¹ Mokolo wa kose na kiyo na ko ena na Mose mbe : ² "Mona angile owa wo ko ika bondia ya bato baa bika na osso ya suli, bondia botu ya ko phenena bokiya nande boso ya moomoli wa mafaefi. ³ Moomoli wa mafaefi wo ko omokai mo boikaneyo ya bato si, eke we na ko mona moto si. A ika m’mba moto wa oso ya suli wa ondake, na mpota ya suli, ⁴ moomoli wa mafaefi o ko enai mbe babunde, bondiya owa we engame na ko phenena, tooni tobe ta ko enda, na tosaali, nkoni ya kate ka moba na tephe tote tosaali. ⁵ Moomoli wa mafaefi wo ko ena mbe babuke kaoni tcha ibomba, tcheya tchika na maale masaali. ⁶ Wo ko bundai kaoni ka ko enda, nkoni ya moba na ephe esaali ; eke wa n’nya yo ko maale, na kaoni si kaa ka ko enda, bangesa ko n’nkati ya makiya, makiya ma kaoni si kaa kebuke ikoti, n’nkati ya maale mafowa. ⁷ Wo ko iteya ii moto wa suli male motchomoendi. Maili ya oowo eke moto si wa eteka mo pheneni eke baeka kaoni si kaa ka ko enda mbe kamboke mo iba. ⁸ Moto owa bo ko phenenasa we, wo ko soolai ntulu yande, wo ko beyai mpuu, eke wa owa na maale, eke we na ko phenena. Maili na aowo, wa engama na ko n’ngeya mo boikaneyo ya bato ba osso si. N’ndi wo ko ikai koandja na boikaneyo muda ya nsu motchomoendi. ⁹ A engama nsu motchomoendi eke we na ko beya mpuu ya mobe yande, bena motchwe yande, na ndjelu, ena nkiyo. O ko beyai mpuu yoose, wo ko vulau ntulu yande yoose, eke wa ngeya ko maale, eke wa ebekana mbe wa fenenake. Wa ikake mosaali. ¹⁰ Mo oso ya tchenana, wabunde baana babe ba mekoko, baa babuwa na kelema ango tchemo na moko omo ya amokali wa mwaka (tchemo) tchemo, owa obuwa na kilema ango tchemo, na nsu ya beeya ya nkeke m’mba sadaka wa konngeya ko makuta. ¹¹ Moomoli wa mafaefi owa okota ko phenensa wo ko imetchai moto wa oso, na besima si beya boose ba enekake, baya na bo boso ya Mokolo, boso ya lumba ya masomboli. ¹² Moomoli wa mafaefi wo ko bundesai maana ya mokoko, wa omola yo m’mba sadaka ya ko ombeya ko beya katoke na makuta na keya na bo boso ya Mokolo wa kos na kiyo. ¹³ O ko bukai ikoti ya maana ya mokoko, mo boikaneyo si oowa bo ko iyanga n’nyama ya ko eya – eya na eeya yo ko lekanesanga yo, mo boikaneyo ya fenena, bondiya, n’nkati ya ba sadaka ba ko eya – eya bondiya ko beya mobeyi wo ko ikai tchesima tcha phenena. ¹⁴ Moomoli wa mafaefi wo kulai na mukuya ma n »nyama, eke wa isela mokiya si, moitu ya ilome ya moto si oowa beeme me wa fenene, ba isela kae ko monywe ya ema ya kaboko ka ilome, ena ko monywe ya ema ya kao ka ilome. ¹⁵ Moomoli wa mafaefi wo ko bundesa kakole ka makuta eke wa iteya mo makaako ka ikali. ¹⁶ Mooli wa maafefi wo ko n’nyai monwe kako ka ilome n’nkati ya makuta, waiteya makuta si male motchomoendi boso ya Mokolo. ¹⁷ Kambu ka makuta si kaa kooseya, eke waisela motu ya ilome, ya moto si oowa wa oso, ko monywe ya kaako ka ilome ena ko monywe ya kao ka ilome na mokiya ya n’nyama si eeya yoose yo ko gba mondiya ko fenenesa moto wa suli. ¹⁸ Moomoli wa mafaefi wokotai kamba ka makuta si maa masiake mo kaako