¹ Mokolo na ko ena na Mose ena Aarona mbe : ² "Enai na bana ba Isalaele mbe monai n’nyama si eeya ekaaga bane : n’nkati ya n’nyama yoose eya ika kiyo na nseke. ³ Ba anganga n’nyama yoose eya ika na maseke maa mika na melondo, eya ika na mao na ngelete eya eka okanga meleli eya ya minanga yo. ⁴ N’ndi buwai ko anga eya yo ko okanga meleli lika, ango eya ika na iseke ya molondo lika, eke buwai ko anga ngamia, eya yo ko okanga meleli eya ya anganga yo, n’ndi yo buwa na maseke, ba mona yo m’mba n’nyama ya beya. ⁵ Buwai ko anga Dama (nyamasi yo buwande mo tchese tchito) yo ko okanga meleli, n’ndi yobuwa bande na maseke ma melondo, ba mona yo m’mba n’nyama ya beya. ⁶ Buwai ko anga nseti, yo ko okanga meleli ena yanganga, yo n’ndi yo buwa bande na maseke ma melondo, ba mona yo m’mba n’nyama ya beya. ⁷ Buwai ko anga nsombo, eya ika na nseke ya molondo ena mao mika melondo ibe, n’ndi ito ko omolanga bande moleli ya kooka, ikai n’nyama ya beya. ⁸ Biwai ko anga n’nyama yande, bowa banga ko bunda menuku yayo, bamona yo m’mba ikai n’nyama ya beya. ⁹ Monai n’nyamasi eeya bekaanga yo eya ika n’nkati ya male, baka anganai eya yoose ika na matcheku – tcheku na eeya ika na maambo, eya ika n’nkati ya iyaba, ko maaba maema ema ena eeya ika mo beliba. ¹⁰ N’ndi ba ika mbe beiye yoose eeya yo buwa na matcheku – tcheku ena eeya yo buwa na maamba, moeya yoose eya yo ko enda n’nkati ya iyaba, mo maaba ena mo boliba. ¹¹ Baeka ko anga yo. Eke ba eka ko anga besini bayo. ¹² Ba eka yoose eeya ika n’kati ya maale, eeya yo buwa na matcheku – tcheku ena yo buwa na maamba. ¹³ Monai n’nkati ya tooni, teya tekaiya bane ko anga: n’nyange, na mdjo ya maale. ¹⁴ Meokole, to phongololi, kalimbi na tephe ta tika m’mba tooni si. ¹⁵ Alola – lokele na tephe teya tika m’mba bo. ¹⁶ Kaoni kamo ka ema ka tchese tcha Bolaya na Asia, bo ko ela koo mbe Otrishe, na kaphe Sukulukutu, na nkoko – mbele na tephe taa okitaka si. ¹⁷ Kaphe – kaoni kika na maiso m’mba ma mpaka, na n’nsobu. ¹⁸ Sinye – Pelika na nsobu. ¹⁹ Nyange emo ika na ikoti ya eeya ena malema. ²⁰ Buwai ko anga boose ba bakolanda na mesolo m’mba tchebolongono. ²¹ N’ndi, n’nkati ya belande boose beya bika na maa na beya bokamboka, baanga beya ika na mao ma kiyo beya bo ko anganga kiyo na nseke. ²² Monay beya beengame na ko anga boo, n’ndonge, makelele, matoko, na teph tolimo. ²³ Bo buwa ko anga bephe belande, beya ba komboka, beya bika na mao mana. ²⁴ Beengame na ko seama a ika m’mba ba bunda bebende baba. ²⁵ Ena moto woose owa o ko biya bebende ba n’nyama si eeyo ya ko gba emine we engamei na ko osoola ntulu si eeya ebate we, bena nyanga ya uyo. ²⁶ Beengamei na ko eka ko anga n’nyama yoose si eeya yika na maseke mika na melondo, n’ndi eeya yo buwa na mao maa mo buwa na melondo. Bo buwa ko anga yo ikai ya beya. ²⁷ N’nyama yoose yika na mao mana, eeya yo ko enda na