¹ Mokonga na ko ena na Mose, na ko ena nandé : ² "Ebesa Aaroni na bana bandé baphenene na besima belipheleke beya bo ko abeleka na bana ba Isalaele mo isina yane, ba buwa ko kambesa bo lilitesi mo linane ya phenena, noo i Mokolo. ³ Ebesa bo :"Moto woose wika wa tcheboti tcheno, wa ika wa tcheni tcheboti, wa ema ko bakameya besima baphenena bo ko eseleka nino ka Mokolo wa ba Isalaele, wa ika mo boyaeli ya boiya, moto si ooyo wo ko ekelekai gbaaya boso wane. Noo i Mokolo. ⁴ Moto woose uka wa iboti ya aaroni, owa wo ko ika na oso ya suli ama okutuka, wito ko wanga andé besima baphenena boso wa ko phenenesa bo. Owa woose si owa wo okukana na tchesima tcheya tchetileke ma boiya na beliyo, owa woose wa ikanga na basombo. ⁵ Owa woose wookukana na n’nyama ya ko landa na kuika m’mba ya boiya, ama moto si owa wo ko n’ngesa boiya yandé omune, ya ika ya oni namuna, ⁶ ango kae owa woose wo okukana na besima belipheleke m’mba beebo, wo o ko ikai moiya bena iyo, benandé uto o kokola andé kowanga besima belipheleke, ko sakolo n’nyanga ya koowesa mobe yand ko maale. ⁷ Looba ya konda wo ophenenai (wo o liphelekai), maili – si wo ko engamai kowanga besima ba phenena, bondiya mbe beebo – i moleli yane. ⁸ Wa buwa ko anga n’nyama ya ko kpa yemine ama eya ya kpake mo tchekamba tcha munakandé n’nyama, wo ko ikesai boiya we omune. Noo i Mokolo. ⁹ Mo boobo balitese ba angile bane, bite tombangi ko beya ; bookpai mo ko jamba ko litesa besima belipheleke ; noo Mokolo si owa noo phenenesa – bo. ¹⁰ Owa woose wa buwa molombiya witeangangi tchesima tchelipheleke ango moeni wa molombiya, ango moto wa mokambo wa ko lipeka, bite angangi tchesima tchelipheleke ; ¹¹ N’ndi a ika mbe molombiya waowa moto na beeya bande, ooyo weengami na kowanga, m’mba bowa owa weboteke mo lumba yandé ; bondiya bo ko angangi moleli yandé omune. ¹² M’mba mana andé amokali ( mana molombiya) wa songelika na moto wa buwa molombiya, maana si ooyo wito ko anga andé besima belipheleke ephe ; ¹³ N’ndi wa ika tchetike ama wa ekeleka na mome yandé ambe wa buwa na maana, wa sumboka ko tchumana mo lumba ya ise bowa wa ikanga mo boseka yandé, aowo wo ko angai moleli ya ise. Abuwa andé na owa wa buwa molombiya we engame ko anga moeleli si ono ; ¹⁴ Moto wa anga tchesima tchelipheleke buwa ko eba, woo sumboleyai iyoli ya tchesima si na ko bubeya obaa ya itano kiyo. ¹⁵ Bo buwa ko phuleya besima beya belipheleke mo beya ba lifaefi ya ko abeleka Mokolo wa bana ba Isalaele. ¹⁶ Bina anga kotabo mbe balipe, bondiya noo i Mokolo owa nelipeye besima si ebo bo ko abeleka. ¹⁷ Mokolo wa ebesa Mose, wa ena nandé : ¹⁸ "Ebesa Aaroni na bana bandé, na baana boose ba Isalaele, weene nabo : Moto woose wa lumba ya ba Isalaele, ango moeni woose owa we tchumane mo Isalele, wo ko aba mafaefi ka Mokolo wandé maike ma ko ema kandé ama m’mba ka n’kasa yandé ya liti, yaika lifaefi ya ko lekanesa boso wa Mokolo, ¹⁹ ambe ya engame ko wa koleka yeengami mbe yaike moome ya ko kanga tchelema n’nkati ya n’ngombe, mekoko ama m’mboli, bondiya mokpeli ayndé ya akoleke. ²⁰ Ba buwa ko aba tchesenge tcha tchilema, bondiya yito ko akoleka andé mo isina ino. ²¹ Moto wa abeya Mokolo lifaefi ya ko kanga lokendi (ya liti) we engami ko meseleka n’kasa yandé beya, na ko aba lifaef yand ya liti, n’ngombe ama mokoko, n’nyama si eyo ambe ya akoleke, ye engamei mbe yite ikangi na tchilema ango tchemo. ²² Eabangi ka Mokolo wino n’nyama yo kokpa maiso, ya tchilema, ya ko bukakeka tchekendja, ya ko ika na tcheola (mpota) ; toye ama maite. Tchekendja (monuku) ya n’nyama si yititelekangi mo asima ya sadaka (mesa wa lifaefi) m’mba moleli ya Mokolo. ²³ Weengame na ko omola lifaefi ya bosaali ya n’ngombe ama mokoko ambe ika na tchemo tcha iyeya ama tcha eya, n’ndi mo ko moeseleka ko beya kabe kito ko akoleka andé. ²⁴ Ba buwa ko abeya Mokolo wino n’nyama ya kouwa mabendo, ya ko pondeka mabendo, ko kutoka mabendo ama n’nyama ya ko bukeka mabendo. Betangi boobo n’nkati ya tchese, tchino ; ²⁵ Bena betombangi tchesima m’mba tcheno ko maako ma moeni wino, waaba tcho m’mba moleli ya Mbali wino. Bondiya boyaeli ya boobo iki tchilema, na n’nyama ya booo yito akoleka andé mo isina ino. ²⁶ Mokolo wa ebesa Mose, wa ena nandé : ²⁷ "Maana wa n’ngombe, wa mokoko ama wa m’mboli, mo ko boteka kandé wo ko ikai na nina n’su motchomoendi. N’ndi mo n’su tchenana na kiyo na aowo yo ko akolekai m’mba moleli ya ko abeya Mokolo. ²⁸ N’ngombe ama mokoko babuwa kodjindja yo botu omo asima amo na mana andé. ²⁹ Baa beya Mokolo lifaefi ya ko sumboleya we kele – kélé, abai – yo bosaali ambe ya akoleke : ³⁰ "Yooleleki botu si owo omo, buwa kotuna tchesima bbena m’mpendu. Nooi Mokolo. ³¹ Litesai ba angile bane na ko ondeya bo. Nooi Mokolo. ³² Ba buwa ko phenda liina yane yephenene (ye lipheleke), ³³ noo netoesei (neomolai) bane n’nkati ya tchese tcha Bamisli, ambe neike Mokonga wino, nooi Mokolo ;