kande eke wa isela mo ko motchwe ya moto si owa weeme ko phenena eke wa teleya we masomboli ma ko toesa ko beya kando boso ya Mokolo. ¹⁹ Maili si moomoli wa mafaefi o ko omolai lifaefi (sadaka) wa ko omba kotoesa ko beya eke wokotai lifaefi mo ko toesa balolo yoose. ²⁰ Maili eke wa lekanesa lifaefi ya n’nyama mokaya boso wa mesa wa masomboli, wo ko somboleyai moto si owa wa oso, eke wa phenena. ²¹ A ika m’mba wikai kauwe, wo ko iyai maana omolika wa mokoko, owa wo ko teleka m’mba lifaefi ya ko toesa ko beya. A linga batchutcha we mbalu yoose ya ilome ena ya ikali. Bo ko somboleyai, eke wa omola botuku omo kiyo na ikomi ya bunga ya nkeko eeya yo ko telekanga mekati (farine) eke kambu ka makuta ba isela w ko mobe. ²² Wo ko omolakayi bayaosa babe, na bana ba ndjiwa babe, mo bowa eengame nande kota, emo bondiya ko omba ko toesa kobeya, eke efe m’mba sadaka wa ko lekanesa mo kaya. ²³ Maili ya nsu tchenana, eke we waya ko sileya moomoli wa mafaefi besima si beebo boose m’mba sadaka ya ko fenenesa mobe yande, baya koteleka ko molango ya lumba ya masomboli, boso ya Mokolo ! ²⁴ Moomoli wa mafaefi eke we na ko esa mmama wa mokoko owa bo ko omola we m’mba lifaefi ya ko toesa ko beya, ena tchoongo tcha makuta we na ko n’nyengesa tcho mbalu yoose boso ya Mokolo. ²⁵ O ko bukai ikoti ya maana wa mokoko m’mba lifaefi (sadaka) wa kuebeka ko beya katangha we. Moomoli wa mafaefi wo ko biyai mokiya ya n’nyama, eke wa isela yo mo okoba ya itu ya ilome ya moto si owa weeme ko fenena wa isela kae mokiya si mo monye a ema ya kaako ka ilome ena wa isela kae ko monywe ya eema ya kao ka ilome. ²⁶ Moomoli wa mafaefi o ko iteya kai makuta mo n’nkati ya kaboko kande ka ikali. ²⁷ Moomoli wa mafaefi, wo ko banganesa makiya na monyo yande ya kaboko ka ilome mala motchomoendi, makuta maa mika mo kaako kande ka ikali boso ya Mokolo ; ²⁸ Moomoli wa mafaefi wo ko iselea makuta maa mika mo kaboko kande, eke wasela mo mo itu ya ilome ya moto si owa we engame na ko fenena kiyo na monyo ya kaako kande ka ilome, wa isela kae makuta ko monye ya kao kande ka ilome, wa isela mo asima si owa yatanga mokiya ya n’nyama. ²⁹ Moomoli wa mafaefi wo ko iselekai kambu ka makuta kaa ka siyanga mo kaako, wa isele ko motchwe ya moto ko ombeya we limeseli ya ko beya kande, boso ya Mokolo wa kose na kiyo. ³⁰ Maili si eke wa esa teme mo toni, ba yaosa, ango ndjiwa emo eya yande. ³¹ Emo m’mba sadaka wa ko eya – eya limeseli ya ko beya kaa katelekanga, kofe bondia ko lekanesa sadaka wa n’nyama mokaya, eya eengame na moomoli wa mafaefi kota yo bondiya moto si oowa weeme ko soola ko beya kande koose, boso ya Mokolo. ³² Eeyo hii ika angile ya moto woose owa wa monekake na mpota ya oso ya suli ko mobe yande, eke m’mba n’nembe ya oso si itemoneke bande iboka. ³³ Mokolo na ko ena na Mose ena Aarona mbe : ³⁴ "Abowa o ko n’ngeya bane mo tchese tcha Kanana, tcheya tchalakanga ko esa bane ; a ika m’mba nata mpota emo ya oso ya suli kiyo na lumba emo mo tchese si tcheetcho ; ³⁵ Owa mokolo