mao mabo. Moto woose owa o ko bunda bebende si bo ko ikai babeyi ena nyanga ya eyo. ²⁸ Ena woose wo ko bunda bebendesi, weengamei na ko soola ntulu si eeya yo batanga we. ²⁹ Mona ikai n’nkati ya n’nyama si eeya ya ko landanga, eeya biteengame na ko anga yo ; mpoko, tobengele mesuanene, makambe, nkoongo, ambamba. ³⁰ Belongo, benonge, betoke – toke, nkulu nkowa, meesowa beekoku. ³¹ Beengamei na ko iya belande boose, ena owa o ko bunda bebende babo, weengamei na ko moneka mbe wikai mokobey ena kowa kokoi ee botu. ³² Tcheongo tchoose tcheya n’nyama si eeyo yo ko tekeleka n’nkati ya tcho tcha monekaka m’mbe tchabeya. Tcheongo, tcha tote, ntulu, okoba, saki, tcheongo si tcheengamei na konyeka ko maale, boso ya tcho ko teleka mo mokambo. ³³ Tchesima tchoose tcheya tcho ko n’ngeya mo tcheseya si tcheectho, tchabeyake, tcheengamei na ko seyameka, koata tcho. ³⁴ Besoka boose beya bo ko teleka m’mba moleli, a ika maale ma n’nyama yabeya mangeya mo tcheongo si, tchabeyake ena maale mose ma mo ko teleka na, mokambo ya koteka moleli si, yo ko beyai ii. ³⁵ Tcheongo tchoose tcheya tcho ko ngeya n’nyama ya beya, tchabeyake. Tcheengamei na ko tukuneka, ko seyama. Tcheengamei na koneka m’mba tcha beya. ³⁶ Kosakolo beleba ba maale beengame na ko moneka m’mba besima besaali. N’ndi woose owa wo ko banda bebende wo ko ikai wabeya. ³⁷ A ika m’mba monuku ya n’nyama ya ko gba emine (nyamafu) ya keya kiyo na iba eeya meeleli yelekeleke noo, yikai yafoa ; ³⁸ N’ndi a ika m’mba maale mabeya makeya kiyo na iba, bengamei na ko anga toani si teya telekeleke mo iba si. ³⁹ A ika m’mba n’nyama emo eya bo ko anganga yo ya kpa yemine m’mba (nyamafu) betengame bande na ko anga yo, ena kowa okoila botu. ⁴⁰ Woose owa o ko anga n’nyama ya ko gba emine, weengamei na ko soola ntulu si eeya ya batanga we, ena nyanga ya yo. Ena owa o ko bunda tchebende si, weengamei na ko soola ntulu yande. Weengamei na ko moneka wa ko beya ena kowa o ko ika botu. ⁴¹ Bitengame bande na ko anga belande boose beya bekolande kiyo na nseke. ⁴² Betengame bande na ko anga belande boose beya bo ko enda. Kiyo na mesolo yabo m’mba ndjoka, m’mba beya bika na nguma ya mao (m’mba nkoongo (mille pates). ⁴³ Biteengame bande na ko seya beikaneli bino mo ko anga besima si beya beekeleke. ⁴⁴ Noo, nikai Mokolo wa kose na kiyo, Mokonga, beengamei na ko ika bapheni, bondia noo nikai mopheneni. Iteengame bande ko seya beikaneli bino bondia besima si beebo babeya. ⁴⁵ Bondiya nikai Mokolo wa kose na kiyo, owa wa omolanga bane mo tchese tcha Egypito, mbe waike Mokonga wino, m’mba mbe beike bapheneni, bondia nika noo mune mopheneni. ⁴⁶ Beyo ika angile eya ya n’nyama, tooni besima boose beya bo ko enda n’nkati ya maale, beya bekolanda kiyo na nseke. ⁴⁷ M’mba beekanese beya besaali nabeeya babeya,n’nyama eeya yeengame na koleleka, na eeya iteengame na koleleka.