¹ Aikangai moto omo oso, Lazaro, wa motanga Betania kowa koikanga Malia na Mana nina Maleta. ² Malia si oyo waiselangai Mbali malasi ko mao eke we na koiyowa mao ma Mbali na n'ngbe yande, we waikangai Mana nina Lazaro. ³ Bana ba nina si baa bo na ko toma mokendi ka Mbali mo ko ebesa we mbe," Issau yande Lazaro uka na oso". ⁴ Abowa angbanga Mbali, we na ko ebesa bo mbe," oso si owo obua bande ya kogba; ikai ya koesa Mokonga okuku, mbele Mana moto wa lombeseleke". ⁵ Mbele, Mbali weeme Maleta, na Mana nina Malia ena Lazaro. ⁶ Abowa an'ngbanga Mbali mbe Lazaro wika na oso, wa siyanga kowa kaikanga we n'nsu ibe ephe, ⁷ we, na koena na baeki bande, te sumbokei mo Yudea. ⁸ Baeki na ko ena nande:" Molombia, enekeke ano, ba Yuda ba phananga ko moesa owe maobi, eke weemekai ko sumboka mo Yudea ephe!" ⁹ Mbali na ko ena mbe:"Botu omo obuwa na n'nyanga ikomi na ibe? Aka mba moto waenda na looba, uto kokuka bande, bondiya wo ko mona boso; ¹⁰ N'ndi waenda na Iphowe, we engame na kokuka, bondia uto mona bande bosso. ¹¹ Maili ya maoki ma amo, eke wa ena nabo:"Issau ito Lazaro olame; n'ndi no koimolai we". ¹² Baeki na ko ena nande:"Mokota, aika mba olame o ko ondai. ¹³ Mbali wa enangai bondia kogba kande Lazaro, n'ndi baisangai mba bo ko ena bondia too. ¹⁴ Mbali na ko ateya bo mbe:"Lazaro wagbake". ¹⁵ Bondi inoo, mbe baekoe, nika na omehe bondi nta ikanga kooko. N'ndi tiyei kowa ika Tshelio. ¹⁶ Mo boobo toma owa oketelekanga na lina ya Didime, we na ko ena baeki baphe:"Tiyei base boose ko, aika kogba teegbe nande asima amo". ¹⁷ Mbali na ko koma mo boikane si, we na kosangela mbe Lazaro watake n'nsi ina n'nkati ya bolu. ¹⁸ Bowa, Betania ikomi na bitano, ¹⁹ Ba Yuda ba buwa bo makoelea Maleta na Malia, mo kophophesa bo mo kogba ka Mana nina wabo. ²⁰ Abowa Maleta wa ebanga mbe Mbali wa komeake we na kololoka mo kiya kopkeya we ndi Malia wasianga tchande molimba. ²¹ Maleta na ko ena na Mbali mbe:" Mokota, aikange mba woikange ano, ambe mana m'ma witegbe bande. ²² Ndi, enekeke neli mbe tshoose si tsheya tshokoomba we ka Mokonga, wo koakolea owe. ²³ Mbali na ko ena nande:"Mana N'tchoko o ko omokai mo n'kili". ²⁴ Maleta na koakowa mbe, wokaimokai mo botu ya n'ntungia ya tshese. ²⁵ Mbali naona nande:"Noo nikai mo imoli, no ko sumbolangai hooya. Moto owa o koakowa noo, no ko imolai we ango mbe wagbake mono. ²⁶ Woose owa wika na ooya na owakawe noo, wite kpi bande. Owe weakowe boobo?" ²⁷ We na koena nande:"Boobo Mokota, neakowe mbe owe ii Klisto, mana Mokonga, wa engamanga kula mo tchese". ²⁸ Maili ya ko ena boobo, we nakiya we na koeta Malia, mana nina ka owa eke wa ebesa we," Mokota wika ano wa phipheake! Owe". ²⁹ Ke Malia wena ngba, kewe na ko imana na tchekamba, ke we nakia kowa ika we. ³⁰ Ke Mbali mbele utinafiki mo motanga si owo, ke mbele oka mo motanga si owa Malata wa kutanekanga nande. ³¹ Ke ba Yuda si ba baikanga na Malia mo lumba ke mbele bo ko bonjabonja we, bo na komona mela omo we na ko imana na tchekamba ke we na ko omoka, ke wena kiya kowa ikawe, ke bo na ko ena mbele:"Waeke mobuyako, mokiya koeya". ³² Ke Malia we na okoma abowa ika Mbali, ke we na ko mona we, we na koeya mo