¹ Mokolo na ko ena na Mose na Aarona eke we mbe : ² "A ika m’mba amoome omo wa ika na tchebali mo mobe yande, tcheya tchika m’mba tcha suli, baya nande kowa ka moomoli wa mafaefi Aarona ango ka omo wa bana bande baome, bika kai ba omoli ba mafaefi. ³ Moomoli wa mafaefi, we na ko phana m’mba mopta si ikai na mpuu ya phophoka n’nkati yayo, eke m’mba mpota si ikai na mesoko, m’mba ika kayi na molondo ya eya, m’mba mpota si ikayi ya oso ya suli. Moomoli wa mafaefi we engamei m’mba wikayi na oso ya suli, eke moto si wa ekeleka mo ko ika na bato asima amo. ⁴ A ika m’mba mpota ika kiyo na ohoba hikai na molondo ya eya, eke a ika m’mba mpuu yeukake ya phuphuka, moomoli wa mafaefi, we engamei na ko kanda moto si nsu mo tchwomoendi moto si owa wika na mpota si eeyo wa mona m’mba mpota si ya timbokake ko teya eke m’mba mpota si iteengame ko tinga ko meebe ya baphe bato. Mo aowo eke moomoli wa mafaefi. ⁵ A ika m’mba moomoli wa mafaefi wa mona m’mba mpota si wa mona m’mba, maili ya nsu mocthomoendi a ika m’mba mpota si iteengame bande na ko tinga ka ophe moto. Moomoli wa mafaefi we engame na ko kanda we ephe nsu motchomoendi. ⁶ Moomoli wa mafaefi wo ko moesi we ephe nsu ephe motchomoendi a ika m’mba mpota iteeme bande kiyo na okoba, moomoli wa mafaefi wo ko enyai mbe moto si waike n’nkati ya bato. ⁷ A ika m’mba n’nembe ya suli itebalangane bande kiyo na okoba. Eke baya ko moesa moomoli wa mafaefi mbe wa ebese m’mba mpota si iteengame bande mo ko tinga mo baphe bato. Mala ibe owa wika na mpota si weengamei na ko moesa yo kowa ka moomoli wa mafaefi. ⁸ Moomoli wa mafaefi, wo ko monai mpota si ephe, m’mba n’nembe si ehokomai asima amo. Moomoli wa mafaefi we engamei na ko ekesa moto si ooyo m’mba waike gbaaya na bato baphe. ⁹ A ika m’mba ya moneka ka moto mpota ya suli, bokiyai nande kowa ka moomoli wa mafaefi. ¹⁰ Moomoli wa mafaefi wokonnya moto si m’mba kiyo na okoba a mobe yande wikai, na alama ya suli. ¹¹ Ikai suli wenngeake mono ko menuko ya mobe ya moto ; moomoli wa mafaefi wa ebese mbe wika na suli ; n’ndi uto ko kanda bande we, bondia wa etekake mobeyi. ¹² A ika m’mba suli wa monekake kiyo na okoba ya mobe ya moto, yo ko omolee we mopta, ko linga ko motchwe ena ko maoo, asima yoose abowa moomoli wa mafaefi wa mona we, efoe mb waebe boyaeli yande. ¹³ Abowa omona we suli wa ikake ko mobe ya moto, yo ko ebesa mbe moto si oonoo wika na mpota, bondia suli wande wa monekake. ¹⁴ N’ndi mo bosu si oowa yo ko moneka mbe wika ooso ya suli, eke wa ebekana mbe wa beyake. ¹⁵ A ika mbe moomoli wa mafaefi wa mona okoba eteye, we engame na ko ena na moto mbe wika na suli, okoba ya teya ikai yabeya, ikai suli. ¹⁶ A ika mbe okoba yateya ya timboka ya phuphoka, we waye kowa ka moomoli wa mafaefi. ¹⁷ Moomoli wa mafaefi wo mona eke wa mona okoba ya fufokake, moomoli wa mafaefi wo ko ena mbe, ango owa wika na mpota, obuwa bande na suli weengame. ¹⁸ A ika mbe moto omo wa ika na mpota ya gbeta, owa wa ondake mono. ¹⁹ Eke yo ko monekai, mo asima si owa a ikanga gbeta, mpota ya fufoka ango alama wa ko fufuka na mokeya, moto si oyo we engamei na kiya ko moesa mobe yande kowa, ka moomoli wa mafaefi. ²⁰ Moomoli wa mafaefi wamona we m’mba wika na oso ya suli. M’mba alama ya oso emoneke kiyo na