¹ Liti, liti, na enake ninoo, mbele owa o kon'ngeya na molango ya ema, mba we walinya na kiyo, uki mopheli wa ena. ² Mbele owa o kon'ngeya na molango ya ema. ³ Ke mo kandoi o kandaiwai we, ke bato bo kongbi looki yande, o koeti boo na maina ma boo. Biki baa bande, ke wayana boo koandja. ⁴ Mba saa o komola boose mekoko yande bo ko ena boo nande; ke mekoko yande bo koondi we, bondia beli looki yande. ⁵ Ke bito ko onda ande moto ophe wangba ya, ke bo kingba aya nande, bondia biteli ande looki yande uki moto wangba aya. ⁶ Mbali we na ko ena na bo membila. Ke mba bo bouwango koeba mani o ko ena na bo. ⁷ Mbali we na ko ena na bo ephe; ukweli, ukweli, na enake nino, mbele niki molango ya ema. ⁸ Mbele baa boose balanga oso nane biki bapheli ba ema; ke mbele mekoko yana itengbe ande bo. ⁹ Niki molango ya ema aika mba moto wa n'ngeya kane, ke we o koondai, wa n'ngeya ke o ko omokai, mbele we omoni ome ya ema. ¹⁰ Ke bapheli bokuli koiya, ko buka ikoti, na ko balangamesa; ke noo, nili bondia mekoko ya ike na maisha, ke mbele baike na maisha mo ome ya laya-laya, ¹¹ ke noo niki Mokota, mophoi wa Mekota. Owa oko esanga maisha mo bato bande. ¹² Ke Baeteki, owa ouwa mokoko, yane ke wena kiya obeyo; ke ngba na obalanganesa we. ¹³ Ke baeteki bo na kia obeyo, bondia uki moeteki, ke mbele o buande nabi na mekoko. Niki Mokota ya phoa. ¹⁴ nli mekoko yane, ke bo kae beli noo. ¹⁵ Ke mba boa Tata weli noo. Ke noo kae neli Tata; ke mbele ne esekae bo maisha nane mo mekoko. ¹⁶ Nikana ephe mekoko, ya buande mekoko yane, ephoi mbele nile na bo:"Mo mekoko yane ba n'ngbe looki yane, ke baike motuka omo, mba kae mekoko emo. ¹⁷ Ke mbele Tata we weme noo, bondia ne ese maisha mane, moko anja. ¹⁸ Mba moto uto otoesa ande ke mbele nokoesi bo noo mune; kenika na tchekamba; eyoi ika mobeko owa nika na yo ka Tata. ¹⁹ Ika na tchesima tcha mbesi, bondia looki si eno mo ko ban'nyeka ka n'nkati ya ba Yuda. ²⁰ Ba bua n'nkati yabo bo koena:"Uki Mosombo". Uki moto wa oseka, mondia tchei kongba we ke baphe na ko ena:"Ya buande looki ya Mesombo, niya Mosombo mo we ko kandoi wa maiso si ma mangbake?" ²¹ Baphe ba enangai; yo buande maoki ma mosombo ya beya; mosombo ya beya yeengame na kandoa maiso ma owe wepke maiso? ²² Mbo na koika na tchesakisaki mo Yelusalema na iyo. ²³ Mbali o koenda n'nkati ya lumba, mo bangulube ba Salomon. ²⁴ Ke ba Yuda na ko kombawe, bo na koena eni n'nembe yokula Mosomo mosalali kiyo nito? ke mba iki Chritu, ena nito pka-pka. ²⁵ Mbali we na ko ena:"Mbele naenake nino, ke bito kowakowa bino e mekambo ete noo. Neti o molina Tata ke sombolea iwe okuku yane. ²⁶ Mbele bito kowakowa, bondia bouwa bino mekoko yane. ²⁷ Mekoko yane yo kongbangi looki yane; ke neli bo, bo kae bo ko ondangi noo. ²⁸ Ke naesa bo maisha malaya-laya ke bo bito ngba ande, ke moto ango mo oto otoesa ande bo mo maoko mane. ²⁹ Ke Tata, owa wa esanga noo, uki owe wa tchekamba ke boose; ke moto ango mo uto obaka ande boo mo maako ma Tata. ³⁰ Noo na Tata tiki emo. ³¹ Ke ba Yuda na kobiya mawe ma mbesi mbele balube we. ³² Mbali we na ko ena na bo:"Mbele na mo esangi ane mekambo mawe?" ³³ Ke ba Yuda na kondjibuawe mbele abuande bondia mekambo ya phoa ito lubea owe ko tomboka, ke bondia owe uki moto, ke wato owe Mokonga. ³⁴ Mbali we na koena mbele:"Ya bua mo mandiko; na enake mbele:" biki ba Mekota?" ³⁵ Aika mba wa eteka Mekota iki mbele looki ya Mokonga ika koakabe, iki mbele ma andiko ma uwa kolimenae, ³⁶ owa Tata wa sonake we mo kotoma we motchese, ke ba ena nande mbele watombokakee! Yoi naenake mbele niki Mana Mokonga?. ³⁷ Aika mba nitete Mekambo ya Tata biikoukowe, ³⁸ Aika mba no ota, mba bite akowe, okowai mekambo, mbele be ebei, ke mbele ibike Tata nane mbele nika ka Tata nane mbele nika ka Tata. ³⁹ Anokose, no phana baphe, ke bo ko eteya noo mo maako. ⁴⁰ Mbali we na kia ephe mo Jourdain, kowa asima si owa Yoani wa n'nyinga bato. Ke we na ko ena ilela. ⁴¹ Ke bato ba bua na kula baka, ke we na ko ena mbele; Yoani uta tanga na bondia moto si ono iki ukweli. ⁴² Ke mo asima si eyo, bato ke ba akowakowa kande .