¹ Mokolo wa etangai Mose ; mo ka lumba ka ema ka maondi, eke wa ebesa we eke wa ena nande ; ² Ena na bana ba-Isalaele, ebesa bo mbe : « Aika mbo omo n’nkati yito wa omola sadaka ka Mokolo, wo ko omolai n’nyama ye phème ango ya moenga mele. ³ Aika m’mba sadaka (lifaefi) ikai ya n’nyama ya eema, wo ko esai ya amo ome eeya yo buwa na kilema, wo ko esai yo mo bongeleo ya lumba ya kema ya ko endjeka maondi, boso ya Mokolo mbe wa eseleke ngbengbele. ⁴ Wo kotai kaboko kande kiyo na motchwe, mbe ya akoleke na Mokolo, mbe wa meseleke ko beya. ⁵ Wo bukai ikoti ya mosombe ya maana wa ngombe boso ya Mokolo, eke moomoli wa mafaefi, mo ilumba ya Aarona, bo ko esai makiya eke ba iteya mo m’mbalu yoose ya atale owa wika mo bomgeleo ya lumba ya ema ya ko endjeka maondi. ⁶ Wo ko balanganesa sadaka, ena wa buka menuku menuku. ⁷ Bana ba baomoli ba mafaefi ba Aarona bekatai kaya kiyo na atale, eke bekandjekai mesandu kiyo na kaya. ⁸ Babundi ba mafaefi, bana ba Aarona, bo kotai menuku, motchwe na maila, kiyo na mesandu mo kaya kiyo na atale. ⁹ Okasulolai na maale mesolo ya n’nyama ena mao ; motchungi wa mafaefi akale kanesai yoose kiyo na atale ikai lifaefi, sadaka wako lekanesa mo kaya, ya ko omola iyesi esaali ka Mokolo. ¹⁰ Aika m’mba lifaefi yande ya ika ya n’nyama, maana ya mokoho m’mba mobili, wo ko esai ya amoome eya yo buwa na kilema. ¹¹ O ko bukai yo ikoti obalu si owa yo ko keyanga liiso ya botu mo ko moesana na atale, boso ya Mokolo ; ena kiyo na atale, mbalu yoose. ¹² O ko bukai yo matuku matuku eke wa ta yo kiyo na mesandu ya kaya kiyo na alitare. ¹³ 12. O kasololai na maale mesolo ya n’nyama ena mao ; eke mo omoli ya mafaefi wa omola yoose eke wa lekanesa kiyo na altale. Ika sadaka, lifaefi ya ko lekana mokaya, ya oofu osaali ya Mokolo. ¹⁴ A ika m’mba lifaefi ya ko esa Mokolo ya ika ya tooni, o ko esai tafongoleli na bana ba ndjiwa. ¹⁵ Moomoli wa mafaefi wa omola tooni mo altare, wo ko kandowai motchwe na n’ndja, eke, wa lekanesa kiyo na petale eke wa iteya makiya obalu omo ya altale. ¹⁶ O ko toesai n’ndja na maphaphu, buwa ko ekanesa eke moomoli wa mafaefi wo ko lekanesa kaoni kiyo na altale, kiyo na n’nkoni ya kaya, ikai lifaefi, lifaefi ya ko lekanesa mokaya, eya yo ko esa eyesi esaali ya kiya kowa ka Mokolo. ¹⁷ Boko asoasoai maphfaphfu, buwa ko linga mo ; Ke monangoli wa lekanesa kaoni mo mesa, na mesandu sieeya ika na kaya. Iki lifaefi, tchesima tcha ko aba tche lekane na kaya, mo oophfu ya fowa ka Mokolo.