¹ Mokolo na ko ena na Mose :"Ebesa melombiya, bana ba Aroni, weene nabo : ango omo wabo wite n’ngeyangi mo bekobo ba bagbi ba bato, ² sakolo m’mba ya ika mo tchebanda tcha aiye – iye na n’cthoko, so, mana abe, motamba yabe, mana n’tchoko. ³ Ka motamba katuma ka aiye -iye na tchendé, m’mba witesongaleke na moto, weengame ko teleka tchekolo mo isina yandé. ⁴ N’ndi m’mba ka ophe, witetelekangi tchekobo na tchebande tchandé mo ko seyama ⁵ Wa buwa ko beya mepho, wabuwa ko beya n’ndjelu ya makuka ma magbeu mino, bena ba buwa kosaka toteno ko mebe yabo. ⁶ Bo ko iki bapheneni ka Mokonga wabe, bena bito otoande ko beya mo lina Mokonga wabo : Mo liti boi bo ko iseyanga Mokonga wabo moleli yandé, moleli ya Mokonga wabo : Bo beengamei ko ika bapheneni. ⁷ Bitesongangi amokali si owa wika tchetike tcha tchekobo, ama amokali si owa we bengeleke na mome yandé, bondiya Molombiya yetelekai Mokolo wandé. ⁸ Bo oteléyai yo m’mba mopheneni, bondiya wei wo ko esa moleli ya Mokonga wandé. Wo ko ikai mopheneni kowa kandé, bondiya noo niki mopheneni, noo Mokolo – i noo phenensanga bane. ⁹ A ika m’mba moseka ya moto si owa uka molombiya wo n’ngeya boiya mo kota ilemba (ko ika na ilemba, wa n’ngeleya ise boiya) moseka si oowo weengamei ko lelekaneseka. ¹⁰ Molombiya si owa yika mopheme n’nkati ya bana ba nina, we owa wa iselekanga makuta, ko motchwe yandé na ko eseleka looka mo ko bota n’tulu ya bokota, wa buwa ko eka m’ngbé yandé tchititi, bena witeengame andé koasowa n’tulu yandé ; ¹¹ Wa buwa ko bakameya tcheliyo tcha moto ni moto, bena witetangi boiya ka ise ango ka nina. ¹² Wa buwa ko omoka mo bo ikaneyo ya phenena, m’mba witeesangi boiya mo bo ikaneyo ya phenena ya Mokonga wandé ko makuta ma iselekanga we. Noo i Mokolo. ¹³ Woosongai katuma ka amokali. ¹⁴ Utesonangi tchetike, ango amokali wa ko ekeleka na mome yandé waike mokalandé, ango owa we n’ngeye boiya ya kota ilemba ; woobundai lika katuma n’nkati ya bato bandé ambe wa ike mokala andé : ¹⁵ Wa buwa kota boiya mo iboti yandé n’nkati ya okita yandé, bondiya noo i Mokolo owa no ophenensa – bo". ¹⁶ Mokolo na ko ena na Mose, na ko ena nadé : ¹⁷ "Ebesa Aaroni, ena nandé : Abuwa andé na omo wa iboti yabe, wa ika wa eni iboti yoose siteengame andé ko bakameya boeseyo ya lifaefi, moleli ya Mokonga wandé, m’mba waika na tchelema. ¹⁸ Mo isina mbe moto ni moto woose witeengame andé ko bakameya asima ya boeseyo ya boeseyo ya moleli ya Mokonga ambe uka na tchelima, wagba maiso ama looko, moto wa ko ika na tcheenga tcha ko tondana ama tcheya tchaseamake mono, ¹⁹ moto wa ko muneka kao ama kaako, ²⁰ moto wa n’kuka, moto wa oso ya maiso, wa toye ama kaluma, ama ko kanga kosonga. ²¹ Abuwa andé na omo wa iboti ya Aaroni, molombiya, wa ko engama ko bakama mo ko esa moelei ya Mokonga wandé. ²² Owa wo o kokola kowanga moeleli ya Mokonga wandé, besima belipheleke (besima baphenena) liti, na besima baphena, ²³ n’ndi owa witeengame kula aiye – iye na mesa, bena witeengame ko bakameya tcheakala ; we si oyo uka na tchelema, na owa witeengame kota boiya mo bopheneo yane, mo bono mbe nooi Mokolo na phenenesake bane". ²⁴ Eke Mose na ko ena na bana bandé na boose ba ba Isalaele.