¹ Boso ya tcheombe tcha kasaka, Mbali na ko yeba mbe n'nyanga yande ika mo ko engama, mo kotoka mo tchoese na kia koa ka Ise, bowa aemanga we bato ba tchese, n'nembe ya mo boyeo kowa kabo. ² Mo n'nyenga ya moleli aiyo, Mosombo ya beya wa ngeleya Yuda Iskariote, Mana Simona, nkasa ya koisa we mokogba. ³ Mbali owa wa ebanga mbe Isse weesei we besema boose bande. ⁴ We na ko imana mo meza, na ko toesa ntulu, na ko biya molowa, owa wa limamanga na yo. ⁵ Maili si we na ko iteya maale mo nyongo, we na ko soola mao ma baeki bande, we na ko iyowa mao mabo na molawa owa wa kandanga yo mo mpondjo. ⁶ We na ko eleya Simona-Petele; eke Petele, ko soola noo mao! ⁷ Mbali na ebesa we:"Eya yatake noo, uto ko yeba bande enekeke, n'ndi o ko yeba iyo maili". ⁸ Petele na ko ena nande iyani, ute engame bande, owe, ko soola mao mane. Mbali na ko ena nande:"Aika mba ntesoole owe, uto koika bande na iyota bakanane". ⁹ Simona-Petele na ko ena nande:"Mokolo, bande lika maondi ena mao bena mochwe". ¹⁰ Mbali na ko ena nande:"Owa wasooleke mobe, maili si o ko soola kai mao, mo kophenena bosaali bane bephenene, n'ndi bowande bane boose. ¹¹ Bondia, wa ebangai owa okaolesa we mokoiya we; bondia wa ena:"buande bane boose i. Beengame". ¹² Maili ya ko soola baeki mao, eke wa biya ntulu yande eke we na kiya mo meza eke wa ena nabo:"Yebai bosaali eya natanga?" ¹³ Bo koeta noo Mwalimo no mokolo, ko, ko ena bosaali, n'nkati boobo. ¹⁴ Aika mba nesooli, bane mao mano, noo mokolo na Mwalimo, be engame kai ko soolesa na bane mine mao, mino. ¹⁵ Bondia, na mo yesake bane namuna ya kota, mba bane bete kae, bosa ye moese na moesa bane. ¹⁶ Mo liti, mo liti, na enake nabe, moko wa mokambo obuwa bande mo pheme kolongeya Mokota yande, ango moeki kolongeya owa watomanga we. ¹⁷ Aika mba ba yeba maondi si mamo bo koika na ome, aika mba bata maondi si; ¹⁸ Bua bande bondi ino bane boose iyo na ko ena yo; neli baa nasonake mono boo. N'ndi efoe mbe looki ya ilonga yateleke owa wo kaanga nane mokati, wa biake itindi yande kaowa nane. ¹⁹ Mo eneke, naenake nabe, booso mbe bondi inali, mbe abowa yokula yo, beakowei mo. Wa ta n'nembe ya ko phipheya ombe waebe nani Mbali wa enake bondia ande. ²⁰ Mo liti! Mo liti, na enake na be, owa wo ko pkeya, owa na tomake we, wa pokeyake noo, na wa pokeyake kae owa watomonga noo. ²¹ Ko mana ko ena maondi si mano eke Mbali na otimba maiso eke we na koena phololo:"Mo liti mo liti, na enake nino; omo wino wo ko olesai noo. ²² Baeki na ko moesana, n'nkati yabo buwa ko yeba bondia ya na maenake we boobo. ²³ Omo, wa baeki, owa Mbali wa emeanga we mo mbele. ²⁴ Simona-Petele wata n'nembe ya ko phiphea ombe waebe nani Mbali wa ena ke bondia ande. ²⁵ Ombe moeki si oyo o bakame mo mbele. Ya Mbali eke wa ena nande:" Mokolo ikai nani?" ²⁶ Mbali na ko ena:"owa no koesa we monuku ya mokati owa Mokonga yo eke waesa Yuda, mana Simona, wa Iskariote". ²⁷ Abowa monuku eeseleke, Mosombo abeya na kongeya ka Yuda. Mbali na ko ena nande:"Eya yokota owe, ta yo bosaali". ²⁸ Ango omo owa wa ikanga nande mo meza uta ebanga bande, moeni isino wa ena ke we boobo. ²⁹ Bondia baphe n'nkati yabo ba isangai mba Mbali we enei wa ikanga mo tchungi wa iteke ya beya, mba wa enangai mbe wa oleya, mba wa enangai mbe wa oleya touwe moleli. ³⁰ Yuda, maili ya ko biya botuku ya mokati, we na ko omoka ka beyo beyo, bondia botu ailangai. ³¹ Abowa Yuda wa omokanga Mbali na ko ena:"Enekeke, Mana Moto wa lombeleseka ke n'nkati yande". ³² Aika mba Mokonga wa lombelesa ke n'nkati yande eke we o wo ko lombesekai we enekeke. ³³ Bana bane, nika kasa nino nyanga kakolo nino, bekaphanai noo, bowa na enanga na ba Yuda:"Bite kaya kowa kokiya noo, na ena ke kae nino enekeke. ³⁴ Na esake bane angile ophe:"Emesanai, bane na ema bane, bane kae boobo, emesanai n'nkati ino". ³⁵ Mo boobo, boose bo ko yeba mbe bikai baeki bane, aika mba bika na koemesa n'nkati ino. ³⁶ Simoni-Petele na ko phiphea we:"Mokolo owe wo kiya kowe?" Mbali na koena nande. Ute engane bane koonda noo enekeke, n'ndi okaondai noo maili:" ³⁷ Mokolo Petele na ko ena nande:"Bondia tchei noo nteengne na ko onda owe kowa ko keya owe? Neengame na kogba bondi abe. ³⁸ Mbali na ko yebesa we. Weekame na kogba bondi yane? Mo liti! Mo liti! na yebesake owe, mbe n'koko inaeyi owe wotonai noo mala isato.