¹ Ekai ambele metema ino itetekatekangi. akowai Mokonga ke akowai kae noo. ² Beikaneo babuwa bika mo lumba ya Tata. yakaange koika boobo ambele naebesake mo bane. Naake koendjekea bane boikaneo. ³ Ke aika m'mba naaya ke naendjekea bane asima, nokulai ephe, ke natomba bane asima amo nane, ambele abowa yokoika noo bane beikei kae. ⁴ Beli kowa kokiya noo, ke beli kae m'mboka si. ⁵ Tomasi nakoena nande: Mokolo, titeli abito kowa kowa kokiya owe; oni oitaka yokoeba base m'mboka? ⁶ Mbali nakoena nande ambele; nikai m'mboka, liti na koika. Moto utokiya ande ka Tata ambele unaeti kowakane. ⁷ Aika m'mba beebange noo ambele baebangai kae Tata. Ke eneeke baebake we, ke bamonake we. ⁸ Filipo na koena nande ambele; Mkolo, moesa base Tata ke yo yokoengami nito boobo. ⁹ Mbali nakona nande ambele; aikake n'nyanga ya eya ambele nika nino, ke uteli abe noo, Filipo ! Owa wamonake noo wamonake Tata; motchei tchokoena owe ambele; Moesa base Tata ? ¹⁰ Uteakowe abe ambele nika n'nkati ya Tata, ke Tata uka n'nkati yane ? Maoki si mano mokoena noo nino, mitootoka ande kqwakane noo mune; ke Tata si owa wetchumane n'nkati yane, wei oota mekambo. ¹¹ Akowa noo nika n'nkati ya Tata, ke Tata n'nkati yane; akowa ango mo isina ya mekambo si eeno. go n'nkatia' kowakanek ¹² Moliti , moliti ,nokoena nino, owa okoakowa noo ootakai mekambo si eeno yoota noo,ke ootai yaemeema, mobondiya ambe naake ka Tata; ¹³ ke eya yoose yokoomba bane mo lina yane,nootai yo, moisina mbele Tata walombeseleke n'nkati ya Maana. Aika m'mba baomba tchesima tchemo mo lina yane, nootai yo. ¹⁵ Aika m'mba baema noo,tanganai na baangile bane ¹⁶ Ke noo noobondjabondja Tata,ke okoesai bane mophophesi ophe ambele atangane nino n'nyanga yoose . ¹⁷ mosombo ya liti owa cheese chitengame na komona na kowakowa yo mo isina mbele chito monande yo n;ndi bane beliyo bondia ika n'kati ino ke yokoekai nino . ¹⁸ n'kokosi ane bane ba siyana ne kalai koa kino ¹⁹ mo n'nyanga kakolokolo cheese tito monakaye noo , n'ndi bane bomona noo, bondia nika nakoika , ke bane bokoika kae . ²⁰ mo botu siowo bokoebi mbele nika n'kati ya Tata , ke bane bika n'kati ya ne , ke noo nika n;kati ino . ²¹ owa uka na baangile bane ke watangana nabo, wei weme no , ke owa weeme noo okoemekai na Tata , no koema we ke nokomonakai nande . ²² Yuda buwa mo keliota na koena nande ambele : MOkolo , yo tokai koni ambele akomoneki nito n'ndi buwa mo cheese ? ²³ Mbali nakosumboleya we ambele : aikam'mba moto omo weeme noo, okotanganai na looki yane , ke Tata okoemai we tokulai koa kande ke tokotai boikaneo ito koa kande . ²⁴ owa uteeme noo utetangane ande na maoki mane ke looki siowa yokon'ngba bane yobuande yane , n'ndi ya Tata siowa wetome noo . ²⁵ neeni nino maondi si mano ambele nekenaika asima amo nino . ²⁶ n'ndi mophophesi mosombo mosaali owa Tata okatoma mo lina yane okoebesi bane maondi moose , ke okaibesa bane ephe maa moose naenanga nino . ²⁷ nasileyake bane bii , na abeyake bane bii bane n'teeyabeye ane bane m'mba bua cheese chokowa beya bane . ekai ambele metema ino itenyengenyangi na itetekatekangi . ²⁸ ban'ngbaki ambele nen'ni nino mbele naeke , ke noo no sumbokai kowa kino . akaika m'mba baema noo bo lengeyai mo noo kiya ka Tata , mo isina wembelei koeteya noo . ²⁹ moeneke naenake nino maondi si mano boso yakula kamo mo isna mbele abowa yokula mo beyakowei . ³⁰ ke nitokoena kaye nino ephe bondia mbele mokota ya cheese ya lake . yo buande na chekamba kiyo nane . ³¹ ikiya mbele cheese chaebe mbele neeme Tata , ke nokotangai kondesana bowa Tata weeme nane ; imanai tetokei abono .