okoba, eke m’mba mpuu ya ikake ya fufuka. Wa mona mpuu ko phuphoka eke wa ekesa we ko ika asima amo na bato. Bondiya mpota yo suli ya monekake. ²¹ A ika m’mba moomoli wa mafaefi witeemone alama wa suli, weengame na ko ekanesa moto si na boikaneyo ya bato na nsu motchomoendi. ²² A ika alama wa suli, wa balangana kiyo na okoba, moomoli wa mafaefi we engamei na ko ekanesa moto si ooyo na baphe, bondia suli wande wa monekake wazi – wazi. ²³ N’ndi a ika m’mba alama wa siya asima amo buwa ko ema, yo buwa bande suli, ikai gbeta, eke moomoli wa mafaefi wa ena mbe moto si wo buwa bande na suli, wa ike na bato asima amo. ²⁴ A ika m’mba moto omo wa mona kiyo na okoba ya mobe yande tchebali tcha mpota ya ko lekana eke kiyo na tchebalisi, ya moneka alama ya fufoka, ango wa koteya ka mbole. Moomoli wa mafaefi we engamei na ko mona we mo ko eba oni oso wika nayo. ²⁵ A ika m’mba mpuu ya timbokake ya fufoka, eke asima si ika na molondo kiyo na okoba, eeyo ikai oso ya suli owa wa monekake na maiso ma bato. Mo n’nyanga si eeyo, moomoli wa mafaefi we engame na ko ena mbe ooyo wika na suli. ²⁶ A ika m’mba moomoli wa mafaefi wa mona m’mba alama ya mpuu ya fufoka ika kiyo na okoba yo buwa kae na molondo, we engamei na ko ekanesa moto si na baphe, mo n’nyanga ya nsu, motchomoendi. ²⁷ Moomoli wa mafaefi, wo ko mata mata mobe, maili ya nsu motchomoendi, a ika mbe alama wa balangana kiyo na okoba, moomoli wa mafaefi wo ko enai mbe moto si ooyo wika na suli, waike gbaaya na bato. ²⁸ N’ndi a ika mbe alama wika asima amo lika, eke wa timbokake m’mba ko teya ka mbole, oyo wo buwa bande na oso ya suli. ²⁹ A ika m’mba amoome omo ama amokali omo wa ika na mpota ko motchwe, ³⁰ moomoli wa mafaefi, o ko monai mpota si, a ika m’mba ikai na kamolondo n’nkati ya okoba, eke mpuu, ika na langi ya tosolo, na ya angowa angowa, moomoli wa mafaefi wo ko ebesai bato mbe moto si ooyo wikai na oso ya suli. ³¹ A ika m’mba moomoli wa mafaefi wika na mpota ya longanga eya elike, eke kiyo na okoba mpuu yo buwa kae, moto si oyo o ko ekanai na bato n’nkati ya nsu motchomoendi. ³² Moomoli wa mafaefi, wo ko monai mpota, maili ya nsu motchomoendi. A ika m’mba longanga ita balangane kiyo na okoba, a ika m’mba mpuu ya langi ya mbole yo buwa, eke ya buwa ko ika na molondo ya eeya kose na okoba, ³³ Owa wika na longanga o ko beyai mpuu, n’ndi uto ko beya bande asima si oowa ika na longanga. Moomoli wa mafaefi wo ko kandai mala ya ibe maili ya nsu motchomoendi. ³⁴ . Moomoli wa mafaefi, wo ko monai mpota ya longanga, maili ya nsu motchomoendi. A ika m’mba longanga si ite balangane mo mobe yoose, eke yeuka kiyo – kio lika, moomoli wa mafaefi wo ko ena mbe moto si wo buwa bande na suli, eke wa ena mbe basoole ntulu yoose ya moto si ooyo. ³⁵ N’ndi a ika mbe mpota ya longanga ya balanganya mo mobe otondo, mbe wa enekake mono mbe obuwa bande na ooso si, moomoli wa mafaefi wo ko moai mpota si ephe. ³⁶ Eke, a ika mbe longanga ya ikake kiyo na mobe otondo, moomoli wa mafaefi, utu ko phana kae efe m’mba alama ya mpuu ika moto si ooyo na ko eteka mobeyi. ³⁷ .A ika m’mba longanga iteye bande na boso, m’mba wa isanga m’mba uka na mpuu ya lingeya. Mbe longanga yaondake, wa ikake mofeneni eke moomoli wa mafaefi wengemei, na ko ena