mao mande, ke we na koena nande:"Mokota, mba we ikangese ano mbele nduku wane mbele utengbe ande. ³³ Mbali, wena ko mona mbele oko eya, ke ba Yuda siba balanga nande, bona koika na obaba mo mesombo yabo, ke boose na ko nyenguneka. ³⁴ Ke Mokota, we na ko ena na bo, mbele, wai bemonei. ³⁵ Mbali we na koeya. ³⁶ Ke yoi, ba Yuda na koena mbele:"Monai mba boa wa enanga we". ³⁷ Ke ba mo n'nkati ya baphe bona ko ena mbele:"Wei owa wa moesanga mongbi wa maiso, wengamekae na otakae mbele moto si ono ouw kongba?" ³⁸ Mbali we na opata tchombo tcha m'mbesi kowakande ke we omune, wenakia mo buyako. Aikangai ka lumba, na tcha iwe boso, ³⁹ Mbali na koena mbele:"Toesi iwe, ke Malata, we nduku wa mongbi, ke we na koena nande mbele:"Mokota, onuka, watake nsu ina n'nkati. ⁴⁰ Mokota na koena nande mbele:"Uteli mbele mo koeba mbele wa akowa, ke o monai okuku ya Mokonga?" ⁴¹ Ke bo na kotoesa iwe si eyo. Ke Mbali wena obiya maiso na kio, ke we na koena mbele:"Tata na sumboleake owe M'ngbengbele mondia owe oko akolea noo". ⁴² Bondia noo, neli mbele o ko ena nane n'nyanga yoose; aika mba na ena kiyo bondia ibamba si eno ete noo n'nkati, mbele ba akowe mbele owei wetome noo. ⁴³ Ke we na ko ena eyo, wena ko akaya na looki yaena:"Lazalo omoka!" ⁴⁴ Ke mongbi wena ko omoka, maona maako mbele mekandeke, ke nsula kaeika na menuku ya n'tulu. Mbali wenake na, mbele ekai we waye. ⁴⁵ Ke ba Yuda ba bua si ba balanga na Malia, ke baa na ma moose meteke Mbali, bo na ko ena mbele taako ake kowakande. ⁴⁶ Ke n'nkati ya bamo mba baphe bona kia kokutana na ba Falisayo, ke bona kaena eya Mbali watanga yo. ⁴⁷ Ke bato ba mesombi na ba Falisayo na ba Sanhedrin, ke bo na ko ena mbele:"Mba mobe omo mbele bana ba Mokonga ba balangana; ⁴⁸ Aika m'mba taekeya we kota, boose bo koakai we, bena Baloma bokulai koseya bena motanga ito bena okita ito". ⁴⁹ Omo wa bo, kayafa, mokolo moto wa baabi ba mataefi mo tchemo si tcheetcho, na ko ena na bo:" Bito ko m'mgba bino tchesima mo isina si; ⁵⁰ Bito ko engeleya ambe ikai mo isina ya ko phfa kino. Moto omo lika wapke mo isina ya bato boose, mo isina mbe okita otondo itemanekangi". ⁵¹ Bondiya, uto ko ena yo bondiya ande omune; n'ndi bowa ika we moai wa mafaefi opheme mo tchemo si etcho, we na konangola ambe Mbali we engamei kopka mo isina ya okita. ⁵² Ke itaikanga ande mo isina ya okita lika; aikanga kai mo isina ya ko sanganesa mo mobe omo lika. Bana ba Mokonga si baa bebalangane. ⁵³ Ke mo botu si owo; ke bona owaza moko iya we. ⁵⁴ Ke moyo Mbali uta yanga kae baka-baka na bo n'nkati ya ba yuda; ke oba na ko sumbola na maili na kianga iki kalebo na ba nduku ba motanga yaibunge, mo motanga si owa ye eteke mbele:"Ephraim, ke ko oko we na koilela na Baeki. ⁵⁵ Ke Pasika wa ba Yuda na ko engama ke bato ba bua ba tchese bo na kia mo Yerusalema boso na Pasika moko enjeka. ⁵⁶ Ke bona ko phana Mbali, ke bona ko ena mbele mba bamo na baphe molumba ya Mokonga:"Ose phe bano takutanake, Ke we utokula seno" ⁵⁷ Mo boobo, baabi ba mafaefi ba opheme na ba Falisayo ba esangi isosa mbee, aika m'mba owa o ko yeba kowa kika we, wa ebese yo ambele bakande we kowa kika we, wa ebese yo ambele bakande we.