¹ Bana ba Aarona, Nadab na Abihu bo na kiyo, omo na omo, mesandu eke ba lekanesa mo kaya, eke ba iteya malasi kiyo, bo na keya nayo boso ya Mokolo wa kaya ka baeni, eya uta akolekanga bo mbe bate yo. ² Eke kaya na ko omoka boso ya Mokolo eke kalekanesa bo. Boose na ko gba boso ya Mokolo. ³ Mose na ko ena na Aarona :"Eya ya enanga Mokolo : "Noo na ko ikai mopheneni na baa si baa bo ko bakameya noo, eke no ko ika kai na okuku boso ya okita itondo, Aarona we na ko bibana". ⁴ Mose na ko eta Mischael we na Elitsaphani, mana Uziel, moko wa Aarona, eke we na ko ena nabo :"Bakameya noo, wai na ba nduku bino baike gbaaya na bo ikaneyo ya masomboli koandja na tcheamba". ⁵ Ba bakama baka nande, bo na ko bata nkandjo, ko andja na tcheamba, bowa aenanga Mose. ⁶ Mose na ko ena na Aarona ; na Eleazar ena na Ithamar, mana Aarona "bito o towesa bande mpo ino, eke bito ko asowa bande ntulu ino, bondiya ya mbe, bitegbangi eke mbe Mokolo wite somangi na ko songana kino ekai ba nduku bino boose, lumba yoose Isalaele, eyai bondia kaya koose kaa kaakanesake Mokolo. ⁷ Bito ko omoka bande mo bongeleyo ya kema ya ko bokekeyo ya maondi, bondia makuta ma ngbengbele mo Mokolo mika kiyo nino". Mootai m’mba bowa Mose wa enanga. ⁸ Mokolo na ko ena na Aarona, ⁹ "buwa koma malu malolo, ango malu maholeweza, owe ena bana babe, abowa ekangeya bane ko molango ya lumba ya ko bukekeyo ya maondi, bondiya mbe bitegbangi ; yo ko ikai ango wa nsu na nsu mo maboti mino. ¹⁰ M’mba we ka eba ko ekanesa eya ika esaali, na eeya yabeya. ¹¹ Eke ba ebesa bana ba Isalaele ba angile baa Mokolo wa esanga Mose". ¹² Mose na ko ena na Aarona, na Eleazar ena na Ithamar, baana si babe ba sianga na Aaroni beya eya ya sianga mo sadaka, n’nkati ya boso eya ba lekanesanga mo kaya, booso ya Mokolo, angai yo bowa kota mote si oowa ya ko uwesanga mekati, baka baka na mesa wa masomboli, bondia ikai tchesima tcheya tcha lifelekake. ¹³ Ba anga yo mo bo ikaneyo osaali, ikai booka yabe na booka ya bana babe, mo ba sadaka booso baa ba ko lekanesa mo kaya boso ya Mokolo, bondiya eeyoi ya esekanga noo. ¹⁴ Wa anga kae, owe omune bane babe baome ena meseka yabe, mbele eya ika baka na betuli beya ba bilekanga kiyo, bondiya yeselekei owe omune m’mba looka yabe na looka ya bana babe, m’mba sadaka ya ko lombesa eeya ya bana ba Isalaele. ¹⁵ Bokula kai nayo ena maila si maa ma ko lekanesa mokaya, ena betuli beya bekabiya bo kiyo ena mbele eya ya ko nyengesa mbalu yoose, boso ya Mokolo yo ko ikai yabe ena ya bana babe yo ko ikai yabe ena ya bana babe yo ko ika kayi angile ya nsu na nsu eya Mokolo wa esake. ¹⁶ Mose na ko phana moome ya mboli ya ko omola yo sadaka ya ko toesa ko beya, eke wa lekanesa yo eke wa na ko soma na Eleazar ena Ithamar, baana si baa ba sianga na Aarona eke we na ko ena : ¹⁷ "Bondiya tchei witeange nyama ya ko ombeya ko tosa ko beya ? Mo boikaneyo ya phenena ? Ikai tchesima tchesaali ; ena Mokolo wa esangai bane tcho m’mba beike bapheneni ba ntuka, m’mba bete ko eya – eya bondia ko beya kete bane, boso ya Mokolo. ¹⁸ Monai mokiya ya n’nyama eya bitengese kayo n’nkati ya boikaneyo ya masomboli beengamei na ko anga yo n’nkati ya lumba ya masomboli noo m’mba bowa a ebeselekanga". ¹⁹ Aarona na ko ena na Mose :" Mona ba esake sadaka ya ko eyea – eya mo ko omba manesele ma ko beya, ena besima ba bosa boose boso ya Mokolo ena ena eya eluleye noo, m’mba noo neangange yo mbe ita foleanga bande Mokolo ?" ²⁰ Mose na ko n’ngba ena we na kowa – kowa maondi si.