wa lumba si eeyo we engamei na kiya kowa ka moomoli wa mafaefi ko ebesa we eke wa ena nande mbe :"Na monake m’mba mpota ya suli ika mo omo wa lumba yane". ³⁶ Moomoli wa mafaefi, boso yande ko n’ngeya mo lumba si mokiya ko mona m’mba ikai mpota ya suli, woengame na ko toesa bato boose baa ba ikanga ko lama mo lumba si eeyo, m’mba beya boose bika n’nkati biteikangi na ko beya kaa oso si ooyo. ³⁷ Moomoli wa mafaefi wo ko monai bosaali mpota si m’mba ikai ya oso si oowo. ³⁸ Wo ko omokai molumba si eeyo, eke wa kanda yo muda ya nsu motchomoendi. ³⁹ Moomoli wa mafaefi wo ko sumbokai phe mo lumba si maili ya nsu motchomoendi. A ika m’mba wa mona m’mba mpota si gaemake mo ngba ya lumba, ⁴⁰ wo ko ena mbe batoese mesoko eeye ika n’nkati ya mpota, eke ba mbole bololo si gbaaya na motanga, mo boikaneyo omo yabeya (m’mba ko molinga). ⁴¹ Wokotai m’mba bakokoye botchafu yoose owa ika n’nkati ya lumba, eke ba mbola yo gbaaya na motanga, n’nkati ya molinga ya eeya, botchafu si yoose owa ba ko koanga. ⁴² Bokotai mpota mawe ma motondo mo boikaneyo si oowa betoese bo mawe ma boso, mokota masaali, mo ko folisa lumba. ⁴³ A ika m’mba mpota si ya sumbokea ephe eke ya moneka na bato ba lumba, maili ya aabowa mawe matokanga, matchuyekanga mo lumba, ⁴⁴ moomoli wa mafaefi wo ko sumbokeyai. A ika m’mba wa mona m’mba mpota ya emake na ko ika ko baphe bato ba lumba, yo ko siyai ya beya. ⁴⁵ Bo ko munai lumba si, na mawe si, na mbawe, na maango moose ma lumba eke baya kosiya kosiya besima boose ba lumba gbaaya na motanga, n’nkati ya molinga omo ya eya. ⁴⁶ Owa woose owa o ko n’ngeya mo lumba mo n’nyanga si yeeyo yelindame yo ko etekai yabeya ena n’nyanga ya iyo. ⁴⁷ Woose owa wo ko lama mo lumba si, we engamei na koowo na kovula ntulu. Woose owa wo ko anga n’nkati ya lumba si we engame kai na ko vula ntulu. ⁴⁸ A ika m’mba moomoli wa mafaefi wa sumboka mo lumba, wa mona m’mba mpota ye ko kame asima amo, maili ya lumba ko sooleka, we engamei na ko ena mbe lumba yeengamei yephowei, bondiya mpota ya kamenake. ⁴⁹ Wo ko omolai ; mo ko lifeya lumba, tooni tobe, nkoni ya meba, ya mongonga, na ya boulu. ⁵⁰ Wo ko tchindja kaoni kamo n’nkati ya n’nyongo ya ibomba, eya ika na maale masaali. ⁵¹ Wo ko biyai nkoni ya moba, na mongonga, wo ko n’nyai yo n’nkati ya mokiya ya kaoni si kaa ka bukake ikoti ena n’nkati ya maale masaali eke wa iteya – iteya makiya si na maale, mala motchomoendi mo lumba. ⁵² Wo ko lifeyai lumba na makiya ma kaoni, ena na maale masaali, na kaoni si kaa kina enda, na nkoni ya moba na eeya ephe. ⁵³ Wo ko ekai kaoni si kaa kimaenda wa oka kamboke ko andja ya motanga, mbe kaye mo iba boobo kayi wo kotai mo lumba mo ko omba tchombo eke yo na ko ika bosaali. ⁵⁴ Booboi, yo ko ika angile bondiya mpota ya oso ya suli ena mpota ya longanga. ⁵⁵ Bondiya oso ya suli, ntulu ena ma lumba, ⁵⁶ bondiya oso ya n’nkati ya mobe gbeta ena oso ya mboli ; ⁵⁷ Bo ko ebesa mbe tchesima tchemo tchukai tcha beya, a ika mbe tchebeyei, eeyoi ika angile ya oso ya suli.