¹ A ika m’mba motu wa omola lifaefi ya tchesima, lifaefi yo ko ikai na matunda ma farini ; eke wa iteya makuta kiyo eke wa lekanesa kae obani (kasoho). ² Waya ko sileya moomoli wa mafaefi, mana Aarona, moomoli wa mafaefi ukobunda kambu ka tchatcha eya ya lekenesanga we, eya ba iteyanga makuta ena ubani eke wa lekanesa kiyo na altele, m’mba n’nembe. Ikai lifaefi ya iyesei esaali kowa ka Mokolo. ³ Eya yo ko siya mo lifaefi si eeyo, yo ko eselekai Aarona na bana bande, ikai bondi osaali n’nkati ya mafaefi moose maa ma ko lekana mokaya boso ya Mokolo. ⁴ A ika m’mba wa omola lifaefi ya tchesima tcheya tcheobe moota, efoe mbe bate yo na matunda ma farine, ena ya ika mokati owa yo ketekeleka buwa kota mote ya kouwesa yo, eya kosenga yo mo ka tcheseya, bata yo m’mba to makando ta ko sengeleka na makuta, eke buwa kota mose ya mekati. ⁵ Aika m'mba lifaefi yabe yaika mokati ya kooba na ngano, yokoiki n'keke ya sakeleka na makuta, ma buwa kaya, mo oophfu ya fowa ka Mokolo. ⁶ Abowa uko buka matuku matuku, efoe kae ko iteya makuta kiyo nayo, eeyo yo ko ika kae lifaefi. ⁷ A ika m’mba lifaefi yabe ya ika mokati ya ko kalangeka, efoe mbe yateleke na matunda mafarine, eeya yo ko iseleka makuta. ⁸ A ika mbe lifaefi ya engamake, efoe ko isa yo koya ka Mokolo. Na besima si beebo, eke ya eseleka ka mooomoli ya mafaefi, owa wo kiya kosiya yo boso wa altale. ⁹ Moomoli wa mafaefi o ko toesa kambu, kaa ko ko siya m’mba n’nembe eke wa lekanesa yo kiyo na atale ; Ika lifaefi esaali ena iyese gafoa ya kiya kowa ka Mokolo. ¹⁰ Eya yo ko siya mo lifaefi, yo ko eselekai Aarona bondiya bana bande ikai tchesima tcha phephenena n’nkati ya mafaefi ma ma ko lekanesa boso ya Mokolo. ¹¹ Lifafi ango emo eya ya ko eseleka Mokolo, iteengame na ko teleka na mote ya ko uwesa mokati ; bondia uta ko lekanesa ango tchemo tcheya tchokoteleka na mote ya ko uwesa mekati ena booki ya mendjondjo, n’nkati ya mafaefi ma ko lekana mo kaya boso ya Mokolo. ¹² We engame na ko omola ka Mokolo m’mba lifaefi bosaa oose ; n’ndi etekateleki bande kiyo na atale m’mba lifaefi ya iyesi esaali. ¹³ Wa iteya moo kiyo na mafaefi mabe, buwa koeka lifaefi yabe ko ika buwa moo, membe ya ilonga na Mokonga, kiyo na mafaefi mabe moose efowei kota noo ? ¹⁴ A ika m’mba wa esa Mokolo lifaefi ya boosa, wa esa ena metuba ya enekeke, ya ko lekanesa ena ko tukunesa, m’mba lifaefi ya boosa. ¹⁵ Wa ileyanga makuta kiyo eke wa itcha kae obani ; ikai lifaefi. ¹⁶ Moomoli wa mafaefi o ka lekanesangai, m’mba n’nembe ya kambu ka metuka ya ko tukunesa ena makula, na obani. Ikai lifaefi ya ko lekanesa mokaya boso ya Mokolo.