomoli wa mafaefi o ko biya mokiya na mo n’nywe yande eke wa isela yo kiyo na maseke ma mesa wa ba sadaka, ena wo ko iteyai makiya moose ko mao ma mesa wa masomboli. ³¹ Moomoli wa mafaefi maila, bowa o ko toesanga maila ma sadaka wa ko omba Mokonga tchombo, ena o ko lekanesai mo kiyo ma mesa wa ko sombolea, ena o ko esai o opho osaali ka Mokolo. Mo boobo n’ndi moomoli wa mafaefi o ko tai na moto omo motchombo eke ba meselea. ³² A ika m’mba wa omola lifaefi ya maana wa mokoko ya ko omba tchombo, wo ko esai maana amokali, owa ubuwa na kilema. ³³ O ko tai kaboko kande kiyo na motchwe ya n’nyama si eeyo, bo ikaneyo owa bo ko iyanga n’nyama ya sadaka. ³⁴ Moomoli wa mafaefi o ko biya makiya na mon’nywe eke watamo mo iseke ya mesa wa masomboli eke wa iteya yo ko mao ma mesa wa masomboli. ³⁵ Moomoli wa masomboli o ko toesai maila, bowa o ko toesanga maila ma maana wa mokoko, mo sadaka wa ko eya-eya tchombo tcha Mokolo, eke wa lekanesa mo kiyo na mesa wa mosomboli, m’mba sadaka wa ko lekanesa mo kaya boso na Mokolo. Mo boobo boyi moomoli wa mafaefi okatai bondia moto si ooyo mo ko omba tchembo tcha ko beya kowa katanga we mo booboi ko beya kande ko meselekai.