¹ Mbali wamona mbe okoeta , moto omo mokpi maiso kolinga koboteka . ² Baeki na phipheya we : Molombiya , nani wete kobewa , moto siono , ao baa bebote we , m'mbe waboteke mokpi maiso ? ³ Mbali nakosumbola : Auwaande we m'mba baa botewei bete kobeya ; n'ndi ikai tchekamba tcha Mokonga tchamoneke kowa kande . ⁴ Engame mbele nete , mbe n'nyanga ekenaika mekambo ya owa wetome noo ; iphuwe yokula , kowa moto uto taa kae mokambo . ⁵ Aabowa ekaika noo mo tchese niki liangangi . ⁶ Maili ya koena eyo watufea mata mo n'seke , waphuleya mata mo n'seke . ⁷ Ke waisela beteku mo maiso ya mokpi , ke waena nande : Yaa , koa moiyaba ya Silowe ( lina Silowe iki mbe motomeki ) waya , ke waowa wasumvboka mbele maiso makandokake . ⁸ Baa bika baka naba baebanga we mbe moombombi baena : Bua owa ombombanga ono ? ⁹ Bamo mbe : Iki we baphe mbe yani , n'ndi beondeyane . ke we waena nabo mbe iki noo . ¹⁰ Baena nande boni maiso mabe makandokake ? ¹¹ Ke wasumbola : moto siowa bokoetanga we mbe Mbali waphuleyaki n'seke na mata , ke waisela noo mo maiso , ke waena : Mbe yaa omosowu ya Silowe kosole , naya , na sola , ke na mona iki . ¹² Baphipheya we : M'mbe moto si ? wasumbola : nteli ane . ¹³ Babiya we mokpi maiso o Bafalisayo . ¹⁴ N'ndia , waikangi botu ya koomonai Mbali weisele noo betephu , na kondowa maiso . ¹⁵ Ephe kaye Bafasayo baphipheya iki , boni eonde owe , ke wasumbola : Weseli noo beteku o maiso , ke na sola , ke na mona . ¹⁶ Mo yo bamo wa Bafalisayo baena : Moto siono utotoke ande ka Mokonga , Bondia ute litose ande botu ya koomona . Bamo baena : motcheni tchekamba moto siono ota maondi ma kosangalesa . ¹⁷ Ke kobanyeka kaika n'kati ya bo . ke baena ephe na mokpi maiso : owe waenake tchei bondia mo bowa wekandowe owe maiso ? wasumbola aikangai Molondoi . ¹⁸ Bayuda bita koye abo mbe we waikangai mokpi maiso ke utemone ande bena ile baa bebote we . ¹⁹ Ke baphipheya bo , nakoena : Uki maana wino , eeya boena mbele weboteke mokpi maiso boni o mona eneke ? ²⁰ Baa bebote we basumbola teli mbe ukai maana wito , obotekei mokpi maiso ; ²¹ Mo tchei o mona we moeneke , nani we kandowe maiso yoi base titeli . Phiphei we uki mokonde koenai eeya emone we . ²² Baa bebote we beenei boobo mo kotina Bayuda ; bondia Bayuda ben'ngbesane mbele , m'mba moto waeba mbele Mbali ukai Klisto , okoiki asima ya makumbe . ²³ Moyoi ba bebote we beene : Wuki mokomde phipheai we mune . ²⁴ Ba Falisayo beetesana ephe moto si owa wa pkanga maiso, ke ba ena nande:"Tombesa ka Mokonga, telimbe moto si owa uki moto wa bea". ²⁵ Wa sumboleabo:"M'mba waika moti wa ko bea, nteli ane; neli lika bondi omo, mbe na pkangi maiso ke noo monake. ²⁶ Ba ena nande:" Weti owe tchei? weti tchei mo ko kandowa owe maiso? ²⁷ Wa sumbolea bo:"Na ebesake se nino, bite eme kowakowa; motchei? beemi kongba yo ephe!" Beemi koika baeki bande? ²⁸ Ba na kosenda we na koena, owei uka meeki wande; base tiki baeki ba Mose. ²⁹ Telimbe Mokonga weemi na mose; ndi oono, titeli bito kowa kilewe. ³⁰ Moto si wa sumbolea bo:"Ikai komualesa m'mba biteli kowa keto-kewe; ke na yoe wekanowe noo maiso". ³¹ telimbe Mokonga uto kongbanga ande bato ba bea; n'ndi, m'mba moto walitosawe na kota nkasa ya nde, o oyai okombnga we. ³² Iyani tinangmbi maa bito moto ko kandowa maiso ma owa we bateke mbe we pke maiso. ³³ M'mba moto si ute tokange ka Mokonga, mbe utete ande tchesima. ³⁴ Bo na ko sumbolea we:"Oboteki liti Mokonga, ke o omoesa base! Ke ba benga we". ³⁵ Mbali wa ngba mbe ba bengake we; ke wa sangana nande, wa ena nande: "Owa kowe ka mana Mokonga?" ³⁶ Wa sumbola:"Uki nani Mokolo, n'ndia neakowe we?" ³⁷ Wa monake we, Mbali, koena nande, "ke owa o ko ena nabe, iki we". ³⁸ Ke wa ena:"neakowe, mokolo". Wa linga malu boso na nde. ³⁹ Moyo Mbali wa ena:"Nili motihese tcheno mo ko buka bondi; mba baa bito o mona ba mone, ba mone, ke ba, bo o mona bite monangi". ⁴⁰ Ba mo ba Fafalisayo ba baikanga nande, ba bamboga maoki mande, ba ena nande:" base kae, te pki maiso?" ⁴¹ Mbali wa sumbolea bo :"M'mba bepkange maiso, mbe ba uwa bino bati ba ko beya. N'ndi ene eke bane mbe:"Tamonake moyoi ko bea kino ko koilela".