¹ Nsu motoba boso ya Pasika Mbali na ko koma mo Bethani kowa Lazaro wa buanganga mo malundu. ² Aowo, bateleanga we moeli ya iyo, Lazaro waikangai, omo wa anganga nande mo meza. ³ Malia na kobia chupa wa malasi ma beeya ba bua, mbe waisele Mbali ko mao, eke wasoola mao mande na ngbe yande eke lumba ya takamana oopho ya malasi. ⁴ Omo wa baeki, Yuda Iskariote, mana Simona, owa ma engamanga na ko olesa we na koena:" ⁵ Bondia tchei bite olese malasi na falanga mia isato, mba baese yo moto uwe?" ⁶ Wa enangai buande mongbea touwe tchombo, ndi bondia waikonga moibi na motchungi ya iteke, na waikanga na kotomba bowa eeme we. ⁷ eke, Mbali, na koena:" ekai we na malasi si, mo koendeya botu ya kogba kane". ⁸ Bekakai na touwe nsu yoose n'ndi bito koika nane nsu yoose. ⁹ Metuka ya ba Yuda ko n'ngbo mbe Mbali uka mo bethama bo nakula, boande mo ko mona Mbali, n'ndi mo ko mona Lazaro owa wa buanyake mo bagbi. ¹⁰ Mekota ya ba Yuda ba emakai koiya Lazaro. ¹¹ Bondia ba Yuda ba bua baeka ike motuka yabo eke bo na koa-koa Mbali. ¹² Na m'pendu si, eke bato ba bua na n'ngba mbe tcheomba cho koika, bo na kiya mo Yerusaleme, ¹³ Boose na kobia toani ta betende, bo na kuya boso nande ombe bo ko yemba:"Hosana! Wa lipheleke, owa okula mo lina Mokolo, Mokota wa Israel". ¹⁴ Mbali na ko mona bana ka m'pendu eke wa linyanya yo bowa enekeleke mo kaani ka ilonga. ¹⁵ Bowa kotina, moseka ya Siona, mona Mokota ino walake, uka kio na konaka mponda". ¹⁶ Baeki bande bita ebanga bondi isina ya maondi, abowa Mbali olombeleseke, baeba eke isina ya maondi ma ilonga, maa matelekake mo isina yande. ¹⁷ Ba boose ba ikanga na Mbali, mo n'nyanga ya ko fufuka ka Lazaro, bo na kolombesa Mbali. ¹⁸ Motuka ya bato balulea we, mokona bondi ya ema ya ko buanya ka Lazaro mo bagbi. ¹⁹ Ba Falisayo ba enesana n'nkati yabo, mondi, bitete bande tchesima, tchesi tchaake kowa ika we. ²⁰ Bafuki, ba buwa, boa bayanga mo tcheombe, ²¹ Ba ena na philipo, wa Betesaida mo Galilaya eke ba ena nande:"Mokolo, teemei ko mona Mbali". ²² Philipo waya ko ebesa Andele, maili si Andele na Philipo baya ko ebesa Mbali. ²³ Mbali na ko ena nabo:"Nyanga ya engamake mbe Mana na Moto wa lombeseke". ²⁴ Moliti, mo liti na enake nino:" aika mba kauma ke n'nkati kakeya mo nseka, kitegbe, eke kasiya kamo lika, nde kagba, malasi ko kobotai tuuma ta buwo. ²⁵ Owa we ema mobe yande, okolimesai yo, na owa oske mobe yande mo tcheno tchese wokakai na yo nsu yoose. ²⁶ Aika mba moto watelea noo, waonde noo na kowa okoika noo kooka kae mokobe wanee wokaikakae. Aika mba moto watelea noo, Tata o ko lombesai we. ²⁷ Enekeke motema yane yoteka teka, neene boowi? Tata toeseya noo nyanga si aeno. N'ndi kula kane mo tchesi ikai mo isina ya bondi si onoo. ²⁸ Tata eka mbe lina be ya lombeseke! Looki na kotoka kio:"Na lombesangi yo, eke no ko lombesa kai yo". ²⁹ Bato ba ikanga aowa, ba n'ngbangai eke ba ena mbe ika looki ya kali kali. Baphe mbe, ikai looki ya Mosombo afoa. ³⁰ Mbali na koena:" buande bondi yane n'ndi looki si owa ba n'ngbake, n'ndi bondi ino. ³¹ Enekeke, bondia ya tchese ya bakekake, enekeke Mana Mokonga ya tchese wa mbolekake kowandja. ³² Noo abowa ekatoka noo mo nseke si eno, nekabotai bato boose kowa kane. ³³ Na ko ena boobo, eke wa mo ena bo bowa ekaika kogba kande. ³⁴ Metuka ya bato na ko ebesa we:"Taebangi mo maondi masaali mbe Klisto okaikai nsu yooe; bondia tchei, owe mbe, efoe mbe Mana Moto waye kio? Oni Mana Moto? ³⁵ Mbali na ko ena nabo:"Ngei-ngei ya booba ika n'nkati ino, ebai abowa booba ina ika, mbe iphoe ete o bobesangi bane owa o koenda mo iphoe uteli bande kowa kokiya we". ³⁶ abowa booba ina ika, akowa yo, mbe beeteke bana ba booba. Mbali na ko ebesa bo, bo maondi Mbali na ko ebesa maondi, eke wee naeka bo we nakia, kia koisama kpaaya nabo. ³⁷ Ango maondi ma bua ma ko sangalesa matanga we boose nabo bita a kowanga bande we, ³⁸ Mbe maondi maenanga Izaya, motondili. Nani wa akonga ko ena kito? Na kowa kaako ka mokolo, ka monekake. ³⁹ Mo boobo, bo, ba akoangai bondia Izaya wa ena ephei: ⁴⁰ "Wa kondangai maiso mabo, eke wa kobesa kobesa metema yabo; mbe, bite ebangi na metema, mbe bite timbokangi, mbe kondesangi bo". ⁴¹ Izaya wa ena maondi bondia wa monangai okuku yande embe wo ko ena bondi yande. ⁴² Mo boobo, ba buwa n'nkati ya mekota, bo na koakoa we n'ndi ondia ya ba Falisayo ba ekangai koa koa we, mo kotina ko bengeleka mo lumba ya Mokonga. ⁴³ Bondia ba emangai okuki ya bato kolongea ya Mokonga. ⁴⁴ Eke, Mbali na ko akaya:"Owa o koakoa noo, ndia wokoa-koai, ka owa walimanga noo". ⁴⁵ Eke owa wo ko mona noo, wa monake owa woto me noo. ⁴⁶ Nilei mba liangangi ya looba mo tchese, mbe woose owa wo koakoa noo watoke mo iphoe. ⁴⁷ Aika mba moto wangba maondi mane eke o buwa kolitosa mo, noo ntile bande mo tchese mo kokanda bato ndi mo kondesa tchese. ⁴⁸ Woose owa wo kokeka noo eke uto ko litosa maoki mane wika na owa okoena bondi yande; maoki ma meene noo, mo imeka ba kea we bondi mo bosu ya iko. ⁴⁹ Bondia, nteene bande bondi yane noo mune, n'ndi Tata owa wotome noo, wa ebesangai ko ena. ⁵⁰ Nelimbe, angili wande wikai tcheondesa tcha nsu ya bowa, bondia, maondi si maa mo ko ena noo, no ko enai mo bowa Tata wa enanga nane.