¹ Mokolo na ko ena na Mose mbe : ² "Ena na bana ba Isalaele ena mbe : A ika m’mba amokali omo wa biya leeme, eke wa bola maana amoome, wo ko ikai mo ko beya n’nkati ya nsu motchwomoendi, wo ko siya mo ko beya, m’mba mon’nyanga ya ikanga we na tcheli (mokiya) tcha meeli. ³ Maili ya bosu ya tchenana maana ande we engamei na ko bukeka tchoo. ⁴ Wo ko siyai nsu nkama isato na isato, ambe wo ko phenenesa mobe yande na mokiya ya ko bota ute engame bande na ko bunde tchesima tchoose tcha mekambo ya Mokonga, witeengame bande kongeya mo mesa ya masomboli, ena kowa ekama neka nsu si eeyo. ⁵ A ika m’mba wa bota maana amokali wo ko ika mo ko beya mo bayenga babe, m’mba mo n’nyanga ya tcheli tcha meeli, wo ko seyai nsu nkama motoba na motoba mbe wo ko phenenesa mobe yande na mokeya. ⁶ A ika m’mba nyanga si eeya yeeneke bondia ko boteka ka maana amoome m’mba maana amokali ya engama, we engamei na kiya keya na maana ya mokoko wa meeli 12 m’mba lifaefi, ena mosombe ya, ndjiwa m’mba lifaefi ya ko eya – eya na Mokonga bondia ko beya koose koya batanga bo boso ya ko boteka ka maana. ⁷ Moomoli wa mafaefi booso ya Mokolo eke we na kota bondiya yande mo ko phenenesa mekeya. Yooi ika angile ya ba mokali ba babotake maana amoome m’mba amokali. ⁸ A ika m’mba obuwa na tchesima tcha ko omola m’mba sadaka ya maana ya mokoko, wengamei na ko esa baana babe ba mengule, sadaka omo wa ko lekanesa n’nyama, eke ophe mo ko eya – eya mo ko meseleka ka ko beya, moomoli wa mafaefi wo ko omolai mo ko eya – eya, eke amokali si wa phenena".