mbe wa fenenake. ³⁸ A ika m’mba amoome omo, ango amokali omo, wa ika na n’nembe ya fufoka, ³⁹ Moomoli wa mafaefi, we engame na ko mona we efe, wa mona n’nembe ya ko fufoka kiyo na okoba ya mobe, ika lika ba alama, ya moneka kiyo na okoba, moto si ooyo ubuwa bande na oso ya suli. ⁴⁰ A ika m’mba moto wika na tchekobe, obuwa bande na oso ango wa kamba ko ika na ngbehe. ⁴¹ A ika m’mba wika na motchwe obuwa na n’ngbehe bila tchondi, wikai na tchekobe, wikai mosali. ⁴² N’ndi a ika m’mba asima si oowo ya tchekobe wika na mpota ya langi ya mbole, wika na suli owa wa monekake mo asima owo ika na tchekobe, bila boso m’mba bila maili. ⁴³ Moomoli wa mafaefi wo ko monai bosaali, m’mba wika na ite ya n’nkati ya mobe eya ya monekake na mpota, na alama ya koteya m’mba mbole eya ika m’mba ya suli kiyo na mobe. ⁴⁴ Yemoese mbe wikai moto wa oso ya suli. Wikai na ko beya moomoli wa mafaefi wo ko ebesai mbe wika na suli. ⁴⁵ Moto wa suli, owa wa ikake na mpota, wo ko batai ntulu ya koaso – soka, eke wo o ko seya motchwe yande wazi, buwa ko lindeka yo na mpo wo ko lindekai n’ndelu yande. Eke wa enda mbe o ko ena mbe kobeya ! kobeya ! ⁴⁶ Mo n’nyanga yoose eya o ko ika we na mpota wo ko seya kobeya : wikai mokobe, wo ko ikai gbaaya na bato, mo boikaneyo omo, motanga omo ya bato ba suli lika. ⁴⁷ A ika mbe kiyo na ntulu yande, ika na alama ya maale ma suli, kiyo na ntulu ya mpuu ya nyama ama ya koto, ⁴⁸ mo boikaneyo ango mo tchetande kiyo na okoba ango kiyo na tcheenga tcha okoba. ⁴⁹ Kiyo na ntulu ango kiyo na tchesima tchoose, tcha alama wa maale ma ilambe m’mba ya maale ma mbole, ikai mpota ya suli, yo ko monesekai kowa ika moomoli wa mafaefi. ⁵⁰ Moomoli wa mafaefi wo ko monai bosaali mpota eke wa kanda yo mo nsu motchomoendi. ⁵¹ Maili ya nsu motchomoendi eke wa lindowa mpota mo ko eba m’mba ika na alama omo ya komoesa m’mba ikai ya oso ya suli, owa winaisama n’nkati ya mobe besima, na beongo ba moto si ooyo biteengale bande na ko bundeka na moto woose. ⁵² Wo ko lekanesai ntulu na beongo boose ba moto wa suli na tchesima tchoose tcheya tcho ko moneka na alama ya mpota ya suli. ⁵³ N’ndi a ika m’mba moomoli wa mafaefi wa mona m’mba mpota ita ikanga ko mobe yoose, ango kiyo na ntulu na bephe besima na bephe beongo, ango kiyo na okoba. ⁵⁴ Wo ko enai mbe basoole tchesima tchoose tcheya tcho ko moneka na alama ya maale ango toina ta suli. ⁵⁵ Moomoli wa mafaefi wo ko kandowa mpota mo ko mona, maili ya ko sooleka. A ika m’mba mpota inatimboki bande eke ite balangane kiyo na okoba tchoose tcha tchikai tchabeya. Besima boose beengamei na ko lekana mo kaya. ⁵⁶ A ika m’mba moomoli wa mafaefi wa mona m’mba mpota yeeme kokamena, maili ya ko sooleka, we engamei na ko toesa ntulu si eeya ya batanga moto si ooyo wa oso suli. ⁵⁷ A ika m’mba yo ko moneka kiyo na ntulu, ena kiyo na beengo boose ikai n’nembe ya suli tchoose tcheya tcho ko moneka na alama ya mpota ya sulu, maale, toina tchoose tcheengamei na ko lekana. ⁵⁸ Ntulu, na besima boose beya ba bakamanga mo okoba ya moto wa suli, beengamei na ko sooleka mala ibe. Boso yayo ko bateka. ⁵⁹ Eyo hii ika angile ya mpota yoose yasuli, a ika m’mba ya moneka mo ntulu, na kiyo na besima boose, mb ya ebekane m’mba tchesima si tchebeye ango m’mba tchefowei.