¹ A ika m’mba moto omo wa omolea Mokolo lifaefi ya ko lombesa we, aika mbe wa esa n’nyama ya ema, moome mba mokali, wa omole eya esaali, ya okanga kilema booso ya Mokolo. ² Wokota kaboko kande kiyo na motchwe ya n’nyama si, wo ko bukai ikoti ma bongeleye ya lumba ya ema ya ko endjeka maondi eke ba omoli ba mafaefi, bana ba Aarona, bo ko balanganesa mokiya kiyo na atale ena kaowa kaowa si. ³ Mo lifaefi, boso ya Mokolo, maila maa mo ko lindekanga mesolosolo ena booso beya bebakame nayo. ⁴ Touma tobe ta mango, ena maila si maa mekombe yo, mosolo opheme, touma ta motema, eya yo kotoka baka na besu ena touma ta moongo. ⁵ Bana ba Aarona beka lekanesangai yo kiyo na atale, kiyo na lifaefi eyo yo ko teleka kiyo na nkomi ya kaya, ikai lifaefi ya ko likanesa mo kaya, eya ika na iyesi esaali ka Mokolo. ⁶ A ika m’mba wa esa n’nyama ya ema amoome m’mba amokali ; m’mba lifaefi ya ko sumbolea Mokolo kelekele, wo ko omolai eya yo buwa na kilema ango tchemo. ⁷ A ika m’mba wa omola sadaka (lifaefi) maana wa mokoko, wo ko moesai we boso wa Mokolo. ⁸ Wa kotai kaboko kande kiyo na motchwe ya n’nyama si eeyo, obukai yo ikoti boso ya lumba ya ema eya maondi mo ko enekange ; eke bana ba Aarona ba iteya makiya ma n’nyama si kiyo na atale ena kaowa woose. ⁹ Mo lifaefi si eeyo ya ko sumbolea Mokolo kelekele, wo ko omolai lifaefi ya ko lekanesa mo kaya boso wa Mokolo : « Maila, mo kiyo itondo owa o ko ekanesai yo na isoli, maila maa mekombe mesolo-solo ena maa mebakame na mesolo ». ¹⁰ Touma ta moongo tobe ena maila maa mekambe menuku ena mosolo ya ema ena besu, eya o ko toesa yo baka na touma ta moongo. ¹¹ Moomoli ya sadaka wa ko lekanesai yo kiyo na atale, ikai moleli ya sadaka wa ko lekanesa na kaya boso ya Mkokolo. ¹² Ikai m’mba lifaefi yande ya ika mboli, wo kiyai na yo boso ya Mokolo. ¹³ Wo ko itcha kaboko kande kiyo na motchwe ya n’nyama si eeyo wo ko bukai ikoti boso ya lumba ya ema abowa maondi mo ko endjelekanga ; ena bana ba Aarona bo ko iteyai mo kiya kiyo na atale ena kaowa kaowa. ¹⁴ Mo n’nyama si eeyo, bo ko omolai m’mba sadaka (lifaefi) ya ko lekanesa mo kaya boso ya Mokolo : « Maila maa mekombe mesolo-solo ena maa mebakame nayo ». ¹⁵ Touma tobe ta moongo, ena na, maila maa mekambe besini ba mao ma boso ena maa ma maili ma n’nyama, ena tchesimi tcheya tcha ema tcha besu, ya ko ekanesa yo na touma ta moongo. ¹⁶ Moomoli wa mafaefi o ko lekanesai yo kiyo na atale. Maila moose mika moleli ya moomoli ya mafaefi m’mba sadaka wa ko lekana mo kaya, eeya ika na iyesi esaali eeya yo koma ena kowa ika Mokolo. ¹⁷ Eenoi ika angile owa wo buwa na ntungeya bondiya maboti mo moose, asima oose owa ekaika bane : « Bete kaangi ango maila, ango mekiya ».